ايماقتار • 02 ناۋرىز، 2021

ەلوردالىق وقۋشىلار 2 ناۋرىزدان باستاپ قالاي وقيدى

15 رەت كورسەتىلدى

ەلىمىزدىڭ باس مەملەكەتتىك سانيتارلىق دارىگەرىنىڭ 2021 جىلعى 27 اقپانداعى №9 قاۋلىسىنا سايكەس، سانيتارلىق-ەپيدەميولوگيالىق جاعدايدىڭ جاقسارۋى مەن تۇراقتالۋىن ەسكەرە وتىرىپ، 2 ناۋرىزدان باستاپ جالپى ءبىلىم بەرەتىن مەكتەپتەردىڭ 1-5 سىنىپ، سونداي-اق حالىقارالىق مەكتەپتەردىڭ 1-7 سىنىپ وقۋشىلارىن ارالاس فورماتتا وقىتۋعا رۇقسات ەتىلدى، دەپ حابارلايدى ەلوردا اكىمدىگىنىڭ رەسمي سايتى.

ال 6-8،10-سىنىپ وقۋشىلارى قاشىقتان ءبىلىم الادى.

پاندەردىڭ 70%-ى شتاتتىق رەجيمدە، 30%-ى قاشىقتان وتكىزىلەتىن بولادى. «كوركەم ەڭبەك» جانە «مۋزىكا» 1-5-سىنىپتاردا قاشىقتان اسينحروندى فورماتتا جۇرگىزىلەتىن بولادى.

شتاتتىق رەجيمدە مىنا پاندەر وقىتىلاتىن بولادى:

- 1-سىنىپتاردا: ماتەماتيكا، ساۋات اشۋ، شەت ءتىلى، ورىس سىنىپتارىنداعى قازاق ءتىلى، قازاق سىنىپتارىنداعى ورىس ءتىلى، جاراتىلىستانۋ، دۇنيەتانۋ، ءوزىن-ءوزى تانۋ;

- 5-سىنىپتاردا: قازاق ءتىلى، قازاق ادەبيەتى، ورىس ءتىلى جانە ورىس ادەبيەتى، شەت ءتىلى، ماتەماتيكا، ينفورماتيكا، قازاقستان تاريحى، ءوزىن-ءوزى تانۋ، دەنە شىنىقتىرۋ، جاراتىلىستانۋ.

9-11 (12) سىنىپتار «كەزەكشى توپتار» رەجيمىندە وقۋىن جالعاستىرۋدا.

وقىتۋدى ارالاس فورماتتا ۇيىمداستىرۋ كەزىندە ساباقتاردىڭ باستالۋ جانە اياقتالۋ ۋاقىتى كورسەتىلە وتىرىپ، يكەمدى ساباق كەستەسى جاسالادى.

سونداي-اق، الەۋمەتتىك قاشىقتىقتى ساقتاۋ ءۇشىن اۋىسىمدار كوبەيتىلدى، ياعني دارىستەر سىنىپتار اراسىندا ءتۇرلى ۋاقىتقا قويىلادى.

مەكتەپتەردە ەپيدورتالىق تۋرالى انىقتامالار تالاپ ەتىلمەيدى، الايدا ىشكى سۇزگى مەن دەزينفەكتسيالىق ءىس-شارالار كۇشەيتىلەدى.

سونىمەن قاتار، ەرەكشە جاعدايلاردا، اۋرۋ نەمەسە ناۋقاستارمەن قارىم-قاتىناس جاعدايلارىندا اتا-انالاردىڭ ءوتىنىشى بويىنشا بالالاردى قاشىقتان وقىتۋعا رۇقسات ەتىلەدى.

9-11 (12) سىنىپتار وقۋدى ارالاس فورماتتا جانە «كەزەكشى توپتار» رەجيمىندە جالعاستىرادى.

سوڭعى جاڭالىقتار

ۇقساس جاڭالىقتار