ۇكىمەت • 17 اقپان، 2021

جۇمىستى جانداندىراتىن كەزەڭ

9 رەت كورسەتىلدى

پرەمەر-مينيستر اسقار ءماميننىڭ توراعالىعىمەن وتكەن ۇكىمەت وتىرىسىندا ەلىمىزدىڭ 2021 جىلعى قاڭتارداعى الەۋمەتتىك-ەكونوميكالىق دامۋىنىڭ جانە رەسپۋبليكالىق بيۋدجەتتىڭ اتقارىلۋىنىڭ قورىتىندىلارى قارالدى.

جاعداي شاعىن جانە ورتا بيزنەستىڭ دامۋىنا تاۋەلدى

ەل ەكونوميكاسىنىڭ جاعدايى تۋرالى بايانداعان ۇلتتىق ەكونوميكا ءمينيسترى اسەت ەرعاليەۆتىڭ ايتۋىنشا، 2021 جىلى الەمدىك ەكونوميكانىڭ دامۋ پەرسپەكتيۆالارى ءالى ايقىن ەمەس. بىرقاتار پەرس­پەكتيۆالى ۆاكتسينانىڭ ازىرلەنۋىنە قاراماستان، پاندەمياعا بايلانىستى تاۋەكەل ساقتالىپ وتىر.

وسىعان وراي ەلىمىزدە 2021 جىلعى ءبىرىنشى ايدىڭ قورىتىندىسى بويىن­شا، كەن ءوندىرۋ ونەركاسىبىن ەسەپكە الما­عاندا، ناقتى سەكتور 3،6% دامۋ دەڭگەيىن كورسەتتى. نەگىزگى كاپيتالعا سالىنعان ينۆەستيتسيا­لار، كەن ءوندىرۋ ونەركاسىبىن ەسەپكە الما­عاندا، 25،5%-عا ءوستى. بۇل الداعى ۋاقىتتا ەكونوميكانىڭ تۇراقتى وسىمىنە نەگىز بولادى.

ۆەدومستۆو باسشىسىنىڭ مالىمە­تىنشە، كەن ءوندىرۋ ونەركاسىبىنەن باسقا ناقتى سەكتوردىڭ بارلىق سالاسى ءوسىم كورسەتتى. بۇلار – قۇرىلىس، ەلەكترمەن جابدىقتاۋ، وڭدەۋ ونەركاسىبى، اۋىل شارۋاشىلىعى سالا­لارى. كورسەتىلەتىن قىزمەتتەر سالا­سى­نىڭ تۇراقتانۋى بايقالادى. سونىمەن بىرگە ەكونوميكا سالالارىنىڭ كوبىندە نەگىزگى كاپيتالعا ينۆەستيتسيالار سەرپىندى قارقىنمەن وسۋدە. كەن ءوندىرۋ ونەركاسىبىن ەسەپكە الماعاندا، ينۆەستيتسيالاردىڭ ورتاشا ءوسۋى 25،5%-دى قۇرادى.

مينيستر مەملەكەت باسشىسى قويعان مىندەتتەردى جانە Nur Otan پارتياسىنىڭ سايلاۋالدى باعدارلاماسىن ەسكەرە وتىرىپ، 2021 جىلى قول جەتكىزۋ قاجەت نىسانالى ينديكاتورلار ايقىندالعانىن اتاپ ءوتتى. «ەڭ الدىمەن، بيىل ەكونوميكانىڭ ءوسىمىن 3%-عا دەيىن جەتكىزۋ كوزدەلىپ وتىر. وسى ماقساتتا ءاربىر سالا مەن ءوڭىر ءۇشىن نىسانالى پارامەترلەر ايقىندالدى. سونداي-اق باستى مىندەتتەردىڭ ءبىرى 2021 جىلى 15،4 ترلن تەڭگە سوماعا ينۆەستيتسيالار تارتۋ بولىپ تابىلادى. بۇل ينۆەستيتسيالاردى ىشكى جالپى ءونىمنىڭ 20% دەڭگەيىندە قامتاماسىز ەتۋگە مۇمكىندىك بەرەدى. اتالعان كورسەتكىشتەر رەسپۋبليكا بويىنشا ەگجەي-تەگجەيلى پىسىقتالىپ، ەكونوميكا سالالارىنىڭ بولىنىسىندە جانە ءاربىر ءوڭىر بويىنشا بەكىتىلدى» دەپ مالىمدەدى ۇلتتىق ەكونوميكا ءمينيسترى.

