ايماقتار • 03 ناۋرىز، 2021

دەمالىس كۇندەرى ەلوردادا قانداي مادەني شارالار وتەدى

7 رەت كورسەتىلدى

نۇر-سۇلتان قالاسىنىڭ مادەني وشاقتارى الداعى دەمالىس كۇندەرى قالا تۇرعىندارى مەن قوناقتارىنا ارناپ پرەمەرالىق قويىلىمدار، 8 ناۋرىز حالىقارالىق انالار مەرەكەسى قارساڭىندا كونتسەرتتەر، كورمەلەر مەن ەكسكۋرسيالار وتكىزەدى، دەپ حابارلايدى ەلوردا اكىمدىگىنىڭ رەسمي سايتى.

«م.گوركي اتىنداعى مەملەكەتتىك اكادەميالىق ورىس دراما تەاترى» ساحناسىندا 6-7 ناۋرىز كۇندەرى ساعات 18:00-دە ۆ.شۋكشيننىڭ اڭگىمەلەرى بويىنشا «سۆەتلىە دۋمى» قويىلىمىنىڭ پرەمەراسى وتكىزىلەدى.

«ناز» مەملەكەتتىك بي تەاترى 5 ناۋرىز كۇنى ساعات 18:00-دە حالىقارالىق ايەلدەر مەرەكەسىنە وراي «سىيىنار ەم انا دەگەن تاڭىرگە!» تاقىرىبىندا كونتسەرت وتكىزەدى.

«ساكەن سەيفۋللين مۇراجايى» 5 ناۋرىز كۇنى ءاليحان بوكەيحانوۆتىڭ تۋعانىنا 155 جىل تولۋىنا وراي «ۇلت كوسەمى – ءاليحان بوكەيحانوۆ» اتتى ونلاين ءدارىس وتكىزەدى. ءدارىستى Instagram جەلىسىندەگى Seifullin_museum جانە bizbirgemiz پاراقشالارىنان كورۋگە بولادى.

مەملەكەتتىك اكادەميالىق فيلارمونيا 6 ناۋرىز كۇنى «جۇلدىز بولعىڭ كەلسە» اتتى كونتسەرتىنە شاقىرسا، 7 ناۋرىزدا «جان انام» اتتى كونتسەرتىن قويادى.

ءوز كەزەگىندە «قۋىرشاق تەاترى» 5 ناۋرىز كۇنى ساعات 14:00-دە، 16:00-دە ت. حاسانعاليەۆانىڭ «انا قۇدىرەتى» ەرتەگىسىن جۇرتشىلىق نازارىنا ۇسىنسا، 6 ناۋرىز كۇنى 12:00، 14:00، 16:00 ۋاقىتىندا ر. كيپلينگتىڭ «ماۋگلي» شىعارماسىن ورىندايدى.

«بەيبىتشىلىك جانە كەلىسىم سارايى» بىرقاتار ءىس-شارالار كەشەنىن وتكىزەدى. ناقتىراق توقتالساق، 6 ناۋرىزعا دەيىن كۇندەلىكتى 09:30-18:00 ارالىعىندا «تۋعان جەر» اتتى بالالار مەن جاسوسپىرىمدەر ستۋدياسىنىڭ حورەوگرافيا، حور، اكتەرلىك شەبەرلىك ساباقتارىن وتكىزەدى. سونداي-اق 7 ناۋرىزعا دەيىن 10:00-18:00 ارالىعىندا كۇندەلىكتى ەلوردا تۇرعىندارى مەن قوناقتارىنا ارنالعان ەكسكۋرسيالار وتكىزەدى. سول سياقتى ءدال وسى ارالىقتا «جاڭا كوزقاراس» اتتى قازاقستاندىق بەينەلەۋ ونەرىنىڭ كورمەسى ۇيىمداستىرىلادى. 6 ناۋرىز كۇنى Almaty Symphony Orchestra ۇجىمىنىڭ مۋزىكالىق ديرەكتورى ەرجان كۋليباەۆتىڭ قاتىسۋىمەن «ۆيرتۋوزدار» كونتسەرتى وتكىزىلەدى.

