ەلوردا • 03 اقپان، 2021

ەلوردادا 735 مىڭ ادامعا ەكپە ەگىلەدى

14 رەت كورسەتىلدى

ەلورداداعى ەپيدەميالىق جاعداي جانە COVID-19-عا قارسى ۆاك­تسينالاۋعا دايىندىق توڭى­رەگىندە نۇر-سۇلتان قالا­سىنىڭ باس مەملەكەتتىك سانيتارلىق دارىگەرى سارحات بەيسەتوۆا مەن نۇر-سۇلتان قالاسىنىڭ قوعامدىق دەنساۋلىق ساقتاۋ باسقارماسىنىڭ باسشىسى تيمۋر مۇراتوۆ كەڭى­رەك ايتىپ بەردى.

سۋرەتتى تۇسىرگەن ەرلان ومار، «ەQ»

«ۆاكتسينالاۋ 18-دەن 64 جاسقا دەيىن­گى ادامدارعا جاسالادى. نۇر-سۇلتان­دا وسى ساناتقا كىرەتىن 735 مىڭ ادام بار. ۆاكتسينالاۋ ەرىكتى نەگىز­دە ءار ازا­ماتقا تەگىن جاسالادى. تۇراق­تى پرو­فيلاكتيكالىق ەگۋلەرگە جانە ۋاقىتشا مەديتسينالىق قارسى كورسە­تى­لىمدەرى بار ادامدارعا كۆي-عا قار­سى ەكپە سالىنبايدى. سونداي-اق كورو­نا­ۆيرۋستىڭ اۋىر جاعدايى جانە سيمپ­تومسىز بەلگىلەرى بار ادامدار ەكپە الۋعا جاتپايدى. جۇقپالى اۋرۋى بار ناۋقاسپەن، ونىڭ ىشىندە كۆي-مەن اۋىرعان ناۋقاسپەن بايلانىس­تا بولعان ادامدار كارانتين مەرزىمى اياقتالعاننان كەيىن عانا ۆاكتسينالانادى. ەكپە سالۋ الدىندا COVID-19-عا قارسى انتيدەنەلەردىڭ بار-جوعىن انىقتاۋ ءۇشىن سكرينينگ جاسالمايتىنىن اتاپ وتكىم كەلەدى»، دەدى ت.مۇراتوۆ.

سونىمەن قاتار ول كوروناۆيرۋس ينفەك­تسيا­سىنىڭ كەز كەلگەن فورماسىمەن اۋىرعان پاتسيەنت ەمدەلىپ شىققاننان كەيىن دەنساۋلىق جاعدايىنا سايكەس كەمىندە 6 ايدان كەيىن ەكپە العان دۇرىس ەكەنىن اتاپ ءوتتى.

«ۆاكتسينانى قابىلداۋعا قارسى كورسەتكىشتەر ۆاكتسينانىڭ كەز كەلگەن كومپونەنتىنە جوعارى سەزىمتالدىق، اۋىر اللەرگيالىق رەاكتسيالاردىڭ بارى، جۇكتىلىك جانە ومىراۋمەن ەمىزۋ كەزىندە بولمايدى. ەكپە بالالارعا جانە 65 جاستان اسقان ادامدارعا سالىنبايدى. وتكەن اپتادا رەسەيلىك «سپۋتنيك V» ۆاكتسينالارى جەتكىزىلدى. كەشە باسقار­ما قويمالارىنا العاشقى پارتيالار جەتكىزىلدى. پرەپارات ەكى كومپونەنتتى، ءۇش اپتا مەرزىمىندە ەكى رەت ەنگىزىلەدى. حالىقتى COVID-19-عا قارسى جاپپاي ۆاكتسينالاۋعا دايىندىق كەزىندە العاشقى مەديتسينالىق-سانيتارلىق كومەك كورسەتۋ ۇيىمدارىنا 22 مۇزداتقىش قوندىرعى ساتىپ الىندى (تەمپەراتۋرا رەجىمى مينۋس 18 گرادۋستان كەم ەمەس). جابدىقتار 19 اقپاندا كۇتىلۋدە»، دەدى نۇر-سۇلتان قالاسىنىڭ قوعامدىق دەنساۋلىق ساقتاۋ باسقارماسىنىڭ باسشىسى.

