ەلىمىزدە 10 اق­پانداعى جاع­داي بويىنشا جالپى 198 086 ناۋ­قاس COVID-19 ىندەتىن جۇق­تىر­­عان. بۇگىندە ينفەكتسيالىق توسەك ورىندارىنىڭ 26 پايىزىندا ناۋ­ق­اس بار، رەانيماتسيالىق ورىن­داردىڭ 18 پايىزىندا پاتسيەنت جا­تىر.

«وسى اپتادا ەپيدەميالىق جاع­­داي­دىڭ ماتريتساسى بويىنشا قازاقستان ورتاشا قاۋىپتى ايماق­تان تاۋەكەلى تومەن ايماققا ءوتتى. 3 ءوڭىر – اقمولا، پاۆ­لودار وبلىس­تارى جانە نۇر-سۇلتان قالاسى «قىزىل ايماقتا» تۇر. «سارى اي­ماقتا» – 3 ءوڭىر – باتىس قازاق­ستان، قوستاناي، سولتۇستىك قازاق­ستان وبلىس­تارى بار. قالعان 11 ءوڭىر – «جاسىل ايماقتا. شەكارا ماڭى اۋداندار­ىندا ەپيدەميالىق جاع­دايدىڭ تۇراقتانۋىنا بايلانىستى 2021 جىلعى 2 اقپاننان باس­تاپ ەل اۋماعىندا كوروناۆيرۋس ينفەكتسياسىنىڭ تارالۋى­نا جول بەرمەۋ جونىندەگى ۆەدوم­ستۆو­ارالىق كوميس­سيانىڭ شەشى­مىمەن قازاقستان مەملەكەتتىك شەكاراسىن كەسىپ ءوتۋ تارتىبىنە بىرقاتار جەڭىلدىكتەر ەنگىزىلدى»، دەدى مينيستر.

قازاقستان ازاماتتارى ءۇشىن، سونىمەن بىرگە شەتەلدىكتەر مەن ازا­ماتتىعى جوق ادامدار ءۇشىن دە شەكارانى كەسىپ ءوتۋ جيىلىگى 3 ەسەگە ۇلعايتىلدى. ەرەك­شە جاعدايلاردا: ەمدەلۋگە، وقۋعا بارۋ، قىزمەتپەن، وتباسى مۇشە­لەرىن جەرلەۋ­گە بارۋعا، وتباسىنداعى جاع­دايى اۋىر ناۋ­قاس­­قا كۇتىم جاساۋ، جولاۋشى تاسىمالى، حا­­لىق­ارالىق تاسىمال ءۇشىن شەكتەۋ جوق. قازاقستان ۇكىمەتىنىڭ شەشىمى بو­يىن­­شا تىكەلەي اۋە قاتىناسى قاي­تا قال­پى­نا كەلگەن (تۇراقتى، تۇ­راقتى ەمەس چار­­تەرلىك رەيستەر) مەملەكەتتەرگە شەتەل­دىك­تەردىڭ شى­عۋىنا، قازاقستان اۋماعىنا كىرۋىنە، ترانزيتپەن وتۋىنە رۇقسات ەتىلەدى.

سونىمەن قاتار مينيستر «As­hyq» قوسىمشاسى 13 مىڭنان استام بيزنەس سۋبەكتىسىنىڭ قىز­مەتىن قايتا قالپىنا كەلتىرۋگە كومەكتەسەتىنىن اتاپ ءوتتى.

«كوروناۆيرۋس پاندەمياسى باس­تال­عاننان بەرى بۇكىل الەمدەگى بيز­نەس­تىڭ جۇمىسىنا شەكتەۋ قويىلدى، كاسىپ­كەرلەرگە تابىس كىرمەي قالدى. بۇل ءبىز­دىڭ ەلگە دە قاتىستى. 13 مىڭنان استام بيزنەس سۋبەكتىسى ءالى كۇنگە دەيىن قىز­مەتىن قايتا باستاي الماي وتىر. «اتا­مەكەن» ۇكپ-نىڭ قاتىسۋىمەن بيز­نەس قاۋىمداستىق وڭتۇستىك-شىعىس ازيا ەل­دەرىنىڭ (گونكونگ، سينگاپۋر، مالايزيا) تاجىريبەسىن ەسكەرە وتىرىپ، «اSHYQ» جوباسىن ىسكە اسىرۋدى ۇسىندى»، دەدى ا.تسوي.