قويىلعان مىندەتتەردى ىسكە اسىرۋ ءۇشىن ورتالىق جانە جەرگىلىكتى اتقارۋ­شى ورگانداردىڭ 2021 جىلى ەكونوميكا­نى دامىتۋدىڭ مىناداي فاكتورلارىنا نازار اۋدارۋى ۇسىنىلادى:

ماكروەكو­نو­ميكالىق تۇراقتىلىقتى قامتاماسىز ەتۋ شەڭبەرىندە مەملەكەتتىك شىعىستاردىڭ تيىمدىلىگىن ارتتىرۋ جانە سالىقتىق-كەدەندىك اكىمشىلەندىرۋدى جاقسارتۋ بويىنشا شارالار قابىلداۋ قاجەت;

جاڭا ينۆەستيتسيالىق تسيكلدى قالىپتاستىرۋ ەكونوميكانىڭ قالپىنا كەلۋى مەن ودان ءارى ساپالى دامۋىنىڭ بازالىق شارتى بولىپ تابىلادى. ورتالىق جانە جەرگىلىكتى اتقارۋشى ورگاندار، سونداي-اق ۇلتتىق كومپانيالار سىرتقى جانە ىشكى ينۆەستيتسيالاردى تارتۋ بويىنشا ۇيلەستىرىلگەن جۇمىس جۇرگىزۋى قاجەت. شاعىن جانە ورتا بيزنەس – جۇمىس ورىندارىن قۇرۋ جانە حالىقتىڭ تابىسىن ارتتىرۋدىڭ نەگىزگى كوزى. وسىعان بايلانىستى قولجەتىمدى كرە­ديت­پەن قامتاماسىز ەتۋ جالعاسادى. جۇيە­لىك ماسەلەلەردى شەشۋ شەڭبەرىندە قايتا رەتتەۋ، جەكەشەلەندىرۋ جانە باسەكە­لەس­تىك­تى دامىتۋ بويىنشا شارالار قابىل­دانادى.

پرەمەر-ءمينيستردىڭ ورىنباسارى – سىرتقى ىستەر ءمينيسترى مۇحتار تىلەۋبەردى ينۆەستورلارمەن ناقتى جۇمىس ىستەۋ ءۇشىن 2012 جىلى ينۆەستيتسيالارعا جاۋاپ­تى وبلىستار مەن رەسپۋبليكالىق ماڭى­زى بار قالالار اكىمدەرىنىڭ ارنايى ورىنباسارلارى لاۋازىمى ەنگىزىلگەنىن اتاپ ءوتتى. اتالعان شارا ءوزىنىڭ تيىمدىلىگىن كورسەتتى، الايدا جىلدار وتە كەلە اكىم­دەردىڭ ارنايى ورىنباسارلارىنىڭ فۋنك­تسيونالى ولارعا بەيىندى ەمەس مىندەت­تەردىڭ جۇكتەلۋىمەن تاسادا قالىپ قوي­دى. «سوندىقتان وڭىرلەر اكىمدەرى ورىنبا­سارلارىنىڭ فۋنكتسيونالدىق مىندەتتەرىن قايتا قاراپ، ينۆەستيتسيالار تارتۋعا باستاپقى باعدارعا ورالۋ قاجەت دەپ سانايمىن. سالالىق مينيسترلىكتەر مەن كۆازيمەملەكەتتىك ۇيىمداردا دا ينۆەس­تورلارمەن جۇمىس ىستەۋ ماسەلەلەرىندە شاشىراڭقىلىق بار. وسىعان بايلانىس­تى ءبىرىنشى باسشىلار ناقتى جوسپارلارى مەن كورسەتكىشتەرى بار ينۆەستورلارمەن جۇمىس ىستەۋ ءۇشىن جاۋاپتى ورىنباسارلارىن ايقىنداۋلارى قاجەت» دەدى م.تىلەۋبەردى.