ايتا كەتەر جايت، قالالىق ەمحانالار ۆاكتسينالاردى قويمادان ەكپە سال­دى­راتىن بەلگىلەنگەن مەكەمەلەرگە تاسى­مال­داۋعا ارنالعان 20 مۇزداتقىش جانە 82 جىلۋ كونتەينەرىمەن قامتاماسىز ەتىل­گەن. باستاپقى كەزەڭدە ۆاكتسينالاۋ №2، №4، №6، №7، №9 قالالىق ەمحانالار­دا جۇرگىزىلەدى. ءبىرىنشى كەزەڭدە (اقپان) تاۋەكەل توبىنا جاتاتىن مەديتسينا قىزمەتكەرلەرى (جۇقپالى اۋرۋلار اۋرۋحانالارى، جەدەل-جاردەم قىزمەتكەرلەرى، ال­عاشقى مەديتسينالىق كومەك كورسەتۋ ۇيىم­دارى، كوپ سالالى اۋرۋحانالاردىڭ قابىل­داۋ بولىمدەرى) ۆاكتسينالانادى. ودان ءارى مۇعالىمدەر، پوليتسيا قىزمەتكەرلەرى، جانە ت.ب. وسىلايشا كەزەڭ-كەزەڭ بويىنشا بارلىق تۇرعىن قامتىلادى.

«بۇگىندە العاشقى مەديتسينالىق-سا­ني­تار­لىق كومەك كورسەتۋ ۇيىمدارىندا ەم-شارا بولمەلەرى مەن كۇتۋ بولمەلەرى ازىر­لەنگەن، وندا ەكپە العان ادامدار ۆاك­تسي­نالاۋدان كەيىن 30 مينۋت ىشىندە فيزي­كالىق اراقاشىقتىق تالاپتارىنا سايكەس دارىگەردىڭ باقىلاۋىندا بولۋى كەرەك. تۇرعىنداردىڭ يممۋنداۋ جانە ۆاكتسينالاۋ تۋرالى سۇراقتارىنا جاۋاپ بەرۋ ءۇشىن سەنىم تەلەفوندارى ۇيىم­داستىرىلعان. ەكپە سالۋ بويىنشا پا­تسيەنتتىڭ باعىت-باع­دارى ازىرلەندى. ءبىرىن­شى كەزەڭدە ۆاك­تسي­نالاۋعا جاتاتىن كون­ت­ينگەنتتىڭ تىزىم­دەرى دايىندالدى (اۋرۋ­حانالاردىڭ مەدي­تسي­نا­لىق قىز­مەت­كەر­لەرى، العاشقى مەدي­تسينا­لىق-ساني­تار­لىق كومەك كورسەتۋ جانە جەدەل جار­دەم قىزمەتكەرلەرى). بۇل – 6 300 ادام، ولار­دىڭ اراسىندا ەكپە سالۋعا جات­پاي­­تىن جەكە تۇلعالار دا بولۋى مۇمكىن (جۇك­تى ايەل­دەر جانە ت.ب.). 150 مەدي­تسي­نا­لىق قىز­مەتكەر COVID-19-عا قارسى ۆاك­­تسي­نا­لاۋعا دايىندىق جانە جۇرگىزۋ جۇمىس­تا­رى بويىنشا وقىتىلدى»، دەدى ت.مۇراتوۆ.

2021 جىلدىڭ قاڭتار ايىنىڭ باسىنان بەرى ەلوردادا كوروناۆيرۋس ينفەكتسياسىنىڭ 3 763 جاعدايى تىركەلدى. بۇل تۋرالى نۇر-سۇلتان قالاسىنىڭ باس مەملەكەتتىك سانيتارلىق دارىگەرى سارحات بەيسەنوۆا ايتتى.

