ايماقتار • 10 اقپان، 2021

ءبىلىم ۇيالارى كارانتينگە جابىلدى

404 رەت كورسەتىلدى

شىمكەنت قالاسىندا وقۋشىلار اراسىندا COVID-19 ىندەتىن جۇقتىرۋ جاعدايى تىركەلىپ، بىردەن 9 مەكتەپ كارانتينگە جابىلدى. وعان سەبەپ، ءبىلىم بەرۋ ۇيالارىندا سانيتارلىق-ەپيدەميالىق تالاپتار ساقتالماعان.

ەستەرىڭىزگە سالار بولساق، ءۇشىن­شى توق­ساننان باستاپ مەكتەپ وقۋشىلارى ءداس­تۇرلى وقۋ فور­­ماتىنا كوشكەن بولاتىن. جۋىر­دا قالالىق سانيتارلىق-ەپي­دە­ميالىق با­قى­لاۋ دە­پار­تامەنتى وفلاين وقۋدى قاي­تا باستاعان بىرقاتار مەكتەپ­تى شۇعىل تەكسەرۋ كەزىندە كوپ­شى­لىگىندە عيمارات ىشىندە بەت­پەر­دەسىز ءجۇرۋ جاعدايىن انىق­تادى. سا­نيتار دارىگەرلەر سىنىپ بولمەلەرىنە كۆارتس ۋاقتىلى قويىل­ماعانىن، قۇرعاق جانە دىم­قىل تازالاۋ جۇمىستارىنىڭ ءوزى دۇرىس جۇرگىزىلمەگەنىن ايتادى.

شاھاردا وسى جىلدىڭ 1 قاڭ­تا­رىنان 1 اقپانعا دەيىن وقۋ­شىلار اراسىندا COVID-19 ۆي­رۋ­س­ىنىڭ زەرتحانالىق راس­تال­عان 39 دەرەگى تىركەلگەن. ما­ماندار مۇ­نى مەكتەپتەردە وقۋ­شى­­لاردىڭ شامادان تىس كوپ بولۋى­مەن بايلانىستىرادى. ال 2020-2021 وقۋ جىلىنىڭ باسىنان بەرى مەكتەپ وقۋشىلارى اراسىندا كوروناۆيرۋس ينفەكتسياسىنىڭ 64 جاعدايى انىقتالعان.

سالالىق دەپارتامەنت ىندەت­تىڭ بار­لىق تىركەلگەن دەرەگى بو­يىن­شا ەپي­دە­ميالىق تەك­سەرۋلەر جۇرگىزۋ بارىسىندا 64 جاع­دايدىڭ 18-ءى كۇندىزگى رەجىمدە، قال­عان 46-سى ونلاين فورماتتا وقى­عانى بەلگىلى بولعانىن جەت­كىز­دى.

«قالاداعى №66، №23، №48 مەك­تەپ­تەرمەن قاتار فيزيكا-ما­تەماتيكا باعىتىنداعى نازار­باەۆ زياتكەرلىك مەكتەبىنە دە شارا قولداندىق. نازارباەۆ زيات­­­­كەرلىك مەكتەبى جۋىردا كا­ران­­­تين­نەن شىقتى. باسقا دا ءبىلىم بەرۋ مەكەمەلەرىنىڭ كارانتين تالاپتارىن قانشالىقتى ساقتا­عانىن كۇندەلىكتى تەكسەرىپ وتىرمىز. كەمشىلىكتەر بار. بۇل مەك­تەپتەرگە تەكسەرۋ قورىتىن­دى­سىنا ساي اكىمشىلىك شارا قولداناتىن بولادى»، دەيدى قالالىق سانيتاريالىق-ەپيدەميولوگيالىق باقىلاۋ دە­پار­­تامەنتىنىڭ ءبولىم باسشىسى روزا احانوۆا.

زەرتتەۋ قورىتىندىسى بويىنشا سالالىق دەپارتامەنت ءتاج تاجالدىڭ تارالۋىن بولدىرماۋ ماقساتىندا 13 مەكتەپتە دەزينفەكتسيا جۇرگىزىپ، 14 كۇنگە كارانتين جاريالادى. بۇگىندە №18، №6، №66، №104، جانە №35 مەكتەپتە كارانتين جاريالانعان.

سوڭعى مالىمەت بويىنشا، شىم­كەنتتە كوروناۆيرۋس سالدا­رىنان كارانتينگە جا­بىل­عان مەك­تەپ­­تەردىڭ سانى توعىزعا جەتتى. ما­ماندار جۇقپالى ىندەت­تىڭ ءار­بىر جاعدايى بويىنشا ەپيدە­ميالىق زەرتتەۋ جۇر­گىزۋ­دە. مىسالى، زەرتتەپ-زەردەلەۋ كەزىندە شا­ھار­داعى №18 مەكتەپتە ۆيرۋستى ەڭ اۋەلى مۇ­ع­ا­لىم جۇقتىرعانى بەل­­گىلى بولدى. وسىدان كەيىن ىن­دەت اتال­عان ءبىلىم ۇياسىنداعى تاعى 4 وقۋ­شى­دان انىقتالعان.

قازىرگى تاڭدا اۋماقتىق باس­قارما ماماندارى تۇراقتى تۇردە قالا مەكتەپتەرىندە ساني­تا­ر­لىق-ەپيدەميالىق تالاپتاردى ساقتاۋ بويىنشا ءتۇسىندىرۋ جۇ­مىس­تارىن جۇرگىزۋدە.

 

شىمكەنت

 

سوڭعى جاڭالىقتار

9 سۋ قويماسى سالىنادى

ەكولوگيا • كەشە

ۇقساس جاڭالىقتار