«تاۋەلسىزدىك سارايى» دا بىرقاتار كورمە وتكىزەدى. 2-7 ناۋرىز كۇندەرى 10:00-18:00 ارالىعىندا «ەلوردا بەينەسى» كوركەمونەر، «نۇر-سۇلتان قالاسىنا سىيلىقتار»، «Uly Dala Juregi» كورمەسى كەشەنىن، سونداي-اق تاۋەلسىزدىك سارايىنىڭ ەلوردا تۇرعىندارى مەن قوناقتارىنا ارنالعان ەكسكۋرسيالار وتكىزەدى.

«بايتەرەك» عيماراتىندا دا قالا جۇرتشىلىعىن ەكسكۋرسيالار كۇتىپ تۇر.

«ورتالىقتاندىرىلعان كىتاپحانالار جۇيەسى» عيماراتىندا 5 ناۋرىز كۇنى ساعات 12:00-دە «و، ايەل، سەنەن باسقا سۇلۋ جوق!..»، «ايەل بەينەسى، ادەمى بەينە»، ال 7 ناۋرىزدا «ايەل-انا، ايەل-ءومىر، ايەل-جىر!» اتتى ءىس-شارا ۇيىمداستىرىلادى.

«الجير» مەموريالدى-مۇراجاي كەشەنى» 5 ناۋرىز كۇنى «الاش قوزعالىسىنىڭ كوسەمى ءاليحان بوكەيحانوۆ» اتتى ونلاين كورمە وتكىزەدى. كورمەنى مىنا پاراقشالاردان كورۋگە بولادى. Facebook: مۋزەي الجير; Instagram: museumalzhir; Youtube: Museum ALZHIR Astana.

«Nomad City Hall» ساحناسىندا 6-7 ناۋرىز كۇندەرى ساعات 17:00-دە ءازىربايجان مامبەتوۆ اتىنداعى مەملەكەتتىك دراما جانە كومەديا تەاترىنىڭ مەرەكەلىك سىي تارتۋى جانە «قوش، ماحاببات» سپەكتاكلى وتكىزىلەدى.

«جاستار تەاترى» 6-7 ناۋرىز كۇندەرى س.دۇيسەنبيەۆتىڭ «ماحاببات مينياتيۋرالارى» اتتى تەاترلاندىرىلعان كونتسەرتىن وتكىزەدى.

ايتا كەتەيىك، اتالعان ءىس-شارالاردىڭ ءبارى سانيتارلىق-ەپيدەميولوگيالىق تالاپتاردى ساقتاي وتىرىپ وتكىزىلەدى.

سوڭعى جاڭالىقتار

تۇركىستانعا 3000 جىل

رۋحانيات • بۇگىن، 12:10

2002 ادام كوروناۆيرۋستان ەمدەلىپ شىقتى

كوروناۆيرۋس • بۇگىن، 09:32

سارىالا قازدىڭ قاڭقىلى ەستىلدى

رۋحانيات • بۇگىن، 08:51

قور نارىعى قىمباتتادى

الەم • بۇگىن، 08:33

بابا اماناتىنا ادالدىق

رۋحانيات • بۇگىن، 08:07

بالۋاننىڭ العاشقى التىنى

كۇرەس • بۇگىن، 08:02

پسج ەسە قايتاردى

فۋتبول • بۇگىن، 07:59

جارىستى جەڭىسپەن باستادى

بوكس • بۇگىن، 07:56

جاقاەۆتىڭ تاقياسى

رۋحانيات • بۇگىن، 07:47

شىلىكتى اۋىلىن سۋ باستى

ايماقتار • بۇگىن، 07:44

Ever Given مىسىردا قالدى

الەم • بۇگىن، 07:28

جەر تۋرالى زاڭ سەناتقا جولداندى

پارلامەنت • بۇگىن، 07:22

ۇقساس جاڭالىقتار