ايماقتار • 03 ناۋرىز، 2021

كوكتەمگى اسكەرگە شاقىرۋ: ەلوردادان 800-دەن استام ازامات جىبەرىلەدى

7 رەت كورسەتىلدى

قازاقستاندا كوكتەمگى مەرزىمدى اسكەري قىزمەتكە شاقىرۋ باستالدى. پاندەميا جاعدايىندا حالىقپەن تىكەلەي بايلانىستى تومەندەتۋ ءۇشىن اسكەرگە شاقىرىلۋشىلارعا SMS-حابارلامالار جىبەرۋ جوسپارلانۋدا، دەپ حابارلايدى ەلوردا اكىمدىگىنىڭ رەسمي سايتى.

پاندەميا جاعدايىندا تۇرعىندارمەن تىكەلەي بايلانىستى ازايتۋ، سونداي-اق كوكتەمگى شاقىرۋ كەزىندە حابارلاندىرۋ پروتسەسىن اۆتوماتتاندىرۋ ماقساتىندا، سىناق رەجيمىندە مەرزىمدى اسكەري قىزمەتكە شاقىرىلاتىن ازاماتتارعا SMS حابارلامالار جىبەرۋ جوسپارلانىپ وتىر.

كوكتەمگى اسكەرگە شاقىرۋ كەزىندە اسكەرگە شاقىرىلۋشىلارعا پتر ەكى رەت جۇرگىزىلەدى: اسكەرگە شاقىرۋ كەزىندە – جيىن پۋنكتەرىندە، ال اسكەري بولىمدەردە – جاس تولىم كەلگەن كەزدە.

نۇر-سۇلتان قالاسىنىڭ قورعانىس ىستەرى جونىندەگى دەپارتامەنتىنىڭ باستىعى پولكوۆنيك مۇرات بەرەكپولوۆتىڭ اقپاراتى بويىنشا، كوكتەمگى شاقىرۋ ناۋقانىن وتكىزۋدى 2021 جىلعى 1 شىلدەگە دەيىن اياقتاۋ جوسپارلانۋدا. كوكتەمگى اسكەرگە شاقىرۋ شەڭبەرىندە قازاقستاننىڭ قارۋلى كۇشتەرىنىڭ، باسقا دا اسكەرلەرى مەن اسكەري قۇرالىمدارىنىڭ قاتارى 18-27 جاس ارالىعىنداعى 13،5 مىڭنان استام مەرزىمدى قىزمەتتەگى اسكەري قىزمەتشىلەرمەن تولىقتىرىلادى.

«ەلوردامىزدان اسكەرلەرگە 1 600-دەن استام شاقىرىلۋشى جىبەرىلەدى. ونىڭ ىشىندە كوكتەمگى اسكەرگە 800-دەن استام ازامات جىبەرىلەدى. نۇر-سۇلتان قالاسىنىڭ اسكەرگە شاقىرۋ كوميسسياسىنىڭ توراعاسى بولىپ قالا اكىمىنىڭ ورىنباسارى اسقار امرين تاعايىندالدى.

ءبىر جىلعا جۋىق ۋاقىت بويى ازاماتتاردى جەدەل اسكەري قىزمەتكە شاقىرۋ كوروناۆيرۋستىق ينفەكتسيانىڭ تارالۋى اياسىندا جۇزەگە اسىرىلۋدا.

كوروناۆيرۋستىڭ تارالۋىنىڭ الدىن الۋ شارالارىنىڭ جيىنتىعى ۇنەمى قورعانىس ءمينيسترىنىڭ باقىلاۋىندا. الىنعان پراكتيكالىق تاجىريبە، سونداي-اق اسكەرگە شاقىرۋ جانە جيىن پۋنكتەرىندە جىبەرىلەتىن اسكەرگە شاقىرىلۋشىلاردى وقشاۋلاۋعا بايلانىستى شاقىرىلۋشىلار مەن ولاردىڭ اتا-انالارىنىڭ جاعدايدى ءتۇسىنۋى اسكەر ورتاسىندا ينفەكتسيانىڭ جاپپاي تارالۋىن بولدىرماۋعا مۇمكىندىك بەرەدى»، - دەدى ول.

ول ءوز سوزىندە كەز-كەلگەن ادام قاجەتتى اقپاراتقا جۇگىنە الاتىنىن جانە سۇراقتارىنا جاۋاپ الا الاتىنىن ايتىپ ءوتتى. وسى ماقساتتا قالالىق جيىن پۋنكتىندە «قارۋلى كۇشتەر – ادالدىق الاڭى» جوبالىق كەڭسەسى جۇمىس ىستەيدى، ەلەكتروندى پوشتا جاشىكتەرى جانە الەۋمەتتىك جەلىلەردەگى رەسمي اككاۋنتتار دا قۇرىلدى.

سوڭعى جاڭالىقتار

تۇركىستانعا 3000 جىل

رۋحانيات • بۇگىن، 12:10

2002 ادام كوروناۆيرۋستان ەمدەلىپ شىقتى

كوروناۆيرۋس • بۇگىن، 09:32

سارىالا قازدىڭ قاڭقىلى ەستىلدى

رۋحانيات • بۇگىن، 08:51

قور نارىعى قىمباتتادى

الەم • بۇگىن، 08:33

بابا اماناتىنا ادالدىق

رۋحانيات • بۇگىن، 08:07

بالۋاننىڭ العاشقى التىنى

كۇرەس • بۇگىن، 08:02

پسج ەسە قايتاردى

فۋتبول • بۇگىن، 07:59

جارىستى جەڭىسپەن باستادى

بوكس • بۇگىن، 07:56

جاقاەۆتىڭ تاقياسى

رۋحانيات • بۇگىن، 07:47

شىلىكتى اۋىلىن سۋ باستى

ايماقتار • بۇگىن، 07:44

Ever Given مىسىردا قالدى

الەم • بۇگىن، 07:28

جەر تۋرالى زاڭ سەناتقا جولداندى

پارلامەنت • بۇگىن، 07:22

ۇقساس جاڭالىقتار