«Ashyq» ءموبيلدى قوسىم­شاسىن «اتامەكەن» ۇكپ، تسيفر­لىق دامۋ، يننوۆاتسيالار جا­نە اەروعارىش ونەركاسىبى مينيستر­لىگى جانە دەنساۋلىق ساقتاۋ مي­نيسترلىگىنىڭ تاپسىرىسى بويىنشا وتاندىق IT-كومپانيا ازىرلەگەن. بۇگىندە قاناتقاقتى رەجىمدە «اSHYQ» قوسىمشاسى الماتى، نۇر-سۇلتان جا­نە قاراعاندى قالالارىندا قىزمەت كور­سەتۋگە رۇقسات ەتىلگەن نىسانداردا (فيت­نەس-ورتالىق، سپا-ورتالىق، باس­سەين، مونشا، كينوتەاترلار) ىسكە قوسىل­دى. قازىر 40 نىسان «Ashyq» پيلوتى­نا ەرىكتى تۇردە قاتىسۋدا. «Ashyq» ءمو­بيلدى قوسىمشاسى QR-كود ارقىلى جانە دەنساۋلىق ساقتاۋ مينيسترلىگىنىڭ ورتاق بازاسىمەن ينتەگراتسيالاۋ ارقى­لى كەلۋشىنىڭ مارتەبەسىن، ونىڭ ۆيرۋس تاسىمالداۋشىسى ەمەس ەكەنىن انىق­تاۋعا مۇمكىندىك بە­رەدى. سونداي-اق نىسان­داردىڭ كەلۋشىلەردى قابىلداۋعا ازىر­لىگىن جانە ولاردىڭ سانيتارلىق تالاپ­تارعا سايكەستىگىن كورسەتەدى.

«QR-كود تەك بيزنەس سۋبەك­تى­لەرىنە بەرىلەدى. كەلۋشى «Ashyq» ءموبيلدى قو­سىم­شاسىن ءوز تەلەفونىنا جۇكتەپ، تەلە­فون ءنومىرى بويىنشا اۆتوريزاتسيا­لاۋدان ءوتۋى جانە مەكەمەنىڭ QR-كودىن سكا­­نەرلەۋى قاجەت. تۇستەرگە ءبولۋ الەۋمەتتىك جەلىلەردە تالقى­لان­عانداي، ادامداردىڭ جەكە ءومىرىن باقى­لاۋعا ارنالماعان. بۇل ناۋقاستى انىقتايدى نەمەسە ادامنىڭ كاران­تيندەگى پاتسيەنت­پەن جاقىن بايلا­نىسى بارى-جو­عىن كورسەتەدى. «اshyq» ءموبيلدى قوسىمشاسىن اركىم ءوز ەر­كى­مەن قولدانادى جانە ول قاۋىپسىز ورتا قا­لىپ­تاستىرۋعا، كەلۋشىلەردى ۆيرۋس جۇقتىرۋ، ىندەتتىڭ تارالۋ قاۋ­پىنەن قورعاۋعا با­عىت­تالعان، سون­داي-اق بيزنەسكە كارانتين كەزىندە قىزمەتىن جالعاستىرۋعا مۇم­كىندىك بەرەدى»، دەپ ءتۇسىندىردى ا.تسوي.

جيىن بارىسىندا ۆەدومستۆو باسشىسى ۆاكتسينالاۋعا دا توقتالىپ، 10 اقپانداعى جاعداي بويىنشا 13 301 مەديتسينا قىز­مەتكەرى ەكپە العانىن ايتتى.

«مەملەكەت باسشىسىنىڭ تاپ­سىرماسىمەن قازاقستاندا 1 اق­پاندا رەسەيدە شىعارىلعان «سپۋت­نيك V» ۆاكتسيناسىمەن كۆي-گە قارسى ۆاكتسينالاۋ باستالدى. ۆاكتسينالاۋ بارلىق وڭىردە جۇ­رۋدە، 778 ەگۋ پۋنكتى اشىل­دى، ولاردىڭ 166-سى قازىر ىسكە قو­سىلدى، بارلىعى توڭا­زىتقىش­پەن قامتاماسىز ەتىلگەن. 9 مىڭ­نان استام مەديتسينا قىزمەتكەرى وقى­تىلدى»، دەدى مينيستر.

