ساياسات • 04 اقپان، 2021

اۋرۋدىڭ الدىن الۋ قيىنداپ تۇر

1 رەت كورسەتىلدى

قازاقستان COVID-19 ىندەتىنىڭ تارالۋى بويىنشا جالپى الەمدىك رەيتينگتە 221 ەلدىڭ ىشىندە 109-ورىندا تۇر. بۇل تۋرالى بۇگىن دەنساۋلىق ساقتاۋ ۆيتسە-ءمينيسترى – باس مەملەكەتتىك سانيتار دارىگەر ەرلان قياسوۆ ايتتى.

«ەۋروپا مەن ازيانىڭ كەي­بىر ەلدەرىندە كوروناۆيرۋس ين­فەك­تسياسىنىڭ ءوسىمى بۇرىنعىداي جالعاسىپ وتىر. بۇگىندە الەمنىڭ 221 ەلىندە 104 375 866 جاعداي تىركەلگەن. اۋرۋدىڭ ءوسىمى 0،4-ءتى قۇرايدى. 2 262 093 ادام قايتىس بولدى. ءولىم كورسەتكىشى 2،2 پايىزدى قۇراپ وتىر. COVID-19 بويىنشا جالپى الەمدىك رەيتينگتە قازاقستان 221 ەلدىڭ ىشىندە 109 ورىندا تۇر. «قازىرگى تاڭدا قازاقستان – «سارى ايماقتا». جال­پى، قاراشا ايىنان بەرى ەلى­مىزدە سىرقاتتانۋشىلىق دەڭگەيى ارتىپ كەلەدى. قاراشا ايىمەن سالىس­تىرعاندا جەلتوقساندا ءوسىم كور­سەتكىشى 1،2%-دى قۇرادى. مۇن­داي ءوسۋ دەڭگەيى قاڭتاردا دا ساقتالدى. جەلتوقسانمەن سالىس­تىرعاندا سىرقاتتانۋشىلىق كور­سەتكىشى قاڭتاردا 1،4 ەسەگە وسكەن»، دەدى ە.قياسوۆ.

دەنساۋلىق ساقتاۋ ۆيتسە-ءمي­نيسترى اجار عينيات ەلىمىزدىڭ قاي وڭىرلەرىندە اۋرۋدىڭ اسقىنۋى بايقالاتىنىن مالىمدەدى.

«سىرقاتتانۋشىلىقتىڭ اي­تار­لىقتاي ءوسۋى اقمولا، الماتى، قاراعاندى، قىزىلوردا، پاۆلودار، تۇركىستان وبلىستارىندا جانە الماتى، نۇر-سۇلتان، شىمكەنت قالالارىندا بايقالادى. قازىرگى ۋاقىتتا 27 900 پاتسيەنت ەمدەلۋدى جالعاستىرۋدا، ونىڭ ىشىندە امبۋلاتوريالىق ەمدەلۋدە 22 112 ادام، ال ستانتسيونارلىق ەمدەلۋدە 5 788 ناۋقاس جاتىر. كوروناۆيرۋس ينفەكتسياسىنان ەمدەۋ ءۇشىن ستاتسيونارلار 20 990 توسەكتىك ورىنمەن قامتىلعان. رەسپۋبليكا بو­يىنشا ينفەكتسيالىق كەرۋەتتەردىڭ قامتىلۋ كورسەتكىشى 28%-دى قۇرايدى. ينفەكتسيالىق ستاتسيونارلاردا رەانيماتسيالىق كومەك كورسەتۋ ءۇشىن 1 884 ورىن دايىن تۇر. قاجەت بولعان جاعدايدا قوسىمشا 31 مىڭعا جۋىق توسەكتىك ورىن اشۋ مۇمكىندىگىمىز بار»، دەدى ا.عينيات.

ونىڭ ايتۋىنشا، كورو­نا­ۆي­رۋسقا شالدىققان 310 ادامنىڭ جاعدايى اۋىر. وسى جىلدىڭ باسىنان بەرى رەسپۋبليكا بويىن­شا دەنساۋلىق جاعدايى اۋىر پ­اتسيەنتتەردىڭ سانى ەداۋىر تومەن­دەگەنى بايقالادى. سونىمەن قاتار جەكەلەگەن وڭىرلەردە اۋىر ناۋقاستاردىڭ سانى الدىڭعى ايمەن سالىستىرعاندا ۇلعايىپ بارادى. ولار – اتىراۋ، قاراعاندى، پاۆلودار وبلىستارى، نۇر-سۇلتان، الماتى قالالارى.
3 اقپانداعى جاعداي بويىنشا رەسپۋبليكادا كوروناۆيرۋس
ينفەك­تسياسى بار، جاعدايى اۋىر ناۋ­قاس­تاردىڭ سانى – 310 ادام. جاع­دايى وتە اۋىرى – 57. جاساندى تىنىس الۋ اپپاراتىندا 52 پا­تسيەنت بار.

