قوعام • 09 اقپان، 2021

مۇقتاج جانداردىڭ مۇمكىندىگى كەڭەيتىلدى

9 رەت كورسەتىلدى

قوعامدا ادالدىق پەن ادامدىق سالتانات قۇرۋى ءۇشىن مەيىرىم مەن ماحابباتتىڭ ساۋلەسى سونبەۋى كەرەك. ءيا، «قاي جەردە جۇمساقتىق بولاتىن بولسا، ول جەر ماداقتالادى، ال جۇمساقتىق بولماعان جەر قاشان دا داتتالادى» دەگەن ءسوزدىڭ دە استارىندا تەرەڭ ماعىنا جاتقانى ءمالىم. حالقىمىز الىمساقتان مۇقتاجداردىڭ مۇڭىنا قۇلاق ءتۇرىپ، مۇمكىندىگى شەكتەۋلىلەردىڭ مۇراتىنا جەتۋى ءۇشىن قولدان كەلگەنشە كومەك بەرەتىنى بەلگىلى. ولاردىڭ جاقسى ءومىر ءسۇرۋى ءۇشىن جايلى ورتا قالىپتاسىپ جاتقانى دا بەلگىلى.

ناقتىراق ايتساق، ەڭبەك جانە حالىقتى الەۋمەتتىك قورعاۋ مينيسترلىگى تاراتقان مالىمەتتە 2020 جىلى رەسپۋبليكالىق بيۋدجەتتەن 366 ملرد تەڭگەدەن استام قاراجات، ونىڭ ىشىندە مۇگەدەكتىگى بويىنشا مەملەكەتتىك الەۋمەتتىك جاردەماقى تولەۋگە – 291 ملرد تەڭگەدەن استام قاراجات، اسىراۋشىسىنان ايىرىلۋ جاعدايىنا 75 ملرد تەڭگە تولەنگەن.

2021 جىلعى 1 قاڭتارداعى جاعدايعا قاراعاندا مۇگەدەكتىگى بويىنشا مەملەكەتتىك الەۋمەتتىك جاردەماقى الۋشىلاردىڭ سانى شامامەن 525 مىڭ ادامدى، اسىراۋشىسىنان ايىرىلۋ جاعدايى بويىنشا جاردەماقى الۋشىلاردىڭ سانى 166 مىڭ ادامدى قۇرايدى. مۇگەدەكتىگى بويىنشا مەملەكەتتىك الەۋمەتتىك جاردەماقىلاردىڭ مولشەرى مۇگەدەكتىك توبىنا جانە سەبەبىنە، سونداي-اق ءتيىستى قارجى جىلىنا ارنالعان «رەسپۋبليكالىق بيۋدجەت تۋرالى» زاڭدا بەلگىلەنگەن ەڭ تومەن كۇنكورىس دەڭگەيىنىڭ شاماسىنا بايلانىستى بولادى. مىسالى، 2020 جىلعى 1 ساۋىردەن باستاپ جالپى اۋرۋدان بولعان I توپتاعى مۇگەدەكتىك بويىنشا مەملەكەتتىك الەۋمەتتىك جاردەماقى مولشەرى – 62 723 تەڭگە، II توپقا – 49 983 تەڭگە، III توپقا – 33 975 تەڭگە، 16 جاسقا دەيىنگى مۇگەدەك بالالارعا 45 736 تەڭگە بولدى. اسىراۋشىسىنان ايىرىلۋ جاعدايى بويىنشا مەملەكەتتىك الەۋمەتتىك جاردەماقىلاردىڭ مولشەرى قايتىس بولعان اسىراۋشىنىڭ اسىراۋىنداعى ادامداردىڭ سانىنا، قايتىس بولۋ سەبەبىنە جانە ەڭ تومەنگى كۇنكورىس دەڭگەيىنە بايلانىستى. مىسالى، 2020 جىلعى 1 ساۋىردەن باستاپ اسىراۋىنداعى ءبىر ادامنىڭ اسىراۋشىسىنان ايىرىلۋ جاعدايى بويىنشا مەملەكەتتىك الەۋمەتتىك جاردەماقى مولشەرى 28 095 تەڭگەنى، اسىراۋىنداعى ەكى ادامنىڭ جاردەماقىسى 48 676 تەڭگەنى قۇرادى.

بۇعان قوسا وتكەن جىلعى 30 جەلتوقساننان باستاپ «ەلەكتروندى ۇكىمەت» پورتالىندا مۇگەدەكتىگى بار ادامدارعا ارنالعان بىرقاتار قىزمەت پەن وڭالتۋدىڭ تەحنيكالىق قۇرالدارىن ۇسىنۋ بويىنشا قۇجاتتاردى رەسىمدەۋگە ەلەكتروندى ءوتىنىم بەرۋ مۇم­كىندىگى ىسكە اسىرىلدى. بۇل قىزمەتتەردى «ەڭ­بەك رە­سۋرستارىن دامىتۋ ورتالىعى» اق «ۇلت­تىق اقپاراتتىق تەحنولوگيالار» اق-مەن بىر­لەسىپ، تۇڭعىش پرەزيدەنت نۇرسۇلتان نازارباەۆتىڭ 2018 جىلعى جولداۋىن، سون­داي-اق مەملەكەت باسشىسى قاسىم-جومارت توقاەۆتىڭ 2020 جىلعى 4 ناۋرىزداعى «تسيفر­لى قازاقستان» مەملەكەتتىك باعدار­لاما­سىن ىسكە اسىرۋ جونىندەگى تاپسىرماسىن ورىنداۋ شەڭبەرىندە جۇرگىزىلىپ جاتقان الەۋ­مەتتىك-ەڭبەك سالاسىنداعى مەملەكەتتىك قىز­مەتتەردى وڭتايلاندىرۋ جانە اۆتوماتتاندىرۋ جونىندەگى جۇمىس بارىسىندا ىسكە اسىردى.

