ايماقتار • 11 اقپان، 2021

قاتاڭ شەكتەۋ تاعى ءبىر اپتاعا ۇزاردى

10 رەت كورسەتىلدى

«قىزىل ايماقتاعى» وبلىستىڭ ورتالىعى – قالا ىشىندە جۇرەتىن قوعامدىق كولىكتەردىڭ جاعدايى الاڭداتادى. كولىكتەر تازا ەمەس، وتە ەسكى، توزعان، اۋاسى تار. مىسالى، №152، 153، №115، №2 سەكىلدى باسقا دا باعىتتاعى قوعامدىق كولىكتەردىڭ سانيتارلىق جاعدايى سىن كوتەرمەيدى. شاعىن اۆتوبۋسقا كىرگەن ادام سول بەتتە-اق اۋرۋ جۇقتىرۋى مۇمكىن. ويتكەنى اۆتوبۋس ءىشى وتە تار، ادام لىق تولى. ءبىر-بىرىنە وتە جاقىن قاشىقتىقتا ءيىن تىرەسىپ تۇراتىن ادامداردىڭ جاي دەمالۋىنىڭ ءوزى قيىن.

بۇل جاعدايدى تەكسەرىپ جۇرگەن مونيتورلىق توپتار دا كورىنبەي­دى. بەتپەردەسىز جۇرەتىن قالا تۇرعىندارى از ەمەس. كەيبىر شاعىن دۇكەن ساتۋشىلارى «ازىق-ت ۇلىك، زاتتارىمىز وتسە بولدى» دەپ تۇرا بەرەدى، بەتپەردەسىز كىرگەندەرگە نازار دا اۋدارمايدى.

– وبلىس ءالى كۇنگە دەيىن «قىزىل ايماقتا» قالىپ وتىر. مىسالى، 22-28 قاڭتار ارالىعىندا 1 596 ادام كۆي جۇقتىرسا، 29 قاڭتار مەن 4 اقپان ارالىعىندا 1 693 ادام ىندەت جۇقتىرعانى بەلگىلى بولدى. 5 اقپانداعى جاعداي بويىنشا 225 ناۋقاس تىركەلدى. ەپيدەميا­لىق اح­ۋال ءالى دە كۇردەلى بولىپ وتىر­عان سوڭ وبلىستىڭ باس مەملە­كەت­تىك سانيتار دارىگەرى شەكتەۋ شارالارىن تاعى ءبىر اپتاعا ۇزارتتى، – دەدى وڭىرلىك كوممۋني­كا­تسيا­لار قىزمەتىندە وتكەن بري­فينگتە وبلىستىق ساني­تار­لىق-ەپي­دەميولوگيالىق باقى­لاۋ دەپار­تامەنتىنىڭ وكىلى عيزات ابەشوۆ.

ءبىز ىلعي وسىلاي قۇرعاق مالىمەت بەرۋگە ۇيرەنگەنبىز. كوپ ماسەلە ءسوز جۇزىندە، وتىرىستار وتكىزۋ قالقاسىندا قالىپ بارادى. نەگە «قىزىل ايماقتا» قالىپ وتىرمىز دەگەن سۇراققا نە وبلىستىق اكىمدىك، نە وبلىستىق دەنساۋلىق ساقتاۋ باسقارماسى ءالى ءبىر ءجونى دۇرىس جاۋاپ بەرگەن ەمەس.

وڭىرىمىزدە ىندەتتىڭ تارالۋىنا قاتىستى جاعداي ءالى دە كۇردەلى دەگەن ءسوز باقىلاۋدىڭ جوقتىعىن، مونيتورينگتىك توپتاردىڭ دۇرىس جۇمىس ىستەمەۋىن اڭعارتادى. سەبەپ تە از ەمەس. بىراق ءوڭىر تۇرعىندارى نەگە اۋىرۋدا، ىندەت نەگە كەڭ تارالۋدا دەگەن تۇپكى ماسەلەگە ۇڭىلمەي، ەپيدەميالىق جاعداي وڭالا قويماس.

ەندى وڭىرىمىزدەگى ەپيدەميالىق احۋالدىڭ جاقسارماي تۇرۋى سالدارىنان وسىنىڭ الدىندا بەكىتىلگەن قاتاڭ شارالار ەندى 16 اقپانعا دەيىن ۇزارتىلدى. قازىر تۇرعىندار ادەت­تەگىدەي «پاۆلودار-اقسۋ» با­عى­تى بويىنشا عانا اۆتوبۋسپەن ەكى اراعا قاتىناي الادى. ال باسقا اۋدانارالىق، قالاارالىق جولاۋشىلار تاسىمالىنا تىيىم سالىنادى.