«ۋاقتىلى قابىلدانعان شەكتەۋ جانە كارانتيندىك شارالار ارقىلى 30 قاڭ­تار­دان باستاپ COVID-19 ينفەكتسيا­سى بويىنشا ەپيدەميالىق احۋالدى باعالاۋ ماتريتساسىنا سايكەس قالا «سارى ايماققا» كوشتى. الايدا قالادا بارلىق جاستاعى جانە كونتينگەنتتەگى تۇرعىندار اراسىندا COVID-19 جاعدايلارى تىر­كەلۋدە. 2020 جىلدىڭ جەلتوقسانىمەن سالىستىرعاندا اۋرۋ 1،5 ەسەگە نەمەسە 35 پايىزعا ءوسۋى بايقالادى»، دەدى ول.

باس مەملەكەتتىك سانيتارلىق دارىگەر­دىڭ ايتۋىنشا، ءبىر تاۋلىكتە ينفەكتسيانىڭ 61 جاعدايى تىركەلىپ وتىر. ونىڭ ىشىندە سيمپتوممەن – 44، سيمپتومسىز – 17. 65 وشاق انىقتالدى، 49-ى – ءۇي، 16-سى – ۇيىم. استانالىقتار اراسىندا اۋىرعانداردىڭ 24،5 پايىزىن 30-39 جاستاعى ادامدار قۇرايدى. 50 مەن ودان جوعارى جاستاعى ادامدار – 22،7 پايىز، 18-19 جانە 40-49 جاستاعى توپتار بويىنشا – 16 پايىزدان، بالالار – 16،7 پايىز. 2020 جىلدىڭ 1 اقپانىنداعى دەرەكتەرگە سايكەس، مەكتەپ وقۋشىلارى اراسىندا 752 كوروناۆيرۋس جاعدايى تىركەلدى. ونىڭ ىشىندە 56-سى – كەزەكشى سىنىپ وقۋشىلارى، 596 جاعداي قاشىقتان وقيتىن وقۋشىلار اراسىندا انىقتالدى»، دەدى س.بەيسەنوۆا.

باس مەملەكەتتىك سانيتارلىق دارىگەر­دىڭ ايتۋىنشا، وقۋ جىلى باستالعان­نان بەرى ەلوردادا 76 مەكتەپ كارانتينگە جا­بىلعان. بۇگىندە كوروناۆيرۋستىڭ وقۋ­شى­لار اراسىندا شىعۋىنا بايلانىستى 21 مەكتەپ وقۋدى قاشىقتان وتكىزىپ جاتىر.

«ستۋدەنتتەر اراسىندا كوروناۆيرۋس ينفەكتسياسىنىڭ جالپى 145 جاعدايى انىقتالدى. ولاردىڭ 32-ءسى كوللەدج، ال 113-ءى جوعارى وقۋ ورىندارىنىڭ ستۋدەنت­تەرى. وففلاين فورماتتا ءبىلىم الۋشى­لاردىڭ اراسىندا كوروناۆيرۋس انىق­تالعاندارى – 4 ستۋدەنت. ونىڭ ىشىندە ەكى ستۋدەنت قازاق ۇلتتىق ونەر ۋنيۆەرسيتەتى مەن نازارباەۆ ۋنيۆەرسيتەتىندە، ال تاعى ەكى ستۋدەنت – پوليتەحنيكالىق جانە كوپبەيىندى كوللەدجدەردىڭ ءبىلىم الۋشىلارى»، دەدى ول.

 

سوڭعى جاڭالىقتار

تاميلانىڭ تارتۋى

ونەر • بۇگىن، 23:00

قارا جولداعى قاتەر

بۇگىن، 22:56

مۋتاتسيالانعان ۆيرۋس

مەديتسينا • بۇگىن، 22:15

جىراۋلىق ونەردىڭ جاناشىرلارى

رۋحانيات • بۇگىن، 21:56

Big Tech كومپانيالارىنىڭ قارجىلىق ماسەلەسى

باعدارلامالار • بۇگىن، 21:30

ۇستازى جاقسىنىڭ ۇستامى جاقسى

رۋحانيات • بۇگىن، 18:30

بالقاشتا قار جاۋىپ جاتىر

اۋا رايى • بۇگىن، 15:48

ۇقساس جاڭالىقتار