قارجى • 17 اقپان، 2021

زەينەتاقى جيناعىنان جەكە تابىس سالىعى قالاي تولەنەدى؟

11 رەت كورسەتىلدى

مەملەكەتتىك كىرىستەر كوميتەتى تۇرعىن ءۇي جاعدايىن جاقسارتۋعا، قىمبات ەم قابىلداۋعا اقى تولەۋگە زەينەتاقى جيناقتارىنىڭ ءبىر بولىگىن پايدالانۋ بارىسىندا سالىق سالۋ تارتىبىنە تۇسىندىرمە بەردى. بۇل ماقساتتارعا بىرجولعى زەينەتاقى تولەمدەرىنە سالىق سالۋدىڭ جەكە ءتارتىبى كوزدەلگەن.

جەكە تابىس سالىعى (جتس) سوماسىن ۇستاپ قالۋدى «بىرىڭعاي جيناقتاۋشى زەينەتاقى قورى» اق (بجزق) جەكە تۇلعانىڭ تاڭداۋى بويىنشا ەكى ءتاسىلدىڭ بىرىمەن جتس ۇستاپ قالۋ تۋرالى ءوتىنىش نەگىزىندە جۇرگىزەدى. بىرىنشىدەن، بجزق ۋاكىلەتتى وپەراتورعا اۋدارعان كەزدە – ءبىر رەت، ەكىنشىدەن، بجزق بەلگىلەگەن كەستە بويىنشا (زەينەتاقى اۋدارۋ باستالعان كەلەسى ايدان باستاپ) 16 جىلدان اسپايتىن مەرزىم ىشىندە اي سايىن تەڭ ۇلەستەرمەن جۇزەگە اسىرىلادى. مىسالى، سالىمشىنىڭ جەكە زەينەتاقى شوتىنداعى زەينەتاقى جيناقتارىنىڭ سوماسى =

8 500 000 تەڭگە; جەتكىلىكتىلىك شەگى = 3 500 000 تەڭگە; بىرجولعى زەينەتاقى تولەمى = 5 000 000 تەڭگە (8 500 000 -3 500 000) بولسا، جتس تولەۋدىڭ 1-ءتاسىلى ەسەپتەلگەن جتس سوماسى = 5 000 000 (تولىق كولەمدە) * 10%= 500 000 تەڭگە; ۇستاپ قالۋعا جانە بيۋدجەتكە اۋدارۋعا جتس سوماسى = 500 000 تەڭگە; بىرجولعى زەينەتاقى تولەمى تۇرىندەگى كىرىس سوماسى = 4 500 000 تەڭگە

(5 000 000 – 500 000) بولادى. ال جتس تولەۋدىڭ 2-ءتا­سىلى ەسەپتەلگەن جتس سوماسى = 5 000 000 (تولىق كولەمدە) * 10%= 500 000 تەڭگە بولسا، بىرجولعى زەي­نەتاقى تولەمى تۇرىندەگى كىرىس سوماسى = 5 000 000 تەڭگە بولماق. بۇل رەتتە جتس زەينەتاقىدان ۇستالادى.

«جتس ۇستاپ قالۋدىڭ ەكىنشى ءتاسىلىن تاڭداعان كەزدە (زەينەتاقىنى اۋدارۋ كەزىندە كەيىنگە قالدىرا وتىرىپ) كەيىنگە قالدىرۋدى العاننان كەيىن بولعان جاعدايلار بويىنشا جتس ۇستاپ قالۋ بويىنشا جەكەلەگەن ەرەجەلەر بەلگىلەنگەن. ياعني قازاقستان اۋماعىنان تىس جەرلەرگە تۇراقتى تۇرۋعا كەتكەن كەزدە – زەينەتاقى تولەمىنىڭ سوماسىنان ءبىر رەت; زەينەتاقى جيناقتارىنىڭ سومالارىن ساقتاندىرۋ ۇيىمدارىنا اۋدارۋ كەزىندە – زەينەتاقى تولەمىنىڭ سوماسىنان ءبىر رەت; قايتىس بولعان جاعدايدا – مۇراگەرلەرمەن مۇراعا قالدىرىلعان زەينەتاقى جيناقتارىمەن ءبىر مەزگىلدە»، دەپ تولىقتىردى مەملەكەتتىك كىرىستەر كوميتەتى.

 

سوڭعى جاڭالىقتار

75،7 ملن ادام ايتۆ جۇقتىردى

مەديتسينا • كەشە

2021 جىلعى ورازا كەستەسى

رۋحانيات • كەشە

ۇقساس جاڭالىقتار