جاڭا قاۋلى بويىنشا تاعى دا بىرقاتار شارا قابىلداندى. بىراق ءسوز جۇزىندە ۇيرەنشىكتى ادەت بولىپ بارا جاتقانداي. جۇمىس كۇندەرى قوعامدىق تاماقتانۋ ورىندارى كەشكى ساعات 20.00-گە دەيىن عانا ادامداردى قابىلداي الادى. سەنبى-جەكسەنبى كۇندەرى تەك جەتكىزۋ قىزمەتى جۇمىس ىستەيدى. بۇل تالاپ ساۋدا ورىندارىندا ورنالاسقان تاماقتانۋ ورىندارىنا دا قاتىستى.

حالىققا قىزمەت كورسەتۋ ور­تالىقتارى تاڭعى ساعات 9.00-دەن كەشكى ساعات 18.00-گە دەيىن قىز­مەت كورسەتەدى. سەنبى-جەكسەنبى كۇن­دەرى جۇمىس ىستەمەيدى. پاۆلودار، ەكىباستۇز، اقسۋ قالالارىندا حقو-عا بارۋ ءۇشىن الدىن الا كەزەككە جازىلۋ قاجەت. وبلىستاعى ەپيدەميالىق جاعداي كۇن تارتى­بىندە، وسى ماسەلەگە وراي كۇندەلىكتى وبلىسى اكىمدىگىندە ارنايى شتاب وتىرىس وتكىزىلۋدە. كۇندە جيىندا «قىزىل ايماقتان» شىعۋ بارىسى تالقىلانادى.

وڭىردە ىندەت جۇقتىرعانداردىڭ جالپى سانى 10 اقپانداعى سوڭعى مالىمەت بويىنشا 15 607-گە جەتتى. قازىرگى اپتالىق ءوسىم كولەمى 1،9 پايىزدى قۇرايدى. ينفەكتسيالىق ستاتسيوناردا 676 ناۋقاس ەم الۋدا، 24 ناۋقاس جان ساقتاۋ بولىمىندە بولسا، ءبىر ناۋقاستىڭ جاعدايى وتە اۋىر. تاعى 7 ادام وكپەنى جا­سان­­دى جەلدەتۋ اپپاراتىنا قو­سىل­­عان. ال اۋىر حالدەگى ناۋقاس­­تار­دىڭ كوپشىلىگى وبلىس ورتالى­عىنداعى №4، №1 ەمحانالاردان، 3 ناۋقاس تەرەڭكول اۋدانىنان، جەرگىلىكتى تەمىر جول اۋرۋحاناسىنان، ەكىباستۇزداعى №3 ەمحانادان، شارباقتى، ماي، پاۆلودار اۋداندارىنان جەتكىزىلگەن.

قازىر وڭىردە تۇرعىنداردى ۆاكتسينالاۋ شاراسى جۇرگىزىلۋدە. وب­لىسقا ۆاكتسينانىڭ ەكىنشى پار­تي­يا­سى 2 اپتادان سوڭ كەلەدى. بۇ­­عان دەيىن سپۋت­­نيك V پرەپاراتىنىڭ 1 200 د­وزاسى وبلىستىق اۋرۋحانا قوي­ما­سىنا جەتكىزىلگەن. وڭىردە 1-3 اقپان ارالىعىندا 530 مەديتسينا قىزمەتكەرى ىندەتكە قارسى ەكپە الدى.

«وبلىسقا 1 200 دوزا ۆاكتسينا جەتكىزىلگەن. كەستەگە ساي 530 ەكپە سالىندى. پاۆلودار، اقسۋ جانە ەكىباستۇز قالالارى مەن اۋدان­داردا 22 ەگۋ كابينەتى جۇ­مىس ىستەيدى. اۋدانداردا ەگۋ جۇمىس­تارى اياقتالدى. ءبىرىنشى كەزەكتە ناۋ­قاستارمەن تىكەلەي جۇمىس ىستەي­تىن ينفەكتسيالىق ستاتسيونارلار مەن جەدەل جاردەم ماماندارى، سۇزگى كابينەتتەرىنىڭ مەديتسينا قىزمەتكەرلەرى ءتىزىم بويىنشا وتە­دى. ولاردىڭ بارلىعى ءوز ەر­كى­مەن ۆاكتسينا الۋعا كەلىسىم بەرگەن جانە ەشكىم دە ماجبۇرلەگەن ەمەس»، دەلىن­گەن جەرگىلىكتى دەنساۋ­لىق ساق­تاۋ باسقارماسىنىڭ مالىمەتىندە.

 

پاۆلودار وبلىسى

 

سوڭعى جاڭالىقتار

«شىڭىراۋ» شىڭعا شىقسىن

ونەر • بۇگىن، 00:18

تىڭ تاسىلدەردىڭ ءتيىمدى تۇسى كوپ

مەديتسينا • بۇگىن، 00:14

پاسپورت

رۋحانيات • كەشە

جەكە پەسا جازۋعا لايىق

رۋحانيات • كەشە

انا مەيىرىمى

قوعام • كەشە

دوللار ارزاندادى

قارجى • كەشە

ۇقساس جاڭالىقتار