قوعام • 16 اقپان، 2021

ستۋدەنتتەر وقۋ ورىندارىنا ورالىپ جاتىر

6 رەت كورسەتىلدى

وڭىردەگى جوعارى وقۋ ورىندارىندا 1-كۋرس ستۋدەنتتەرى ءداستۇرلى فورماتتا وقۋىن جالعاستىرۋدا. قازىر وبلىس ورتالىعىنداعى №2 ستۋدەنتتەر ءۇي̆ىنىڭ جاتاقحاناسىنا وڭتۇستىك وڭىرلەردەن كەلىپ وقيتىن «سەرپىندىك» جاستار ورنالاسۋدا. بۇعان قوسا جاتاقحانادان ارنايى گرانت يەگەرلەرى، جەتىم بالالار، كوپ بالالى وتباسىلاردىڭ مۇگەدەك توبىنداعى ستۋدەنتتەرگە الدىمەن ورىن بەرىلۋدە.

جالپى، پەداگوگيكالىق ۋنيۆەرسي­تەتتىڭ كۇندىزگى وقۋ بولىمدەرىنە 565 ستۋ­­دەنت قابىلدانعان. ۋنيۆەرسيتەت پرو­رەك­تورى ەلەنا يگناتوۆانىڭ ايتۋىن­شا، 28 جەل­توقساندا قابىلدانعان ءبىلىم جانە عىلىم مينيسترلىگىنىڭ №548 بۇي­رىعىنا سايكەس، 1 اقپاننان باستاپ 1-كۋرس ستۋ­دەنتتەرى ءداس­تۇرلى وقۋ فورماتىنا كوشتى.

ستۋدەنتتەرگە ارنالعان وقۋ بارىسى ۋنيۆەرسيتەتتە ارالاس فورماتتا ۇيىم­داستىرىلادى. ياعني دارىستەر ونلاين فورماتتا، سەمينارلار، قولدان­بالى سي­پاتتاعى زەرتحانالىق جانە پراك­تي­كالىق ساباقتار ءداستۇرلى فورماتتا وتەدى. ساباقتار 40 مينۋتتان ەكى اۋىسىمدا جۇرگىزىلەدى، ءار ساباق اراسىنداعى ءۇزىلىس – 20 مينۋت.

سونىمەن قاتار 1-كۋرس ستۋدەنتتەرىمەن ەكىنشى سەمەستردە وقۋ بارىسىن وتكىزۋ بويىنشا ونلاين كەزدەسۋلەر وتكىزىلمەك. نە­گىزگى ماقسات – ستۋدەنتتەرگە قازىرگى وقۋ بارى­سىنىڭ ءمان-جايى تۋرالى تولىق اقپارات بەرۋ.

ال 2، 3-كۋرس ستۋدەنتتەرى «دەنە شى­نىقتىرۋ جانە سپورت» ءبىلىم بەرۋ باع­دار­لا­ماسىن ەسەپكە الماعاندا، قاشىقتان وقۋ­­دى جالعاستىرادى. وقۋ بىتىرەتىن 4-كۋرس ستۋدەنت­تەرىنىڭ كاسىبي جانە ديپ­لوم الدىن­داعى پراكتيكالارى ونلاين فورماتتا بولادى.

ماگيسترانتتار مەن دوكتورانت­تار­دىڭ عىلىمي-تاجىريبەلىك جۇمىسى مەن تەو­ريالىق ءبىلىم الۋى جانە قو­رىتىندى ات­تەستاتتاۋدان وتكىزىلۋى دە قا­شىقتان وقى­تۋ فورماتىندا جۇزەگە اسى­رىلادى.