وسىلايشا، ەندى eGov پورتالىندا ەڭبەك جانە حالىقتى الەۋمەتتىك قورعاۋ مينيس­ترلىگىنىڭ كەلەسى مەملەكەتتىك قىزمەتتەرىن الۋ­عا ءوتىنىم بەرۋگە بولادى. بۇل – ەستۋ كە­مىس­تىگى بار مۇگەدەكتەر ءۇشىن ىمداۋ ءتىلى ما­مانىنىڭ قىزمەتتەرىمەن قامتاماسىز ەتۋ ءۇشىن قۇجاتتاردى راسىمدەۋ (جىلىنا 60 ساعات)، ءجۇرىپ-تۇرۋى قيىن ءبىرىنشى توپتاعى مۇگەدەكتەردى جەكە كومەكشىنىڭ قىزمەتىمەن قام­تاماسىز ەتۋگە قۇجاتتاردى راسىمدەۋ، مۇگە­دەكتىگى بار ادامداردى ساناتوري-كۋرورت­­­­تىق ەمدەۋمەن قامتاماسىز ەتۋ ءۇشىن قۇ­جات­تاردى راسىمدەۋ، مۇگەدەكتىگى بار ادامداردى سۋردو-تيفلوتەحنيكالىق قۇرال­دارمەن جانە مىندەتتى گيگيەنالىق قۇ­رال­­دارمەن قام­تاماسىز ەتۋ ءۇشىن قۇ­جات­تار­دى راسىمدەۋ، مۇگەدەكتىگى بار ادام­دارعا كرەسلو-اربالار بەرۋ ءۇشىن قۇجات­تاردى راسىم­دەۋ، مۇگەدەكتىگى بار ادامدارعا پرو­تەزدىك-ورتو­پەديالىق كومەك ۇسىنۋ ءۇشىن قۇجات­­تاردى راسىمدەۋ.

مۇگەدەكتىگى بار ادامدار ۇيدەن شىقپاي-اق eGov پورتالى ارقىلى جوعارىدا اتالعان مەملەكەتتىك قىزمەتتەردى الۋعا ءوتىنىم بەرە الادى جانە ودان ءارى الەۋمەتتىك كورسەتىلەتىن قىزمەتتەر پورتالىندا وزدەرىنە تيەسىلى وڭالتۋدىڭ تەحنيكالىق قۇرالدارىن، كورسە­تىلەتىن قىزمەتتەردى بەرۋشىنى ءوز قاجەتتى­لىكتەرىن ەسكەرە وتىرىپ تاڭداي الادى، سونداي-اق تاۋاردى جەتكىزۋ ءتۇرىن ء(وزى الىپ كەتۋ نەمەسە پوشتامەن جەتكىزۋ) كورسەتە الادى جانە وڭالتۋدىڭ جەكە باعدارلاماسى تولىق ورىن­دالعانعا دەيىن ءوز ءوتىنىمىنىڭ مارتەبەسىن قاداعالاي الادى.

ەندى قىزمەت الۋشىلارعا جۇمىسپەن قامتۋ جانە الەۋمەتتىك باعدارلامالار قىز­مەتىنە كەلۋدىڭ جانە قۇجاتتاردى قاعاز تۇ­رىندە ۇسىنۋدىڭ قاجەتى جوق. وزدىگىنەن ءجۇرىپ-تۇرۋى، بارىپ-كەلۋى قيىن جاندار ءۇشىن بۇنىڭ ءوزى تاپتىرماس مۇمكىندىك دەۋگە بولادى. ۇكىمەتتىڭ الەۋمەتتىك سالاعا باسا نازار اۋدارىپ، كوڭىل مەن قارجىنى قاتار ءبولىپ جاتقانى قۋانتادى.

سوڭعى جاڭالىقتار

تاميلانىڭ تارتۋى

ونەر • بۇگىن، 23:00

قارا جولداعى قاتەر

بۇگىن، 22:56

مۋتاتسيالانعان ۆيرۋس

مەديتسينا • بۇگىن، 22:15

جىراۋلىق ونەردىڭ جاناشىرلارى

رۋحانيات • بۇگىن، 21:56

Big Tech كومپانيالارىنىڭ قارجىلىق ماسەلەسى

باعدارلامالار • بۇگىن، 21:30

ۇستازى جاقسىنىڭ ۇستامى جاقسى

رۋحانيات • بۇگىن، 18:30

بالقاشتا قار جاۋىپ جاتىر

اۋا رايى • بۇگىن، 15:48

ۇقساس جاڭالىقتار