ب

 زەينەت جيناقتارىنىڭ 87%-ى – باسپاناعا جۇمسالماق

ۇلتتىق بانك توراعاسى ەربولات دوساەۆ بيىلعى قاڭتاردا دايىندىق جۇمىسى اياقتالعان سوڭ بىرىڭعاي جيناقتاۋشى زەينەتاقى قورى ازاماتتاردىڭ زەينەتاقى جيناقتارىنىڭ ءبىر بولىگىن الۋعا ارنالعان وتىنىمدەرىن قابىلداي باستاعانىن مالىمدەدى. بيىلعى 12 اقپانداعى جاعداي بويىنشا 1 855،9 ملرد تەڭگە سوماسىنا 115 608 ءوتىنىم قابىلداندى. ونىڭ ىشىندە 423،6 ملرد تەڭگە سوماسىنا 78 074 ءوتىنىم وڭدەۋگە قابىلدانىپ، ماقۇلداندى. بيىلعى 12 اقپاندا بجزق 408،2 ملرد تەڭگە سوماسىنا 75 186 ءوتىنىم بويىنشا بىرجولعى زەينەتاقى تولەمدەرىن اۋداردى. ازاماتتار الىنعان جيناقتاردىڭ 87%-ىن تۇرعىن ءۇي ماسەلەلەرىن شەشۋگە، ونىڭ 45،5%-ىن تۇرعىن ءۇي ساتىپ الۋعا; 28،3%-ىن يپوتەكالىق قارىز بويىنشا بەرەشەكتى وتەۋگە; 10،5%-ىن ەكىنشى دەڭگەيدەگى بانكتەرگە باستاپقى جارنا ءۇشىن جانە «وتباسى بانكىندە» يپوتەكا الۋعا; 2،3%-ىن جەكە تۇرعىن ءۇي قۇرىلىسىن سالۋعا، يپوتەكانى قايتا قارجىلاندىرۋعا، ساتىپ الۋ قۇقىعىمەن جالداۋ شارتى بو­يىنشا بەرەشەكتى وتەۋگە جانە وزگە دە ماقساتتارعا جۇمساۋعا نيەتتەنەدى.

ەندى ەلدىڭ الەۋمەتتىك جاعدايىنا كەلسەك، بيىلعى قاڭتاردا جىلدىق ينفلياتسيا 7،4% بولدى. بۇل رەتتە ازىق-ت ۇلىك ينفلياتسياسى باعانىڭ جالپى وسۋىنە ۇلكەن اسەر ەتۋدە. ازىق-ت ۇلىك تاۋارلارى باعاسىنىڭ جىلدىق ءوسۋى 2020 جىلعى جەلتوقساندا 11،3% بولسا، بيىلعى قاڭتاردا 11،4%-دى قۇرادى. ازىق-ت ۇلىككە جاتپايتىن ونىمدەر ينفلياتسياسى 5،5%-دان 5،3%-عا دەيىن، اقىلى قىزمەتتەر ينفلياتسياسى 4،2%-دان 4،1%-عا دەيىن باياۋلادى.

 جەرگىلىكتى بيۋدجەت كىرىستەرى اسىرا ورىندالدى

قارجى ءمينيسترى ەرۇلان جاماۋباەۆ بيىلعى قاڭتاردا مەملەكەتتىك بيۋدجەتكە 526 ملرد تەڭگە سوماسىندا كىرىس ءتۇسىپ، جوسپار 116،1%-عا ورىندالعانىن ايتتى. رەسپۋبليكالىق بيۋدجەتكە 288 ملرد تەڭگە سوماسىندا كىرىس ءتۇسىپ، جوس­پار 90%-عا جۇزەگە استى.  ال جەرگىلىكتى بيۋدجەتتەردىڭ كىرىسى 178،6%-عا ورىندالىپ، 239 ملرد تەڭگەنى قۇرادى. بارلىق وڭىردە كىرىس بويىنشا جوسپار اسىرا ورىندالدى.

