ءبىلىم • 18 اقپان، 2021

ونلاين وقۋعا بولىنگەن قارجى قولدى بولدى ما؟

8 رەت كورسەتىلدى

قوعامدا قاشىقتان وقۋعا قاتىستى سۇراق ءالى دە وتكىر تۇر. كارانتين شەكتەۋىنە بايلانىستى ونلاين ءبىلىم الۋدىڭ ماشاقاتى ەلدى ينتەرنەت بايلانىسىمەن قامتۋداعى بىرقاتار كەمشىلىكتى كورسەتتى. سونداي-اق، تۇرعىنداردىڭ، ونىڭ ىشىندە الەۋمەتتىك جاعدايى تومەن وتباسىلار مەن كوپ بالالى اۋلەتتەردەگى قاجەتتى تەحنيكالىق جابدىقتىڭ جەتىسپەۋشىلىگى تاعى كۇن تارتىبىنە شىقتى.

وسى تۇستا مەملەكەت قول ۇشىن سوزىپ، الەۋمەتتى قولداۋ قادا­مىنا باردى. ناتيجەسىندە، بيۋدجەت قارجىسىنا قاشىقتان وقۋعا قاجەتتى جابدىقتاردى ساتىپ الىپ، مۇقتاج وتباسىلاردىڭ وقۋ جاسىنداعى بالالارىنا پاي­دا­لانۋ­عا بەردى. ءدال وسى باعىتتا الماتى وبلىسىنا 12،3 ملرد تەڭگە قارجى بولىنگەن ەكەن. بۇل قوماقتى قاراجاتتىڭ 4 ملرد تەڭگەسى جەر­گىلىكتى بيۋدجەتتەن بولىنسە، 8،3 ملرد تەڭگە قارجى رەسپۋبليكالىق قازىنادان بەرىلگەن. ياعني جەتى­سۋلىق وقۋشىلاردىڭ تولىق­قان­دى ءبىلىم الۋى ءۇشىن بارلىق جاعداي جاسالعان. مۇقتاج وقۋ­شى­لارعا 80 000 دانا كومپيۋتەر ساتىپ الىنىپ، ۋاقىتشا پاي­دالانۋعا بەرىلگەن. قازىر 23،7 مىڭ تەحنيكالىق جابدىق وقۋ­شىلاردىڭ قولىندا ءجۇر. بۇل ىسكە ەرىكتى دەمەۋشىلەر دە جۇمىل­عان.

– وقۋشىلار مەن كوللەدج ستۋدەنت­تەرىنىڭ قاشىقتان ءبىلىم الۋىنا بارلىق جاعداي جاسادىق. 80 مىڭ كومپيۋتەر ساتىپ الۋ ءۇشىن 12،3 ملرد تەڭگە قارجى ءبولىندى. بارلىعى 23،7 مىڭ وقۋشىعا كومپيۋتەر ۋاقىتشا قولدانۋعا تاراتىلدى. ال دەمەۋشىلەر كومەگىمەن 2110 تەحنيكا بەرىلدى، – دەيدى بۇل جايىندا وبلىس اكىمى اماندىق باتالوۆ.

جالپى بۇگىندە 426 مىڭنان استام جەتىسۋلىق بالا مەكتەپ­ قابىر­عاسىندا ءبىلىم الۋدا. وقۋ­مەن قامتۋداعى كەدەرگىلەردى جويۋ ماقساتىندا شالعاي اۋىلداردا تۇراتىن وقۋشىلاردى مەكتەپكە تاسىمالداپ، وقىتۋ ءۇشىن 70 جاڭا اۆتوبۋس كولىگى دە الىنعان ەكەن. بۇعان 1 ملرد تەڭگە قارجى جۇمسالىپتى.

وكىنىشكە قاراي، وڭىردە ءبىلىم بەرۋگە بولىنگەن قىرۋار قاراجاتقا قول سۇققان شەنەۋنىكتەر دە انىق­تالعان بولاتىن. جاقىندا جەم­قورلىققا قارسى كۇرەس قىزمەتى الماتى وبلىستىق ءبىلىم باسقارماسىنىڭ باسشىسى مايگۇل وماروۆا مەن وبلىستىق ءبىلىم بەرۋ سالاسىنداعى عىلىمي-تاجىريبەلىك اقپاراتتىق تەحنولوگيالار ورتا­لىعىنىڭ ديرەكتورى اراپبي مەن­لىباەۆتى ۇستادى. سونىمەن قاتار، بۇل ىستە الماتى وبلىستىق ءبىلىم باسقارماسىنىڭ كۇردەلى جوندەۋ جانە مەملەكەتتىك ساتىپ الۋ ءبولىمىنىڭ مامانى باقىت ابدولدانوۆانىڭ ەسىمى اتالدى. ولار قاشىقتان وقىتۋعا قاجەتتى 2 522 نوۋتبۋكتى مەملەكەتتىك ساتىپ الۋ كەزىندە قىزمەتتىك وكى­­لەتتىگىن پايدالانىپ، جەكە پايدا كورۋدى كوزدەگەنى ءۇشىن ايىپ­تالۋ­دا. سىبايلاسقان توپ ىمىرالاسۋ ارقىلى بىرنەشە جەكە كاسىپكەرمەن كەلىسىم جاساپ، جالپى سوماسى 406 ملن تەڭگە بيۋدجەت قار­جىسىن يگەرگەن. بۇل قىزمەتى ءۇشىن لاۋازىمدى تۇلعا 37 650 000 تەڭگە پارا الۋ كەزىندە تۇتىلعان بولاتىن.

ايتپاقشى، بىرقاتار اقپارات قۇرالىندا قاپشاعاي قالاسى ءبىلىم ءبولىمىنىڭ باسشىسى رايسا ەشيموۆانىڭ بيۋدجەت قارجىسىن جىمقىرۋعا بايلانىستى كۇدىككە ىلىنگەنى جايىندا اقپاراتتار تارادى. ياعني ءبىلىم ءبولىمىنىڭ باسشىسىنا قاتىستى جاريا بولعان دەرەكتەردە ء«بىلىمدى دامىتۋ-2020-2025» مەملەكەتتىك باعدارلاماسى بويىنشا بولىنگەن قاراجاتتىڭ 1 ملن تەڭگەسىن ماقساتسىز جۇمسادى دەگەن كۇدىككە الىنۋى مۇمكىن دەلىنگەن بولاتىن. الايدا قازىر ءبولىم باسشىسى ءوزىنىڭ تىكەلەي جۇمىسىن جالعاستىرۋدا. بۇل اق­پاراتتى الماتى وبلىستىق ءبىلىم باسقارماسىنىڭ ءباسپاسوز قىز­مەتى راستادى. باسقارما وكىلى ر.ەشيموۆانىڭ قىزمەتتىك مىن­دەتىنە قاتىستى قانداي دا ءبىر شەشىم قابىلدانباعانىن، سون­دىقتان ول ءبولىم باسشىسى رەتىندەگى قىزمەتتىك لاۋازىمىن جال­عاستىرىپ جاتقانىن ايتتى.

سوڭعى جاڭالىقتار

تاميلانىڭ تارتۋى

ونەر • كەشە

مۋتاتسيالانعان ۆيرۋس

مەديتسينا • كەشە

ۇقساس جاڭالىقتار