قوعام • 03 اقپان، 2021

اكىم باستاپ، دارىگەرلەر قوستاپ...

36 رەت كورسەتىلدى

جىلدان اسا ادامزاتتى ۇرەي قۇشاعىندا ۇستاعان سوVID-19 ۆيرۋسىنا قارسى ەكپە جۇمىستارى ءۇشىنشى مەگا­پو­ليستە دە باستالدى. بۇل ءۇشىن قالاعا 1 مىڭ دوزا ۆاك­تسينا جەتكىزىلدى. شاھارداعى مەديتسينا قىزمەتكەرلەرى ىندەت­كە قارسى ۆاكتسينالاۋعا بەلسەنە قاتىسىپ، كوپكە ۇلگى كورسەتتى.

كوروناۆيرۋسقا قارسى ەرىك­تى تۇردە ۆاكتسينا سالۋ ناۋ­قانىنا العاشقىلاردىڭ ءبىرى بولىپ قالا اكىمى مۇرات اي­تەنوۆ قاتىستى. شاھار باس­شى­سى شىمكەنت قالالىق №3 ەم­حانادا ەكپە الدىندا دارى­گەرگە تەكسەرىلىپ، قارسى كورسەت­كىش­تەر انىقتالماعان سوڭ، ەرىكتى تۇردە ەكپە ەكتىردى.

«سپۋتنيك V» ۆاكتسيناسى­نىڭ 1 مىڭ دوزاسى قالالىق قان ورتالىعىنداعى مۇزداتقىش كامەرالاردا ۋاقىتشا ساقتاۋ ءۇشىن ورنالاستىرىلىپ، دۇي­سەن­بى تاڭعى ساعات 06:00-دە 4 ەم­حاناعا جەتكىزىلدى. ەگۋ ءۇشىن قا­لا­داعى ەمحانالاردىڭ بازاسىندا 4 ۆاكتسيناتسيا كابينەتى ۇيىمداستىرىلىپ، ۆاكتسينالاردى ساقتاۋعا ارنالعان مۇزداتقىشتار ورناتىلعان.

ەرىكتى تۇردە ۆاكتسينا ەگۋ ءۇشىن مەديتسينا قىزمەتكەرىنىڭ ءتىزىمى قالىپتاستىرىلعان. سو­نى­مەن قاتار مەديتسينا قىز­مەت­كەرلەرى ءۇشىن ۆاكتسينالاۋ بويىنشا سەمينار-ترەنينگتەر وتكىزىلىپ، قاجەتتى مەديتسينا قىزمەتكەرىلەرىنىڭ بارلىعى وقىتۋدان ءوتتى. ۆاكتسينالاۋعا پروفيلاكتيكالىق ەگۋگە قارسى كورسەتكىشتەرى جوق ادامدار جىبەرىلەدى. ۆاكتسينالاۋ الدىندا دارىگەرلەر تۇرعىنداردى مىن­­دەتتى تۇردە تەكسەرۋدەن وت­كى­­زەدى. بۇگىنگى تاڭدا قالادا ءتورت ەمحانا بازاسىندا ەكپە ەگى­­لۋ­دە. قالالىق №6 ەمحانا سول ءتورت بازانىڭ ءبىرى.

ءبىرىنشى كەزەكتە ەمحانانىڭ 6 مەديتسينالىق قىزمەتكەرى ەرىكتى تۇردە كوروناۆيرۋسقا قارسى ۆاكتسينا الدى. ەمحانا­نىڭ باس دارىگەرى ايگۇل قى­لىش­باەۆانىڭ حابارلاۋىنشا، پۋنكتكە تاڭ ازانىمەن «سپۋتنيك V» ۆاكتسيناسى­نىڭ 250 دوزاسى جەتكىزىلگەن. العاشقى كۇنى بۇل بازادان قالاداعى 4 دەنساۋلىق ساقتاۋ مەكەمەسىنەن 50-گە تارتا مەديتسينا قىزمەتكەرى ۆاكتسينا الادى دەپ جوسپارلانعان.

«الدىمەن دەنساۋلىعىمدى تەك­­سەرتىپ الدىم. دەنە قىزۋىم، قان قىسىمىم بارلى­عى قا­لىپ­تى جاعدايدا بولىپ، رۇقسات ەتىل­دى. جارتى ساعات سوVID-19-عا قار­سى ەكپە ەگۋدەن كەيىنگى كۇتۋ زا­لىن­دا مامانداردىڭ با­قى­لاۋىن­دا بولدىم. قازىرگى جاع­دا­يىم جاقسى. «اۋىرىپ ەم ىز­د­ە­گەنشە، اۋىرماۋدىڭ جولىن ىزدە» دەگەن. قازىرگى تاڭدا كو­رو­ناۆيرۋستان ساقتانۋدىڭ بىر­دەن-ءبىر جولى – وسى ەكپە بو­لىپ تۇر. وسى كەزگە دەيىن دەرت­كە قارسى وزگە دە ۆاكتسينا­لار­دى ۇزبەي الىپ ءجۇردىم. سول ءۇشىن اسا قورقىنىشتى بول­عان جوق. ءوزىمدى، وتباسىمدى، اي­نا­لامداعى ادامداردى ساق­تاۋ­دىڭ، قورعاۋدىڭ جولى وسى بول­­عان­دىقتان ازاماتتىق مىن­دە­تىم­دى ورىندادىم، – دەدى ال­عاش بو­لىپ ىندەتكە قارسى ەكپە ەكتىر­گەن باس دارىگەر ايگۇل قىلىشباەۆا.

بۇگىنگى تاڭدا قالادا ءتورت ەمحانا بازاسىندا ەكپە ەگىلۋدە. سول بازانىڭ ءبىرى – قالالىق №6 ەمحانا. العاشقى كەزەكتە ەمحانانىڭ 6 مەديتسينالىق قىز­مەتكەرى ەرىكتى تۇردە كورو­نا­ۆيرۋسقا قارسى ۆاكتسينا الدى. قالالىق №6 ەمحانا بازاسى ۆاكتسينالاۋعا الدىن الا دايىندالىپ، قاجەتتى قۇرال-جابدىقتارمەن جابدىقتالعان. ەكپە الاتىن مەديتسينالىق قىز­مەتكەرلەر ءبىرىنشى دارىگەر­لىك تەكسەرۋدەن ءوتىپ، ءوز كەلىسى­مىن جازباشا قالدىرادى. سو­سىن ەكپە جۇرگىزىلىپ، ارنايى كۇتۋ زالىندا جارتى ساعات دارى­گەر­لەردىڭ باقىلاۋىندا بولا­دى. ايتا كەتەرلىگى، مەدي­تسينا ماماندارى ۆاكتسينالاۋ – كوروناۆيرۋستىڭ ودان ءارى تارالۋىنا جول بەرمەي، قاتاڭ لوك­داۋن ەنگىزبەۋدىڭ جالعىز با­لا­ماسى دەگەن ويدى ورتاعا سالادى.

 

شىمكەنت

 

سوڭعى جاڭالىقتار

اقتوبەدە كارانتين جەڭىلدەدى

كوروناۆيرۋس • بۇگىن، 16:15

9 سۋ قويماسى سالىنادى

ەكولوگيا • كەشە

ۇقساس جاڭالىقتار