مەملەكەتتىك بيۋدجەتتىڭ شىعىستارى 91%-عا، رەسپۋبليكالىق بيۋدجەتتىڭ شى­عىس­­ى 94،4%-عا، جەرگىلىكتى بيۋدجەت­تەر­دىڭ شىعىستارى 80،6%-عا ورىندالدى.

اۋىل شارۋاشىلىعىنا ينۆەستيتسيالار كولەمى 75،2%-عا ۇلعايدى

اۋىل شارۋاشىلىعى ءمينيسترى سا­پارحان وماروۆ بيىلعى قاڭتاردا جالپى اۋىل شارۋاشىلىعى ءونىمىنىڭ كولەمى 2،5%-عا ۇلعايىپ، 170،6 ملرد تەڭگەنى قۇراعانىن ايتتى. بۇل ءوسىم نەگىزىنەن مال شارۋاشىلىعىنداعى ءوندىرىس كولەمىنىڭ 2،7%-عا ۇلعايۋى ەسەبىنەن قامتاماسىز ەتىلدى. ماسەلەن، ەت ءوندىرىسىنىڭ سويىس سال­ماق­­تاعى كولەمى 5،3%-عا، ءسۇت 3،8%-عا ءوستى. 10،2 ملرد تەڭگەگە وسىمدىك شارۋاشى­لىعى ونىم­دەرى ءوندىرىلدى. بۇل اۋىل شارۋا­شى­لىعى داقىلدارىن جابىق توپىراقتا (جى­لى­جايدا) ءوسىرۋ ەسەبىنەن قامتاماسىز ەتىلدى.

ءمينيستردىڭ ايتۋىنشا، كورسەتىلگەن كەزەڭدە تاماق ونىمدەرىن ءوندىرۋ كولەمى 0،8%-عا ءوسىپ، 142،1 ملرد تەڭگەنى قۇرادى. بۇل رەتتە، وسىمدىك مايىن ءوندىرۋ كولەمىنىڭ 26،7%-عا، قىزىلشا قانتىنىڭ 25،1%-عا، سارى مايدىڭ 16،3%-عا، جارمانىڭ 11،3%-عا، وڭدەلگەن ءسۇتتىڭ 3،2%-عا، وڭدەلگەن كۇ­رىش­تىڭ 2،3%-عا، ىرىمشىك جانە سۇزبەنىڭ 0،8%-عا ارتقانى بايقالدى. «اۋىل شارۋا­شى­لىعىنىڭ نەگىزگى كاپيتالىنا سالىن­عان ينۆەستيتسيالار كولەمى 75،2%-عا ۇلعايىپ، 19،9 ملرد تەڭگەنى، تاماق ونىمدەرى وندىرىسىنە سالىنعان ينۆەستيتسيالار 11،2%-عا ارتىپ، 3،5 ملرد تەڭگەنى قۇرادى»، دەدى س.وماروۆ.