پاتسيەنتتەردىڭ 64 پايىزى – كوروناۆيرۋستىڭ وڭ دياگنو­زى بار ناۋقاستار. تاۋلىگىنە رەاني­ماتسياعا 30-دان 50-گە دەيىن ناۋ­قاس تۇسەدى. رەانيماتسيا بولىم­شە­سىندەگى اۋرۋلاردى تالداۋ پاتسيەنتتەردىڭ 70 پايىز­عا جۋىعىندا قانت ديابەتى، ارتە­ريالىق گيپەرتەنزيا، وكپەنىڭ وبس­ترۋكتيۆتىك اۋرۋى، سەمىزدىك، باۋىر تسيرروزى، ونكولوگيالىق اۋرۋلار، جۇرەك-قان تامىرلارى جۇيەسىنىڭ سوزىلمالى اۋرۋلارى بار ەكەنىن كورسەتىپ وتىر.

«وسى پاتسيەنتتەردىڭ 66 پايىزى العاشقى تاۋلىكتە اۋىر كۇيدە ءتۇسىپ جاتىر. بۇل كوبىنەسە ۇيدە ءوز بەتىنشە ەمدەلۋ ارەكەتىنەن كەيىن مەديتسينالىق كومەككە كەش جۇگىنۋدى بىلدىرەتىنىن ايتا كەتۋ كەرەك. ۋچاسكەلەردە ىندەت جۇقتىرعان سيمپ­تومسىز، جەڭىل نىسانى بار ناۋقاس­تاردى امبۋلاتوريالىق باقى­لاۋدىڭ چەك-پاراقتارى، ىندەت جۇقتىرعان بالانىڭ جاعدايىن باقىلاۋ بويىنشا اتا-انالارعا ارنالعان چەك-پاراقتار جۇرگىزىلۋگە ءتيىس»، دەدى ا.عينيات.

ونىڭ ايتۋىنشا، ۆاكتسينا­لاۋ جۇرگىزەر الدىندا دەنە قىزۋىن ولشەۋ، ەپيدەميالىق انام­نەزدى جيناۋ، ساتۋراتسيانى، جۇرەك جيىرىلۋىنىڭ جيىلىگىن، ارتە­ريالىق قىسىمدى ولشەۋ، تىنىس الۋ جانە جۇرەك-قان تامىر جۇيەسىن اۋسكۋلتاتسيالاۋ جانە جۇت­قىنشاقتى تەكسەرۋ ارقىلى دارى­گەردىڭ مىندەتتى تەكسەرۋى جۇرگىزى­لەدى. ەگەر تەمپەراتۋرا 37°C-تان اسسا، ۆاكتسينالاۋ كەيىنگە قالدى­رىلادى.

«قازىرگى تاڭدا ۆاكتسينالاۋ – الدىن الۋدىڭ جالعىز ءتيىمدى قۇرالى. بۇگىنگى تاڭدا بۇل – يممۋن­دىق-پروفيلاكتيكامەن باسقا­رى­لاتىن ينفەكتسيادان، سونىڭ ىشىندە كوروناۆيرۋس ينفەكتسياسىنان ساقتايتىن بالامالى شارا. ۆاكتسينالاۋ سىرقاتتانۋشىلىقتى تومەندەتۋگە جانە كوروناۆيرۋس ينفەكتسياسى بار پاتسيەنتتەردىڭ جاعدايىن جەڭىلدەتۋگە جانە تيىسىنشە ودان بولاتىن ءولىمدى تومەندەتۋگە مۇمكىندىك بەرەدى»، دەدى ا.عينيات.

سوڭعى جاڭالىقتار

«كيىك جاپپاي قىرىلىپ جاتىر»..

ايماقتار • بۇگىن، 14:15

پنەۆمونيادان 5 ادام قايتىس بولدى

كوروناۆيرۋس • بۇگىن، 10:00

شقو-دا تۇرعىندار ەۆاكۋاتسيالاندى

ايماقتار • 09 ءساۋىر، 2021

تاسقىن قاۋپى اۋەدەن زەرتتەلدى

ايماقتار • 09 ءساۋىر، 2021

الماتىدا تاۋ باۋرايى وتقا وراندى

ايماقتار • 09 ءساۋىر، 2021

ۇقساس جاڭالىقتار