ۆاكتسينالاۋدى ءبىرىنشى بولىپ ين­فەكتسيالىق ستاتسيونار، جەدەل مەدي­تسي­نالىق كومەك، سونداي-اق كۆي-مەن سىرقاتتانۋدىڭ جوعارى قاۋپى بار باسقا دا بەيىندەگى مەديتسينا قىزمەتكەرلەرى الادى. ودان كەيىن قاتارعا پەداگوگ، كۇش قۇرىلىمدارىنىڭ قىزمەتكەرلەرى قوسىلادى. ۆاكتسينانىڭ قورعاۋ اسەرى ءبىرىنشى دوزادان سوڭ 12-14 كۇننەن كەيىن بايقالادى، بىراق تولىق يممۋنيتەت قالىپتاسۋ ءۇشىن ەكى دوزا قاجەت، ەك­پەنى اراعا 21 كۇن سالىپ قايتالاۋ ۇسى­نىلادى. تولىق كۋرستان كەيىن 1،5 اي ىشىن­دە اعزادا يممۋندىق رەاكتسيا پايدا بو­لادى، وسىعان بايلانىستى ەگىلگەن ادام­دار پروفيلاكتيكا شارالارىن ساق­تاۋى قاجەت.

«ۆاكتسينالاۋ جوسپارى بىر­نەشە رەت اي­تىلدى. قازاقستاندا قاراعاندى فارما­تسەۆتيكالىق كەشەنى شىعاراتىن «سپۋت­نيك V» ۆاكتسيناسىن جەتكىزۋ جانە پاي­دالانۋ جوسپارلانۋدا. قازىردىڭ وزىندە 90 مىڭ دوزا كولەمىندە ءبىرىنشى پار­تيانىڭ ءوندىرىسى باستالدى، ول بىرىڭعاي ديس­تريبيۋتوردىڭ قويمالارىنا جانە ودان ءارى وڭىرلەرگە اقپان ايىنىڭ سوڭى­نا قاراي جونەلتىلەدى. شىلدە ايىنا دەيىن ءوندىرىس كولەمى 2 ملن دوزاعا جەتە­دى»، دەدى مينيستر.

دەنساۋلىق ساقتاۋ ءمينيسترى الەك­سەي تسوي ۆاكتسينالاۋدىڭ ماڭىزىنا توق­تالىپ، ونىڭ 400 جىلدان استام ۋاقىت بويى ادامزاتتى شەشەك، وبا سياق­تى قاۋىپتى، ولىمگە اكەلەتىن اۋرۋلاردان قورعاپ كەلگەنىن ايتتى.

«سوڭعى 30 جىلدا ەپيدە­ميالىق پارو­تيتپەن سىرقاتتانۋ­شىلىقتىڭ 870 ەسەدەن ارتىق تومەندەگەنى، حالىق ارا­سىندا «ۆ» ۆيرۋستىق گەپاتيتىمەن سىرقات­تانۋدىڭ 150 ەسەگە، كوكجوتەلمەن سىر­قاتتانۋدىڭ 7،3 ەسەگە تومەن­دەگەنى بايقالدى. قازىرگى ۋاقىتتا پوليوميەليت، ديفتەريا، سىرەسپە، قىزامىق سياقتى ينفەكتسيالار ۇمى­تىلعان. سونداي-اق حالىق ارا­سىندا «كوروناۆيرۋس ينفەك­تسيا­سىمەن اۋىرىپ شىققان دۇرىس» دەگەن پىكىر بار، بىراق ونىڭ يم­مۋندىق جۇيەگە جانە سوزىل­­مالى اۋرۋلاردىڭ ورشۋىنە اسەر ەتەتىن، «كوۆيدتان كەيىنگى» اسقى­نۋلار بولاتىنىن، وكپە، باۋىر، جۇرەك سياقتى ومىرلىك ما­ڭىز­دى اعزالاردىڭ فۋنكتسيا­سى بۇزى­لاتىنىن ەسكە سالعىم كە­لەدى. قالپىنا كەلۋ پرو­تسەسى وتە قيىن. كوپ جىلدىق تاجىريبە كور­سەتكەن­دەي، ۆاكتسينالاۋ – الەم­دە اۋرۋ­­لار­دىڭ تارالۋىنىڭ الدىن الۋدىڭ بارىن­شا ءتيىمدى قۇ­رال­دارىنىڭ ءبىرى»، دەدى ا.تسوي.