ەلىمىزدىڭ ونەركاسىپ سەكتورىنداعى قازىر­گى جاعدايى تۋرالى بايانداعان يندۋس­تريا جانە ينفراقۇرىلىمدىق دامۋ ءمي­نيسترى بەيبىت اتامقۇلوۆ 2021 جىل­دىڭ قاڭتار ايىندا ەلىمىزدىڭ وڭدەۋ ونەركا­سىبىندە وڭ ءۇردىس ساقتالعانىن اتاپ ءوتتى.  ءمينيستردىڭ ايتۋىنشا، ءتۇستى مەتاللۋرگيادا دا وڭ ديناميكا بايقالدى. ءوسىم 106،6%-دى قۇرادى. وعان تازارتىلعان التىن، تازارتىلعان كۇمىس، قۇيما التىن، تۇيىر­شىك­تەردەگى كۇمىس، كاتودتى مىستىڭ جانە باسقا دا كورسەتكىشتەردىڭ ءوسىمى ەسەبىنەن قول جەتكىزىلدى. قارا مەتاللۋرگيادا ناقتى كولەم يندەكسى 96،9% قۇرادى. شيكىزاتتىڭ جەتكىلىكسىزدىگىنە، تۇتىنۋشىلار تاپسىرىستارىنىڭ ازايۋىنا بايلانىستى شويىن ءوندىرىسى، رەلس­تەر، بولات قۇبىرلار، ارماتۋرالىق پرو­كات تومەندەدى. «سونىمەن قاتار كاسىپ­ورىندارمەن بىرلەسىپ ەكسپورتتىق الەۋەتتى ءونىمدى وتكىزۋدىڭ بالامالى نارىقتارىنا قايتا ءبولۋ جۇمىستارىن جۇرگىزىپ جاتىرمىز. جىل سوڭىنا قاراي بىرلەسكەن جۇمىس ناتيجەسىندە اتالعان كورسەتكىشكە قول جەتكىزۋ جوسپاردا بار»، دەدى ب.اتامقۇلوۆ. 

جىل سوڭىنا دەيىن رەسپۋبليكالىق ماڭىزى بار اۆتوجولداردىڭ 90% جانە جەرگىلىكتى جولداردىڭ 76%-ىن جاقسى جانە قاناعاتتانارلىق جاعدايعا جەتكىزۋ جوس­پارلانىپ وتىر. 6،5 مىڭ شاقىرىم اقىلى جول ەنگىزىلىپ، ۇلتتىق ستاندارتقا سايكەس كەلەتىن جول سەرۆيسىن 66%-عا جەتكىزۋ كوزدەلگەن.  «تەمىر جول كولىگىمەن ترانزيت 23،1 ملن تونناعا دەيىن نەمەسە 12%-عا ارتادى دەپ وتىرمىز. ونىڭ ىشىندە كونتەينەرلەر ءترانزيتىن 1 ملن جيىرما فۋنتتىق بالاماعا جەتكىزەمىز»، دەدى مينيستر. 

 وزگەرىستەر جولى: ءار ازاماتقا لايىقتى ءومىر!

ۇكىمەت وتىرىسىندا پرەمەر-ءمي­نيستردىڭ ءبىرىنشى ورىنباسارى ءاليحان سمايىلوۆ Nur Otan پارتياسىنىڭ «وزگە­رىستەر جولى: ءار ازاماتقا لايىقتى ءومىر!» سايلاۋالدى باعدارلاماسىندا ەلباسى مەن مەملەكەت باسشىسى بەرگەن تاپسىرمالالاردى ورىنداۋ اياسىندا اتقارىلاتىن ءىس-شارالار تۋرالى باياندادى.  ءا.سمايىلوۆتىڭ ايتۋىنشا، تاپسىرمالاردى ساپالى ءارى تولىققاندى ىسكە اسىرۋ ماقساتىندا ۇكىمەت پارلامەنت ماجىلىسىندەگى Nur Otan فراكتسياسى جانە پارتيانىڭ ورتالىق اپپاراتىمەن بىرلەسىپ، ارنايى جول كارتاسىن ازىرلەدى. جول كارتاسى سايلاۋالدى باعدارلاماسىنىڭ 4 باعىتىن ىسكە اسىرۋ بويىنشا 362 تارماقتى قامتيدى. «جول كارتاسىنىڭ بارلىق نىسانالى شارالارى مەن ينديكاتورلارى جاۋاپتى مەملەكەتتىك ورگانداردى بەكىتە وتىرىپ، جىلدار، سالالار جانە وڭىرلەر بويىنشا بولىنەدى»، دەدى پرەمەر-ءمينيستردىڭ ءبىرىنشى ورىنباسارى. 