– سانيتارلىق-ەپيدەميالىق نورمالاردى قاتاڭ ساقتاۋ ماقساتىندا ۋني­ۆەرسيتەتتىڭ ارنايى بولىمدەرىنە ۇسى­نىستار جاسالدى. اۋديتوريالارداعى ستۋ­دەنتتەردىڭ تولىمدىلىعى 40 پايىزدان اسپايدى. قاتارلاس وتىراتىن ستۋدەنتتەر اراسىندا ەكى مەترلىك الەۋمەتتىك ارا­قاشىقتىق، ال زەرتحانالاردا ءبىر ستۋدەنتكە 5 شارشى مەترلىك اراقا­شىقتىق قامتاماسىز ەتىلگەن. كىرەبەرىس فويەدە، وقۋ زالدارىندا، زەرت­حانالار مەن سانيتارلىق توراپتاردا سا­نيتايزەرلەر ورناتىلعان، – دەيدى ە.يگناتوۆا.

بارلىق وقۋ بولمەلەرى مەن اكىمشىلىك كەڭسەلەرىندە 150 ستاتسيونارلىق جانە 15 جىلجىمالى كۆارتس شامدارى بار. عيماراتتاردى دەزينفەكتسيالاۋ تۋرالى كەلىسىمشارت جاسالدى. كىرەبەرىستە ستۋدەنتتەر مەن وقىتۋشىلاردىڭ، قىز­مەت­كەرلەردىڭ دەنە قىزۋىن ولشەيدى. ستۋ­دەنتتەر مەن وقىتۋشىلار جانە ۋنيۆەرسيتەت قىزمەتكەرلەرىنە وقۋ بارىسى كەزىندە بەتپەردە تاعۋ مىندەتتەلدى.

سونداي-اق جاتاقحانا جۇمىسىنا ەرەكشە كوڭىل بولىنبەك. كارانتيندىك تالاپتار بويىنشا ستۋدەنتتەردى 50 پايىز تولىمدىلىقپەن بەكىتىلگەن كەس­تەگە سايكەس جاتاقحانالارعا قابىل­داي­دى. جاتاقحاناعا ورنالاسۋ ءۇشىن ستۋ­دەنتتەردىڭ وتىنىشتەرىن ونلاين رە­جىم­دە قابىلداۋ جۇرگىزىلدى. 395 ستۋدەنت جاتاقحانادا تۇرۋعا سۇرا­نىس بىلدىرگەن. جاتاقحاناعا ورنالاستىرۋ 25-30 قاڭتار ارالىعىندا ءوتتى. ستۋ­دەنت­تەردى بولمەلەرىنە ورنالاستىرۋ ءتارتى­بى سانيتارلىق-ەپيدەميالىق تالاپتارعا سايكەس جۇزەگە اسىرىلادى. جاتاق­حاناعا كىرەردە ستۋدەنتتەردىڭ دەنە قىزۋى ولشەنەدى. دالىزدەر مەن كىرەبەرىستە سانيتايزەرلەر ورناتىلعان. ازىرگە ويىن-ساۋىق مادەني بۇقارالىق ءىس-شارالار وتكىزۋگە تىيىم سالىنعان.

وقۋ ورنىنداعى اسحانالار دا قوعامدىق تاماقتاندىرۋ كاسىپورىندارىنىڭ جۇ­مىسىن ۇيىمداستىرۋ بويىنشا ۇسى­نىستاردى ەسكەرە وتىرىپ جۇمىس ىستەيدى: الەۋمەتتىك اراقاشىقتىقتى ساقتاۋ، بەتپەردە كيۋ جانە عيماراتتاردى دەزينفەكتسيالاۋ تالابى قاتاڭ ساقتالادى. 

پاۆلودار وبلىسى

 

سوڭعى جاڭالىقتار

«كيىك جاپپاي قىرىلىپ جاتىر»..

ايماقتار • بۇگىن، 14:15

پنەۆمونيادان 5 ادام قايتىس بولدى

كوروناۆيرۋس • بۇگىن، 10:00

شقو-دا تۇرعىندار ەۆاكۋاتسيالاندى

ايماقتار • 09 ءساۋىر، 2021

تاسقىن قاۋپى اۋەدەن زەرتتەلدى

ايماقتار • 09 ءساۋىر، 2021

الماتىدا تاۋ باۋرايى وتقا وراندى

ايماقتار • 09 ءساۋىر، 2021

ۇقساس جاڭالىقتار