وقيعا • 04 اقپان، 2021

ۆاكتسينالاۋ – قالىپتى ومىرگە قادام

5 رەت كورسەتىلدى

دەنساۋلىق ساقتاۋ مينيسترلىگى ۆاكتسينالاۋدى ۇيىمداستىرۋ جانە جۇرگىزۋ بويىنشا ادىستەمەلىك ۇسىنىمدار مەن ۆاكتسينالاردى ساقتاۋ جانە تاسىمالداۋ ەرەجەلەرىن بەكىتتى. بۇل تۋرالى ۆەدومستۆو باسشىسى الەكسەي تسوي ايتتى.

«ازاماتتاردى كوروناۆيرۋس ينفەكتسياسىنا قارسى ۆاكتسينالاۋدى ۇيىمداستىرۋ جانە جۇرگىزۋ جونىندەگى ءىس-شارالار جوسپارىنا سايكەس مينيسترلىك بارلىق شارالاردى قابىلدادى جانە 1 اقپاننان باستاپ COVID-19-عا قارسى ۆاكتسينالاۋدى باس­تادى. جوسپار شەڭبەرىندە ۆاكتسينالاۋدى ۇيىمداستىرۋ جانە جۇرگىزۋ جونىندەگى ادىستەمەلىك ۇسىنىمدار جانە ۆاكتسينالاردى ساقتاۋ مەن تاسىمالداۋ ەرەجەلەرى ازىرلەندى جانە بەكىتىلدى. جۇمىستار كەستەگە سايكەس جۇرگىزىلۋدە»، دەدى ا.تسوي.

ول ۆاكتسينا العاندار تۋرالى دەرەكتەردىڭ دەنساۋلىق ساقتاۋ مينيسترلىگىنىڭ اقپاراتتىق جۇيەسىنە ەنگىزىلەتىنىن اتاپ ءوتتى.

«قازاقستاندىق موبيلدىك قوسىمشاعا جەكە يممۋندىق مارتەبەسى تۋرالى QR-كودتاردى ەنگىزۋ ءۇشىن Egovmobile مو­بيلدىك قوسىمشاسىن ىسكە قوسۋ جوس­پارلانعان، ول Ashyq مەدي­تسينالىق قوسىمشاسىمەن ينتەگراتسيالانادى. وندا مەدي­تسينالىق اقپاراتتىق جۇيە­لەردەگى ازاماتتار بويىن­شا، ونىڭ ىشىندە QR-كود ارقى­لى تەكسەرۋگە ۇسىنۋ ءۇشىن COVID-19-عا قارسى ۆاكتسينالاۋ­دان وتكەنى تۋرالى دەرەكتەر جي­ناقتالادى»، دەدى مينيستر.

مەديتسينا عىلىمدارىنىڭ كانديداتى، حامزا جۇماتوۆ اتىنداعى گيگيەنا جانە ەپيدەميولوگيا عىلىمي ورتالىعىنىڭ باسشىسى ايناگۇل قۋاتباەۆا كو­روناۆيرۋسقا قارسى ۆاكتسينانىڭ قانشالىقتى ماڭىزدى ەكەنىن جەتكىزدى.

«وزدەرىڭىز بىلەتىندەي، بۇل – بۇكىل الەمگە تارالىپ جات­قان ۆيرۋستىڭ جاڭا ءتۇرى. بۇ­گىندە 100 ملن ادامدا كورونا­ۆي­رۋستىڭ زەرتحانالىق راس­تال­عان جاعدايى تىركەلدى. سوڭعى كەز­دەرى اۋرۋدىڭ كوبەيۋى بايقا­لادى. ءولىم سانى دا ارتۋدا. سون­دىقتان ۆاكتسينا ەگۋ كەرەك. بىزدە قازىر قاۋىپتى ىندەتكە قار­سى ۆاكتسينا بار. ونىڭ پايدا­سى وتە زور. قازىردىڭ وزىندە كوپ­تەگەن ەل ۆاكتسينالاۋدى باستادى. كوروناۆيرۋسقا قارسى ۆاكتسي­نانى 21 كۇندىك ارالىقپەن ەكى كەزەڭمەن ەنگىزۋ كەرەك. ءبىرىن­شى دوزا انتيدەنەلەردىڭ از مول­شەرىن وندىرۋگە بايلانىستى قىسقا قورعانىس اسەرىن بەرەدى. ەكىنشى دوزا ءبىرىنشىسىنىڭ اسەرىن كۇشەيتەدى جانە نىعايتادى، ادام ورگانيزمىندەگى انتيدەنەلەر سانى ارتادى. ماقسات – يم­­مۋنيتەتتى نىعايتۋ. حا­لىقتى قان­شالىقتى تەزىرەك ۆاكتسي­نالاساق، سوعۇرلىم اۋرۋ­دىڭ تو­مەندەۋى مەن تۇراقتا­نۋىنا قول جەتكىزەمىز. ءبىزدىڭ مىن­دە­تىمىز – ەلدەگى ەپيدە­ميالىق جاع­دايدى تۇراقتاندىرۋ، ءولىم سانىن بارىنشا تومەن­دەتۋ»، دەدى مامان.

سوڭعى جاڭالىقتار

تاميلانىڭ تارتۋى

ونەر • بۇگىن، 23:00

قارا جولداعى قاتەر

بۇگىن، 22:56

مۋتاتسيالانعان ۆيرۋس

مەديتسينا • بۇگىن، 22:15

جىراۋلىق ونەردىڭ جاناشىرلارى

رۋحانيات • بۇگىن، 21:56

Big Tech كومپانيالارىنىڭ قارجىلىق ماسەلەسى

باعدارلامالار • بۇگىن، 21:30

ۇستازى جاقسىنىڭ ۇستامى جاقسى

رۋحانيات • بۇگىن، 18:30

بالقاشتا قار جاۋىپ جاتىر

اۋا رايى • بۇگىن، 15:48

ۇقساس جاڭالىقتار