ەكونوميكا • 11 اقپان، 2021

سالىق تولەۋشىگە – پايدالى قوسىمشا

99 رەت كورسەتىلدى

بىلتىر مەملەكەتتىك كىرىستەر كوميتەتى قىزمەتتەردىڭ 99 پايىزىن ەلەكتروندى تۇردە كورسەتكەن. سالىقتىق جانە كەدەندىك دەكلاراتسيالار تولىقتاي قاشىقتان تاپسىرىلۋدا. قىزمەتتەردىڭ قولجەتىمدىلىگىن ارتتىرۋدا «E-Salyq-Azamat» موبيلدىك قوسىمشانىڭ كومەگى كوپ.

جالپى، تسيفرلى تەحنولوگيالار­دىڭ تيىمدىلىگى پاندەميا كەزىندە ەرەكشە بايقالدى. اسىرەسە كۇردەلى كەزەڭدە «E-Salyq-Azamat» قوسىمشاسىن پايدالانۋشىلار سانى كۇرت ءوسىپ، 5 اقپانداعى جاعداي بويىنشا 265 مىڭنان اسىپتى. ونى App Store جانە Play Market-تەن جۇكتەپ الۋعا بولادى.

رەسمي دەرەكتەرگە سۇيەنسەك، 2019 جىلدىڭ قورىتىندىسى بويىنشا بيۋدجەتكە تۇسكەن قولما-قول اقشاسىز تولەمدەر ۇلەسى 80 پايىزدان اسسا، بىلتىر كورسەتكىش 90 پايىزعا دەيىن ۇلعايعان.

– تسيفرلى سالىقتىق اكىمشى­لەن­دىرۋدە «ەلەكتروندى شوت-فاكتۋرا­لار» اقپا­رات­­تىق جۇيەسىن ەنگىزۋ ءتيىمدى بولدى. بۇل شارۋاشىلىق جۇرگىزۋشى سۋبەك­تىلەردىڭ بارلىق مامىلەلەرىن تىر­كەۋگە ارنالعان. سونىمەن قاتار باس­تاپقى بۋحگالتەرلىك قۇجاتتاردى ەلەكتروندى تۇردە رەسىمدەۋ ەنگىزىلدى. بۇل قىزمەت سالىق تولەۋشىلەر قاشىقتان جۇمىس ىستەۋگە ءماجبۇر بولعان لوكداۋن كەزەڭىندە كەڭىنەن قولدانىلدى. بارلىق 40 مەملەكەتتىك قىزمەتتى اۆتوماتتاندىرۋ ارقىلى سالىققا قاتىستى قىزمەتتىڭ 97 پايىزىن ەلەكتروندى تۇردە كورسەتۋگە جول اشىلدى. بۇرىن قىزمەتتەردىڭ كوبى سالىق تولەۋشىنىڭ تىكەلەي قاتىسۋىمەن ۇسىنىلاتىن جانە وعان 5-7 كۇن جۇمسالاتىن، – دەدى مەم­لەكەتتىك كىرىستەر كوميتەتى توراعا­سىنىڭ ورىنباسارى جايدار ىڭكارباەۆ.

ونىڭ ايتۋىنشا، كوميتەت 2018 جىلدان باستاپ بەرەشەك سەرۆيسىن ەكىنشى دەڭگەيلى بانكتەرمەن ينتەگراتسيالاۋ بويىنشا اۋقىمدى جۇمىس جۇرگىزۋدە. سونىڭ ناتيجەسىندە سالىق تولەۋشىلەر بانكتەردىڭ ءموبيلدى قوسىمشالارى، سالىق تولەۋشى كابينەتى، كوميتەتتىڭ پورتالى، «ەلەكتروندى ۇكىمەت» پورتالى ارقىلى سالىقتىق، الەۋمەتتىك تولەم­دەرگە قاتىستى دايىن دەرەكتەردى تەكسەرۋ، تولەۋ مۇمكىندىگىنە يە بولدى.

– سەرۆيس ازاماتتارعا الداعى سالىق سوماسىن ونىڭ تولەۋ مەرزىمى كەلگەنگە دەيىن بىلۋگە دە مۇمكىندىك بەرەدى. بۇرىن سالىق تولەۋشىگە بانككە بارۋ، كەزەكتە تۇرۋ، بانك كوميسسياسىن تولەۋ، كوپتەگەن دەرەكتەمەنى تاڭداۋ قاجەت بولاتىن. «E-salyq Azamat» قوسىمشاسىندا م ۇلىك، جەر جانە كولىك سالىعىن ونلاين تولىقتىرۋعا، اۆتوەسەپتەۋگە جانە قاراۋعا بولادى. سالىق تولەۋشىلەردى ارتىق ينستانتسيالارعا جىبەرمەي، مەملەكەتتىك ورگاندارعا ەلەكتروندى وتىنىمدەردى جىبەرۋ مۇمكىندىگى جاسالدى، – دەدى جاي­دار ىڭكارباەۆ ورتالىق كوممۋنيكاتسيالار قىزمەتىندە وتكەن بريفينگتە.

