الەم • 16 اقپان، 2021

الەمدە كوروناۆيرۋس جۇقتىرعانداردىڭ سانى ازايدى

9 رەت كورسەتىلدى

ددسۇ الەمدە قاتارىنان بەسىنشى اپتا بويى كوروناۆيرۋس ينفەكتسياسىن جۇقتىرۋدىڭ جاڭا جاعدايلارىنىڭ سانى ازايىپ كەلە جاتقانىن جەتكىزدى.

ەگەر جىل باسىندا اپتا سايىن 5 ميلليون ادام ىندەتتى جۇقتىرسا، قازىر بۇل كورسەتكىش 2 ميلليونعا دەيىن ازايعان.

بۇل بارلىق مەملەكەتتەردە قولدانىلىپ جاتقان شەكتەۋشى شارالارىنىڭ ءتيىمدى ەكەنىن دالەلدەيدى، دەپ اتاپ ءوتتى ددسۇ باسشىسى تەدروس ادحانوم گەبرەسيەس. الايدا، بارلىق مەملەكەتتەردى كارانتيندىك شەكتەۋلەردى مەرزىمىنەن بۇرىن جەڭىلدەتپەۋگە شاقىردى.

ۇلىبريتانيادا «كوۆيد-وتەلدەر» جۇمىس ىستەي باستادى. كوروناۆيرۋس بويىنشا ەڭ قاۋىپتى «قىزىل تىزىمگە» ەنگەن 33 ەلدەن انگلياعا كەلەتىن ادامدار سول جەردە كارانتيننەن ءوتۋى كەرەك. قازىردىڭ وزىندە اتالعان قوناق ۇيلەرگە العاشقى قوناقتار قونىس اۋدارىپ ۇلگەرگەن. قوناق ۇيدە ون كۇن بولۋ مەن تەستىلەۋدەن ءوتۋ قۇنى 1 750 فۋنتتى قۇرايدى.

كوروناۆيرۋستىڭ جاڭا نۇسقاسى ونشاقتى ەلدە، ونىڭ ىشىندە ۇلىبريتانيادا، دانيادا، اۆستراليادا انىقتالعانىن ەدينبۋرگ ۋنيۆەرسيتەتىنىڭ عالىمدارى مالىمدەدى. ۆ1525 دەپ اتالعان نۇسقانىڭ كوروناۆيرۋستىڭ بريتاندىق ۆ117 مۋتاتسياسىنا ۇقساستىعى بار. عالىمدار B1525-ءتىڭ «الاڭداتارلىق مۋتاتسيا جيىنتىعى» بارىن، تەوريالىق تۇرعىدان قاراعاندا انتيدەنەلەرگە ءتوزىمدى بولۋ مۇمكىندىگىنە الاڭداۋشىلىق بىلدىرۋدە.

ددسۇ AstraZeneca جانە وكسفورد ۋنيۆەرسيتەتى جاساعان كۆي-گە قارسى ۆاكتسينانى ماقۇلدادى. باسقا پرەپاراتتار سياقتى، توتەنشە جاعداي ورىن العاندىقتان شەشىم جەدەلدەتىلگەن پروتسەدۋرا بويىنشا قابىلداندى. ۆاكتسينانى دامۋشى ەلدەر ءۇشىن كوروناۆيرۋسقا قارسى پرەپاراتتارعا قول جەتىمدىلىكتى جەڭىلدەتۋگە باعىتتالعان COVAX باعدارلاماسىنىڭ بولىگى رەتىندە قولدانىلۋى مۇمكىن.

سوڭعى جاڭالىقتار

Atmaca زىمىرانى سىناقتان ءساتتى ءوتتى

تەحنولوگيا • بۇگىن، 18:35

دوللار قايتادان قىمباتتادى

قارجى • بۇگىن، 15:00

ۇقساس جاڭالىقتار