بيىل اقپان ايىندا جول كارتاسى پار­لامەنت ءماجىلىسى دەپۋتاتتارىنىڭ قاتى­سۋىمەن وتكەن Nur Otan پارتياسى فراكتسياسىنىڭ وتىرىسىندا قارالىپ، ماقۇلداندى. پارتيا فراكتسياسى جىل سايىن اقپان ايىندا جول كارتاسىن ىسكە اسىرۋ بارىسى تۋرالى ۇكىمەتتى تىڭداۋدى جوسپارلاپ وتىر. ءا.سمايىلوۆتىڭ ايتۋىنشا، جول كارتاسىن جۇزەگە اسىرۋ بويىنشا شتاب قۇرۋ كەرەك. بۇل رەتتە، جۇمىس ورگانى رەتىندە ۇلتتىق ەكونوميكا مينيسترلىگىن بەلگىلەۋ ۇسىنىلادى. شتاب وتىرىسىن اپتاسىنا ءبىر رەت وتكىزۋ جوسپارلانعان، وندا جول كارتاسىنىڭ ءىس-شارالارىن ىسكە اسىرۋ ماسەلەلەرى قارالادى.

 ەكونوميكانىڭ نەگىزگى سالالارى ءوسۋ قارقىنىن ساقتاپ قالدى

وتىرىستى ۇكىمەت باسشىسى اسقار مامين قورىتىندىلادى. ونىڭ ايتۋىنشا، بيىلعى قاڭتار ايىندا ەكونوميكانىڭ نەگىزگى سالالارى كورسەتكىشتەردىڭ جاقسارۋ ۇردىسىنەن جاڭىلعان جوق. بۇل رەتتە كارانتيندىك شارالاردىڭ ساقتالۋى مەن كۇشەيۋى كورسەتىلەتىن قىزمەتتەر مەن كولىك سالالارىنا اسەرىن تيگىزگەنىنە قاراماستان، وڭدەۋ ونەركاسىبى تۇراقتى جاعدايدا العا باسىپ، جىل باسىنان بەرى 3%-عا ءوستى. ءوسىمنىڭ نەگىزىن مەتاللۋرگيا ءوندىرىسى (+3،1%)، ونىڭ ىشىندە اۆتوموبيل جاساۋ (+21،2%)، ماشينا جاساۋ (+16،2%)، ءتۇستى مەتالدار ءوندىرىسى (+6،6%)، سونداي-اق حيميا ونەركاسىبى (+12،8%)، قۇرىلىس ماتەريالدارى ءوندىرىسى (+11،8%) جانە فارماتسەۆتيكا (+4%) قۇرادى. قۇرىلىس كولەمى 7%-عا، تۇرعىن ءۇيدى پايدالانۋعا بەرۋ 9،4%-عا نەمەسە شامامەن 801 مىڭ شارشى مەتر­گە ۇلعايدى.

وپەك+ كەلىسىمدەرى اياسىندا مۇناي ءوندىرۋدى قىسقارتۋ بويىنشا قازاق­ستاننىڭ مىندەتتەمەلەرىن ورىنداۋى­نا بايلانىستى تاۋ-كەن ءوندىرىسى ۇلتتىق ەكونوميكانىڭ باياۋلاۋىنىڭ نەگىزگى فاكتورىنا اينالدى. مۇناي ءوندىرۋدىڭ ناقتى كولەم يندەكسى 12،3%-عا تومەندەدى. كەرىسىنشە، كومىر ءون­دى­­رى­سى جوعارى قارقىنمەن (+10،1%) وسە ءتۇستى.

نەگىزگى كاپيتالعا سالىنعان ينۆەستي­تسيالاردىڭ ءوسۋى تاۋ-كەن ءوندىرىسىن ەسەپكە الماعاندا 25،5%-دى قۇرادى. قىزمەت كورسەتۋ سەكتورىندا اقپارات جانە بايلانىس سالاسىندا جوعارى ءوسۋ قارقىنىنا قول جەتكىزىلدى (+9،4%).

