ايماقتار • 02 ناۋرىز، 2021

ەلوردادا ءتىلسىز جاۋمەن كۇرەس قالاي جۇرگىزىلۋدە؟

4 رەت كورسەتىلدى

نۇر-سۇلتان قالاسى تجد مەملەكەتتىك ءورت باقىلاۋ باسقارماسىنىڭ باسشىسى ەركىن وتارعالىم ۇلى جىل باسىنان بەرى ەل استاناسىندا ءتىلسىز جاۋمەن كۇرەس قالاي جۇرگىزىلىپ جاتقانىن ءمالىم ەتتى، دەپ حابارلايدى قالا اكىمدىگىنىڭ رەسمي سايتى.

«نۇر-سۇلتان قالاسىنىڭ اۋماعىندا 2021 جىلدىڭ وتكەن كەزەڭىندە 165 ءورت بولدى. ورتتەردىڭ باسىم بولىگى تۇرعىن ءۇي سەكتورىندا بولدى – 71 وقيعا نەمەسە ورتتەردىڭ جالپى سانىنىڭ 43%-ى، ال 35%-ى جەكە سەكتورلارعا تيەسىلى. ءورتتىڭ نەگىزگى سەبەپتەرى جىلىتۋ پەشتەرىن پايدالانۋ كەزىندە قاۋىپسىزدىك ەرەجەلەرىن بۇزۋ بولىپ سانالادى (33 وقيعا)، سول سياقتى ەلەكتر جەلىلەرى مەن ەلەكتر قوندىرعىلارىن پايدالانۋ كەزىندە دە پايدا بولادى (12 وقيعا)»، دەيدى باسقارما باسشىسى.

2020-2021 جىلىتۋ كەزەڭىندە نۇر-سۇلتان قالاسىنىڭ اۋماعىنداعى تۇرعىن ءۇي سەكتورىندا 220 ءورت تىركەلدى.

«تۇرعىن ءۇي سەكتورىنداعى ورتتەردىڭ نەگىزگى سەبەپتەرى مىناداي: پەشتەردى ورناتۋ جانە پايدالانۋ كەزىندە ءورت قاۋىپسىزدىگى ەرەجەلەرىن بۇزۋ – 107 جاعداي نەمەسە تۇرعىن ءۇي سەكتورىنداعى ورتتەردىڭ جالپى سانىنىڭ 48%; ەلەكتر جابدىقتارىن مونتاجداۋ جانە تەحنيكالىق پايدالانۋ ەرەجەلەرىن بۇزۋ – 47 جاعداي نەمەسە 21%; تۇرمىستىق ەلەكتر قۇرالدارىن پايدالانۋ كەزىندە ءورت قاۋىپسىزدىگى ەرەجەلەرىن بۇزۋ – 8 جاعداي نەمەسە 4،3%; حالىقتىڭ وتتى ابايسىز پايدالانۋى – 48 جاعداي نەمەسە 11%»، دەيدى ەركىن وتارعالىم ۇلى.

نۇر-سۇلتان قالاسىنىڭ توتەنشە جاعدايلار دەپارتامەنتى جىلىتۋ كەزەڭىندە 42 مىڭنان استام اۋلانى ارالاپ، ءورت قاۋىپسىزدىگى بويىنشا جادىنامالار تاراتتى، ولاردىڭ بارىسىندا 55 مىڭنان استام ادامعا نۇسقاۋلىقتار بەرىلدى.

ول ءسوز اراسىندا وتكەن جىلدارعى تاجىريبە نەگىزىندە 1543 الەۋمەتتىك از قامتىلعان وتباسىلاردىڭ ءتىزىمى جاسالىپ، ەسەپكە الىنعانىن ءمالىم ەتتى.

«استانا ەرتس» جشس كومەگىمەن كوممۋنالدىق قىزمەتتەردى تولەۋ تۋرالى تۇبىرتەكتەردە 325 مىڭ دانا كولەمىندە پەشتى پايدالانۋ كەزىندەگى ءورت قاۋىپسىزدىگى بويىنشا جادىناما ورنالاستىرىلدى. ورتكە قارسى تاقىرىپتا قالا بويىنشا بيلبوردتار مەن باننەرلەر ورناتىلدى. ء«ورت قاۋىپسىزدىگى ايلىعى» اياسىندا ءىرى ساۋدا ۇيلەرىندە، بازارلاردا، ادام كوپ جينالاتىن وبەكتىلەردە ورتكە قارسى تاقىرىپتا اۋديو جانە بەينەروليكتەر تۇراقتى قويىلىپ تۇردى»، دەدى ول.

ءسوزىن جالعاي وتىرىپ، تۇرعىن ۇيلەردىڭ WhatsApp جەلىسىندەگى چاتتارىندا دا ءورت قاۋىپسىزدىگىن ساقتاۋ جايلى مالىمەتتەر تاراتىلعانىن ءمالىم ەتتى.

«قالانىڭ وقۋ ورىندارىندا وقۋشىلارمەن «سىرىڭكە – ءبىر ءومىردىڭ باعاسى!» تاقىرىبىندا ءتۇرلى كونكۋرستار مەن دارىستەر ءوتتى. سول سياقتى ورتتەردىڭ الدىن الۋ ماقساتىندا ىشكى ىستەر ورگاندارىمەن بىرلەسىپ الەۋمەتتىك ەمەس ءومىر سالتىن ۇستايتىن ازاماتتاردىڭ ساناتتارىنا ارناپ 8 مىڭنان استام رەيدتىك ءىس-شارالار وتكىزدى. ءۇيسىز ادامدار كوپ جينالاتىن ورىندار بويىنشا 146 رەيد جۇرگىزىلدى. وسى باعىتتاعى جۇمىس ارى قاراي دا جالعاسا بەرەدى»، دەپ باسقارما باسشىسى ءسوزىن قورىتىندىلادى.

سوڭعى جاڭالىقتار

اراق ساتىلمايتىن اۋدان

ايماقتار • كەشە

ەرلىككە تولى سۋرەتتەر

رۋحانيات • كەشە

ۇقساس جاڭالىقتار