قازاقستان • 21 قاڭتار، 2021

ەنەرگەتيكا ءمينيسترى Tengizchevroil كومپانياسىنىڭ جاڭا ديرەكتورىمەن كەزدەستى

12 رەت كورسەتىلدى

ەنەرگەتيكا ءمينيسترى نۇرلان نوعاەۆ Tengizchevroil جشس-نىڭ جاڭا باس ديرەكتورى – كەۆين ليوندى قابىلدادى، دەپ حابارلايدى ەنەرگەتيكا مينيسترلىگىنىڭ ءباسپاسوز قىزمەتى.

نۇرلان نوعاەۆ Tengizchevroil جشس-نىڭ بۇرىنعى باس ديرەكتورى يمەر بوننەرگە بىرلەسكەن جەمىستى جۇمىسى ءۇشىن العىسىن ءبىلدىرىپ، كەۆين ليوننىڭ جۇمىسىنا ساتتىلىك تىلەدى. ەنەرگەتيكا ءمينيسترى ءوز سوزىندە كومپانيانىڭ قۇرىلتاي قۇجاتتارىنا سايكەس بولاشاقتا Tengizchevroil جشس-نىڭ باسشىسى بولىپ قازاقستان ازاماتى تاعايىندالۋى مۇمكىن ەكەنىن اتاپ ءوتىپ، بۇل قادام قازاقستان ۇكىمەتى مەن Chevron كومپانياسى اراسىنداعى ۇزاق جانە ءتيىمدى ىنتىماقتاستىقتىڭ تاريحىنا قوماقتى ۇلەس ەكەنىن اتاپ ءوتتى.

تاراپتار مۇناي-گاز ماشينا جاساۋدى دامىتۋدىڭ حالىقارالىق ورتالىعىن، جەرگىلىكتى قامتۋدى دامىتۋ قورىن قۇرۋ جانە COVID-19 پاندەمياسىنىڭ مۇناي-گاز سەكتورىنا اسەرىن تالقىلادى.

ەنەرگەتيكا ءمينيسترى ەلىمىزدەگى پاندەميامەن كۇرەستە تشو-نىڭ كورسەتكەن كومەگى ءۇشىن ريزاشىلىعىن ءبىلدىرىپ، تەڭىز كەن ورنىندا سانيتاريالىق قاۋىپسىزدىك شارالارىن كۇشەيتۋ تۋرالى بىرقاتار تاپسىرمالار بەردى.

سوڭعى جاڭالىقتار

ۇقساس جاڭالىقتار