بىلتىر بانكتىك قوسىمشالار ارقىلى جەكە تۇلعالاردىڭ سالىعى بويىنشا 2،6 ملن-نان استام push-حابارلاما جىبەرىلگەن. سونىڭ ناتيجەسىندە الداعى تولەمدەر سەرۆيسى بويىنشا 2،9 ملرد تەڭگە نەمەسە م ۇلىك، جەر سالىقتارى بو­يىنشا بارلىق تۇسىمدەردىڭ 44،8 پايىزى كەلىپ تۇسكەن. بۇل رەتتە سالىقتى تولەۋ تۋرالى اقپارات بانكتەردەن كوميتەتتىڭ اقپاراتتىق جۇيەلەرىنە ونلاين رەجىمدە ەكى مينۋتتىڭ ىشىندە تۇسەدى. ال بۇرىن مۇنداي اقپارات 2-3 كۇندە جەتەتىن.

جەكە تۇلعالار ۇنەمى جىلجىمايتىن م ۇلىك وبەكتىلەرى، كولىك قۇرالدارى، جەر ۋچاسكەلەرى بويىنشا مەملەكەتتىك ورگانداردىڭ ەسكىرگەن دەرەكتەر بازاسىنان تۋىنداعان پروبلەمالارمەن بەتپە-بەت كەلەتىنى بەلگىلى. اتالعان ماسەلەنى شەشۋ ءۇشىن 2019 جىلدان باستاپ دەرەكتەر بازاسىن جاڭارتۋ جونىندەگى جۇمىس توبى قۇرىلدى. رەسمي دەرەكتەرگە سۇيەنسەك، جۇمىس توبى 25 ملن-نان استام مالىمەتتى وڭدەپ، 5 ملن-نان اسا قاتە مالىمەتتى قايتا تۇزەتكەن. ونىڭ ىشىندە جىلجىمايتىن م ۇلىك بويىنشا – 2،6 ملن، كولىك قۇرالدارى بويىنشا – 943 مىڭ، جەر ۋچاسكەلەرى بويىنشا 1،7 ملن مالىمەت بار.

– دەرەكتەردە قاتە مالىمەت بولعان جاعدايدا، سالىق تولەۋشىنىڭ «E-salyq Azamat» ارقىلى ونى دۇرىستاۋ ءۇشىن ءتيىستى ۋاكىلەتتى مەملەكەتتىك ورگانعا ءوتىنىم جىبەرۋ مۇمكىندىگى بار. ءوتىنىمدى قاراۋ مارتەبەسىن سول سەرۆيس ارقىلى قاداعالاۋعا بولادى. ماسەلەن، دەرەكتەردى تۇزەتۋگە – 8 938، جىلجىمايتىن م ۇلىك بويىنشا – 228، جەر ۋچاسكەلەرى بويىنشا 568 پايدالانۋشى ءوتىنىم بەرگەن، – دەدى كوميتەت توراعاسىنىڭ ورىنباسارى.

جايدار ىڭكارباەۆ «E-Salyk Azamat» موبيلدىك قوسىمشاسىندا جالپىعا بىردەي دەكلاراتسيالاۋ شەڭبەرىندە اكتيۆتەر مەن مىندەتتەمەلەر تۋرالى دەكلاراتسيانى ۇسىنۋ سەرۆيسى ىسكە قوسىلعانىن اتاپ ءوتتى. جىل باسىنان بەرى 150 مىڭنان استام دەكلاراتسيا تاپسىرعان ەكەن. سونىڭ 115 مىڭى «E-Salyk Azamat» قو­سىم­شاسىنىڭ كومەگىمەن جۇزەگە اسىرىلعان.

 

سوڭعى جاڭالىقتار

شابىت شاقىراتىن شاھار

ەلوردا • بۇگىن، 08:23

اقجايناق استانا

ەلوردا • بۇگىن، 08:22

وزىق ءوندىرىس ورنىندا بولدى

ايماقتار • بۇگىن، 08:20

باعدارىڭ قالاي، باس قالا؟

ەلوردا • بۇگىن، 08:17

ديماش پەن دجەكسون

ونەر • بۇگىن، 08:10

ۇتقانىمىز شامالى بولىپ تۇر

قوعام • بۇگىن، 08:05

ەگىزدەر فەستيۆالى

قوعام • بۇگىن، 08:00

ۇقساس جاڭالىقتار