ايماقتار • 20 قاڭتار، 2021

جاقىنىنا جاناشىر بولعان جەتىسۋلىقتار

33 رەت كورسەتىلدى

الماتى وبلىسىندا «جاقىنىڭا جاناشىر بول» دەگەن باستاما اياسىندا بىرقاتار جاعىمدى ءىس اتقارىلدى. اسىرەسە، وتكەن جىل سوڭىندا مۇقتاجدارعا جاردەمدەسۋ ماقساتىندا ءار اۋدان، قالالاردىڭ ءوز مۇمكىندىكتەرىنە قاراي كومىر مەن وتىن ساتىپ اپەرۋ، ازىق-ت ۇلىك جاعىنان كومەكتەسۋ، بالالارعا جاڭا جىلدىق سىيلىقتار بەرۋ، كوپ بالالى جانە از قامتىلعان وتباسى بالالارىنا قىستىق كيىمدەر، وقۋ قۇرالدارىن اپەرۋ، ءبىر رەتتىك قارجىلاي قولداۋ سياقتى بىرقاتار قولداۋ شارالارى جۇزەگە اسقان.

مىسالى، قاپشاعاي قالاسىندا 1600 وتباسىنا قاجەتتى جاردەم بەرىلدى. مۇنداي كومەكتى نەگىزىنەن مەتسەناتتار مەن كاسىپكەرلەر بيزنەستىڭ الەۋمەتتىك جاۋاپكەرشىلىگى اياسىندا كورسەتكەن. ونىڭ ىشىندە دەمەۋشىلەردىڭ قارجىسىنا 700 كوپ بالالى جانە از قامتىلعان وتباسىنا جالپى سوماسى 5 ملن 325 مىڭ تەڭگەگە ازىق-ت ۇلىك بەرىلگەن. تاعى 55 وتباسىعا 1 ملن 540 مىڭ تەڭگەگە كومىر ءتۇسىرىپ بەرگەن. سول سياقتى كاسىپكەرلەر مۇمكىندىگى شەكتەۋلى 700 بالاعا قۇنى 2 ملن 100 مىڭ تەڭگە بولاتىن ارنايى سىيلىقۇلەستىرىپتى. ال «مەيىرىمدى ادامدار» قايىرىمدىلىق شاراسى شەڭبەرىندە تاعى 200 وتباسىعا قۇنى 2 ملن تەڭگە بولاتىن ازىق-ت ۇلىك پاكەتتەرى تاراتىلعان. جالپى قاپشاعاي قالاسى بويىنشا بىلتىر 11 ملن تەڭگەگە جۋىق قايىرىمدىلىق شاراسى جۇزەگە اسىپتى.

بۇل يگى ءداستۇر كوكسۋ اۋدانىندا دا جالعاسىپ، مۇقتاج ادامدارعا 2 ملن. تەڭگەدەن استام سوماعا قايىرىمدىلىق كومەگى كورسەتىلءىپتى. ءتيىستى جاردەمگە 72 وتباسى قول جەتكىزگەن. بۇل رەتتە ءوڭىر مەتسەناتتارىنىڭ كورسەتكەن قولداۋى زور. ونىڭ ىشىندە قالتالى ازاماتتار بىرىگىپ، مۇقانشى اۋىلىنداعى كوپبالالى وتباسىنا 1 ملن تەڭگەگە ءۇي ساتىپ اپەرگەن ەكەن. مۇنان بولەك، اۋداندا دەمەۋشىلەردىڭ قارجىسىنا 41 از قامتىلعان وتباسىعا جالپى سوماسى 500 مىڭ تەڭگەگە ازىق-ت ۇلىك بەرىلءىپ، 40 وتباسىعا 550 مىڭ تەڭگەگە وتىن ءتۇسىرىلگەن.

ال ۇيعىر اۋدانىنداعى  «س.ابىلاي» شارۋا قوجالىعىنىڭ جەتەكشىسى سىرىم جومارت ۇلى تاسقاراسۋ جانە شارىن ەلدى مەكەندەرىنىڭ ورتا مەكتەبى مەن اۋرۋحاناسىنا قاجەتتى قۇرال-جابدىقتار ساتىپ الىپ بەرگەن. بۇل تىزىمدە 3000 بەتپەردە، ديسپەنسەرلىك جابدىق، تەرمومەتر،  زالالسىزداندىرۋ سۇيىقتىعى مەن   مەديتسيكالىق قولعاپ سياقتى قاجەتتى قۇرالدار بار. سونىمەن قاتار، تۇرمىسى تومەن 25 وتباسىنا كومىر ءتۇسىرىپ بەءرىپتى.

جالپى، وسى باستاما بويىنشا وبلىستىڭ بارلىق ءوڭىرى بەلسەندىلىك تانىتىپتى. ال قايىرىمدىلىق شاراسىنا بيۋدجەتتەن 46 ملن تەڭگە، ال دەمەۋشىلەردىڭ قاراجاتىنان 272،4 ملن تەڭگە قارجى جۇمسالىپتى. ناتيجەسىندە، ايماقتا 18 مىڭنان استام ادامعا ناقتى كومەك كورسەتىلگەن ەكەن.  

سوڭعى جاڭالىقتار

«بارىس» ۇتىلىپ قالدى

سپورت • 06 ناۋرىز، 2021

ەلدوس سمەتوۆ كۇمىس الدى

سپورت • 06 ناۋرىز، 2021

«قايرات» – قولا جۇلدەگەر

ايماقتار • 06 ناۋرىز، 2021

ءار سالا ۇزدىكتەرىنە قۇرمەت تانىتتى

ايماقتار • 05 ناۋرىز، 2021

باعدات مۋسين شىمكەنتكە باردى

ايماقتار • 05 ناۋرىز، 2021

ۇقساس جاڭالىقتار