قازاقستان • 21 قاڭتار، 2021

«ۆاكتسينادان سوڭ قايتىس بولدى»: وقيعاعا قاتىستى مينيسترلىك تۇسىنىكتەمە بەردى

209 رەت كورسەتىلدى

جەلىدە تاراپ جاتقان حابارلامادا ماڭعىستاۋ وبلىسى مۇنايلى اۋدانى باتىر اۋىلىنىڭ تۇرعىنى ۆاكتسينا سالدىرىپ، كەيىن قايتىس بولعانى ايتىلادى.

«اسقار توڭگە ۇلى باۋىرىمىز ۆاكتسينا سالعاننان قايتىس بولىپتى! ۆاحتاعا كەتەر الدىندا كۆي تەستەن ءوتىپ جانە ۆاكتسينا سالدىرعان كوپ ۇزاماي قايتىس بولعان. اسقار باۋىرىمىزدىڭ تۋعاندارىنا قايعىرىپ كوڭىل ايتامىن!»، - دەلىنگەن حابارلامادا.

سانيتارلىق-ەپيدەميولوگيالىق باقىلاۋ كوميتەتىنىڭ رەسمي وكىلى ەرجان بايتاناەۆ وسى حابارلاماعا پىكىر ءبىلدىردى.

«بيىل 19 قاڭتاردا 1978 جىلعى ەر ادامنىڭ قان قىسىمى جوعارىلاپ، سالدارىنان قايتىس بولعان. ول ەشقانداي ۆاكتسيناتسيا العان جوق»،  دەدى ە. بايتاناەۆ.

ونىڭ ايتۋىنشا، كورونوۆيرۋسقا قارسى ۆاكتسينا ماڭعىستاۋ وبلىسىنا جەتكىزىلمەگەن. ۆاكتسينانىڭ ءبىرىنشى پارتياسىن ايماققا جەتكىزۋ 28-29 قاڭتارعا جوسپارلانعان.

سوڭعى جاڭالىقتار

ۇقساس جاڭالىقتار