ەكونوميكانىڭ تۇراقتىلىعى جۇمىس­سىزدىق دەڭگەيىن 5%-عا دەيىنگى دەڭگەي­دە ۇستاپ تۇرۋعا مۇمكىندىك بەردى. ەپيدە­ميالىق جاعداي باقىلاۋدا بولدى. ازاماتتاردىڭ قاۋىپسىزدىگىن قامتاماسىز ەتۋ ءۇشىن كەيبىر وڭىرلەردە بەلگىلى ءبىر شەكتەۋلەر ءالى دە قولدانىلۋ ۇستىندە.

اقمولا، اقتوبە، الماتى، جامبىل، قوس­تاناي وبلىستارى، سونداي-اق نۇر-سۇلتان، الماتى جانە شىمكەنت قالالارى نەگىزگى 7 كورسەتكىشتىڭ 5-ەۋى بويىنشا الەۋمەتتىك-ەكونوميكالىق دامۋ ءوسىمىن قامتا­ماسىز ەتتى. قاراعاندى، قىزىلوردا، پاۆلو­دار، تۇركىستان جانە شىعىس قازاق­ستان وبلىستارىندا
4 كورسەتكىش بو­يىنشا وڭ ديناميكاعا قول جەتكىزىلدى. «مينيسترلىكتەر مەن اكىمدىكتەر جۇمىستى جانداندىرىپ، ءتيىستى شارالار قابىلداپ، بەلگىلەنگەن ماقساتتار مەن مىندەتتەردى ناقتى ورىنداۋى قاجەت» دەگەن ا.مامين ەل ەكونوميكاسىنا ينۆەستيتسيالار تارتۋدىڭ ماڭىزدىلىعىنا ەرەكشە نازار اۋداردى.

ۇكىمەت باسشىسى ەكى كۇن مەرزىمدە Nur Otan پارتياسىنىڭ سايلاۋالدى باعدارلاماسىن ىسكە اسىرۋ جونىندەگى شتاب قۇرۋدى تاپسىردى. ونىڭ وتىرىس­تارىن اپتا سايىن پرەمەر-ءمينيستردىڭ ءبىرىنشى ورىنباسارى، اي سايىن پرەمەر-مينيستر وتكىزەتىن بولادى. شتابتىڭ جۇمىس ورگانى بولىپ ۇلتتىق ەكونوميكا مينيسترلىگى بەلگىلەندى، وعان وسى جىلدىڭ 1 ناۋرىزىنا دەيىن جول كارتاسى كورسەتكىشتەرىنىڭ تسيفرلىق كارتاسىن ازىرلەۋ تاپسىرىلدى.

سوڭعى جاڭالىقتار

الداعى اپتا كۇن جىلىنادى

اۋا رايى • بۇگىن، 12:57

سۇيىسپەنشىلىك ساباعى

ايماقتار • بۇگىن، 12:15

ەلوردادا كۇن جىلىنا باستايدى

ايماقتار • بۇگىن، 10:57

تۇرمەگە كىتاپ سىيلادى

ايماقتار • بۇگىن، 10:10

جاقسىنىڭ اتى ولمەيدى...

رۋحانيات • بۇگىن، 08:31

تەڭدىك ءتۇبى – بىرلىك

ەلباسى • بۇگىن، 08:03

جەكە كۋالىكتىڭ قاجەتى بولمايدى

ساياسات • بۇگىن، 07:47

تالدىنىڭ ماڭىن تازارتتى

رۋحانيات • بۇگىن، 07:38

جول ۇستىندەگى مۇزتاۋ

وقيعا • بۇگىن، 07:34

تالدىقۇدىق نەدەن تارىقتى؟

ايماقتار • بۇگىن، 07:33

جاھاندانۋ جايى وزەكتى

قوعام • بۇگىن، 07:24

حالىقارالىق شارتتار قارالدى

پارلامەنت • بۇگىن، 07:14

تاميلانىڭ تارتۋى

ونەر • كەشە

ۇقساس جاڭالىقتار