تاعايىنداۋ • 02 ناۋرىز، 2021

ۇلىتاۋ اۋدانىنىڭ اكىمى تاعايىندالدى

23 رەت كورسەتىلدى

قاراعاندى وبلىسىنداعى ۇلىتاۋ اۋدانىنىڭ اكىمى بولىپ سوۆەتبەك مەدەباەۆ تاعايىندالدى.

سوۆەتبەك تۇرسىن ۇلى مەدەباەۆ 1965 جىلى ۇلىتاۋ اۋدانىنداعى قارساقباي اۋىلىندا دۇنيەگە كەلگەن. ەكى جوعارى ءبىلىمى بار: ءو.ا.بايقوڭىروۆ اتىنداعى جەزقازعان ۋنيۆەرسيتەتىن ەكونوميست-مەنەدجەر ماماندىعى بويىنشا جانە ورتالىق ازيا ۋنيۆەرسيتەتىن «قۇقىقتانۋ» ماماندىعى بويىنشا تامامداعان.

ەڭبەك جولىن جەزقازعان وبلىستىق حالىققا تۇرمىستىق قىزمەت كورسەتۋ باسقارماسىنىڭ جەزقازعان ۋچاسكەسىندە شەبەر بولىپ باستادى. جەزقازعان گەولوگيالىق بارلاۋ ەكسپەديتسياسىندا جۇمىس ىستەگەن.

جەزقازعان وبلىستىق تۇتىنۋشىلار قوعامى وداعىنىڭ اعا مامانى، كۇردەلى قۇرىلىس، كولىك جانە ماتەريالدىق-تەحنيكالىق جابدىقتاۋ ءبولىمىنىڭ باستىعى بولدى.

1995 جىلدان مەملەكەتتىك قىزمەتتە. جەزقازعان قالالىق اكىمشىلىگى باسشىسىنىڭ مىندەتىن اتقارۋشى جانە اپپارات باسشىسى بولدى. ودان كەيىن جەزقازعان قالاسى اكىمىنىڭ اپپاراتىن باسقاردى.

2003 جىلى جەزقازعان قالالىق ءماسليحاتىنىڭ دەپۋتاتى، جەزقازعان قالالىق ءماسليحاتىنىڭ حاتشىسى بولىپ سايلاندى.

2008-2011 جىلدارى ساتباەۆ قالاسى اكىمىنىڭ قىزمەتىن اتقاردى. «قازاقمىس» كورپوراتسياسى» جشس (جەزقازعان ق.) كاسىپوداق ۇيىمى توراعاسىنىڭ ورىنباسارى بولىپ جۇمىس ىستەگەن.

2012 جىلدان باستاپ وسى ۋاقىتقا دەيىن جەزقازعان قالالىق ءماسليحاتىنىڭ حاتشىسى بولىپ قىزمەت ەتتى.

 

قاراعاندى وبلىسى

سوڭعى جاڭالىقتار

ۇقساس جاڭالىقتار