قازاقستان • 21 قاڭتار، 2021

قوعام قايراتكەرى ناتاليا تۋكالەۆسكايا «قۇرمەت» وردەنىمەن ماراپاتتالدى

8 رەت كورسەتىلدى

بۇگىن مەملەكەت باسشىسى قاسىم-جومارت توقاەۆتىڭ اتىنان اقپارات جانە قوعامدىق دامۋ ءمينيسترى ايدا بالاەۆا قازاقستان رەسپۋبليكاسىنىڭ ديابەتتىك اعارتۋ قورىنىڭ اتقارۋشى ديرەكتورى ناتاليا تۋكالەۆسكاياعا «قۇرمەت» وردەنىن تابىستادى. ماراپاتتاۋ ءراسىمى ءمينيستردىڭ الماتىعا جۇمىس ساپارى كەزىندە ءوتتى.

ايدا بالاەۆا: «قۇرمەتتى ناتاليا نيكولاەۆنا! مەن ءۇشىن بۇل وردەندى قازاقستان تاۋەلسىزدىگىنە 30 جىل تولۋ جىلىندا تاپسىرۋ ۇلكەن مارتەبە. ءسىز ۇزاق جىلدار بويى قازاقستانداعى ۇكىمەتتىك ەمەس ۇيىمداردىڭ قالىپتاسۋى مەن دامۋىنا وراسان زور ۇلەس قوسىپ كەلە جاتقان ادامسىز. ديابەتيكالىق اعارتۋداعى ماڭىزدى جوبالاردىڭ اۆتورى مەن قوعامدىق بىرلەستىكتىڭ جەتەكشىسى رەتىندە ءسىزدىڭ الەۋمەتتىك ماسەلەلەردى شەشۋدەگى ەڭبەگىڭىز بارشاعا ۇلگى. سوندىقتان، بۇل ماراپات جانقيارلىق ەڭبەك پەن تاڭداعان ىسكە دەگەن ادالدىقتىڭ، ادامداردىڭ يگىلىگى ءۇشىن ادال جۇمىسىڭىزعا دەگەن باعانىڭ بەلگىسى بولىپ تابىلادى»، - دەدى ءوز سوزىندە.

مينيستر پرەزيدەنتتىڭ قوعامدىق ۇيىمداردىڭ ءرولىن، ولاردىڭ مەملەكەت پەن ازاماتتىق قوعامنىڭ ءوزارا-ارەكەتتەسۋىن دامىتۋعا قوسقان ۇلەسىن جوعارى باعالايتىندىعىن باسا ايتتى.

ەسكە سالا كەتەيىك، ناتاليا تۋكالەۆسكايا - ۇلت دەنساۋلىعىن ساقتاۋ ساياساتىن جۇزەگە اسىرۋعا بەلسەندى ىقپال ەتەتىن، قانت ديابەتىمەن بايلانىستى ءبىلىم بەرۋ ماسەلەلەرىمەن اينالىساتىن جانە قالانىڭ قوعامدىق ومىرىنە بەلسەندى قاتىساتىن قوعام قايراتكەرى.

«قانت ديابەتىنىڭ سۇراقتارىمەن 26 جىل اينالىسىپ كەلەمىن. مەن مەملەكەت باسشىسى قاسىم-جومارت كەمەلەۆيچ توقاەۆقا ريزاشىلىعىمدى بىلدىرگىم كەلەدى.وردەندى الۋ ماعان مارتەبە، سونىمەن بىرگە، بۇل ماعان عانا ەمەس، بۇكىل ديابەتيكالىق قوزعالىسىنا بەرىلگەن باعا دەپ قابىلدايمىن.ء بىز ارقاشان دارىگەرلەرمەن بىرگە بولدىق. بۇگىندە ءبىزدىڭ دارىگەرلەر الدىڭعى قاتاردا، ال وسىنداي ۋاقىتتا ماراپاتقا يە بۇل ۇلكەن مارتەبە ەكەنى ءسوزسىز»، - دەدى ناتاليا تۋكالەۆسكايا.

سوڭعى جاڭالىقتار

«بارىس» ۇتىلىپ قالدى

سپورت • 06 ناۋرىز، 2021

ەلدوس سمەتوۆ كۇمىس الدى

سپورت • 06 ناۋرىز، 2021

«قايرات» – قولا جۇلدەگەر

ايماقتار • 06 ناۋرىز، 2021

ءار سالا ۇزدىكتەرىنە قۇرمەت تانىتتى

ايماقتار • 05 ناۋرىز، 2021

باعدات مۋسين شىمكەنتكە باردى

ايماقتار • 05 ناۋرىز، 2021

ۇقساس جاڭالىقتار