قوعام • 20 قاڭتار، 2021

كاسىپكەرلەردىڭ قۇقىن بۇزۋ دەرەگى كەمىمەي تۇر

30 رەت كورسەتىلدى

مەملەكەت كاسىپكەرلەردىڭ قۇقىن قورعاۋ باعىتىندا ءتۇرلى شارا اتقارىپ، زاڭ تالابىن مەيلىنشە جەڭىلدەتۋگە جۇمىلىپ وتىر. ەسەسىنە، ىسكەر توپتىڭ قولىنداعى ءوندىرىس وركەندەپ، جۇمىس ورىنى كوبەيىپ، شاعىن جانە ورتا بيزنەس تاراپىنان ەكونوميكاعا قوسىلعان ۇلەس تە ارتىپ كەلەدى.

وكىنىشكە قاراي، قوعامدا جەكە كاسىپكەردىڭ جولىن كەسەتىن، ەل ىشىندەگى ىسكەرلىكتىڭ ىلگەرلەۋىنە كەدەرگى كەلتىرەتىن ادامدار دا ازايماي وتىر. ياعني، كاسىپكەرلەردىڭ مۇددەسىن قورعايتىن ۇيىمدار بيزنەستىڭ دامۋىنا بارىنشا قارسى بولاتىن كەرى كوزقاراستاعى توپتىڭ بارىن جوققا شىعارمايدى ەكەن. جانە مۇنداي ارەكتەتەردىڭ ارتىندا جەڭۇشىنان جالعاسقان جەمقورلىق پەن جەكە مۇددەنى كوزدەۋشىلەردىڭ تۇرعانى دا جاسىرىن ەمەس. مىسالعا، وتكەن جىلى الماتى وبلىسىندا كاسىپكەرلەردىڭ قۇقىعىن اياققا تاپتاۋدىڭ كەسىرىنەن بيزنەس 1،2 ملرد تەڭگەگە زيان شەككەن ەكەن.

- بىلتىر وبلىستىق كاسىپكەرلەر پالاتاسى وتكەن جىلى جالپى سوماسى 1،2 ملرد تەڭگە بولاتىن ءىستىڭ ءتۇيىنىن تارقاتۋعا كۇش سالدى. جالپى، ايماقتاعى بيزنەستىڭ تۇيتكىلدى ماسەلەلەرىنىڭ قاتارىندا مەملەكەتتىك ساتىپ الۋلار مەن جەر قاتىناستارى سالاسى، مەملەكەتتىك ورگانداردىڭ ءىس-ارەكەتتەرىنە شاعىمدار، سالىق، اگروونەركاسىپتىك كەشەن سالاسىنداعى ارەكەتتەردى اتاۋعا بولادى. زەردەلەپ قراساق، 2020 جىلى پالاتاعا كاسىپكەرلەردىڭ قۇقىقىن قورعاۋ جەلىسى بويىنشا زاڭدى تۇلعالاردان 233 ءوتىنىش كەلىپ ءتۇستى، ونىڭ سەكسەن سەگىز وڭ شەشىمىن تاپتى. جالپى، ءبىزدىڭ قولداۋىمىزدىڭ ارقاسىندا بيزنەس قۇقىعى 1،2 ملرد تەڭگەگە قورعالدى، بۇل 2019 جىلمەن سالىستىرعاندا ەكى ەسە جوعارى، - دەيدى وبلىستىق كاسىپكەرلەر پالاتاسىنىڭ باسشىسى اسەت شاياحمەتوۆ.

بۇل ماسەلەنى شەشۋگە پالاتا وكىلدەرى ءۇشىنشى تۇلعا رەتىندە قول ۇشىن سوزىپ وتىر ەكەن. ماسەلەن، بىلتىر زاڭگەرلەر سوتتا «الساد قازاقستان» جشس قۇقىعىن قورعاپ،  سوتقا جۇگىنگەن. كومپانيا سوتتان مەملەكەتتىك ورگاننىڭ ارەكەتىن زاڭسىز دەپ تانۋدى جانە 2020 جىلعى ناۋرىزدان مامىرعا دەيىن تاعامدىق تاۋىق جۇمىرتقاسى ءوندىرىسىنىڭ قۇنىن ارزانداتۋعا وتىنىمدەر قابىلداۋ جانە سۋبسيديالار تولەۋ ارقىلى بۇزىلعان قۇقىقتاردى قالپىنا كەلتىرۋدى تالاپ ەتكەن. ازاماتتىق ءىستى قاراۋ قورىتىندىسى بويىنشا سوت كاسىپورىننىڭ 56 ملن تەڭگە كولەمىندەگى تالاپ-ارىزىن قاناعاتتاندىرۋ تۋرالى شەشىم شىعارىپتى. سونداي-اق، پالاتا ساراپشىلارىنىڭ قاتىسۋمەن 243 نورماتيۆتىك-قۇقىقتىق اكتىلەر قارالىپ، ءتيىستى شەشىمىن تاۋىپتى.

جالپى، وتكەن جىلى الماتى وبلىسىندا 16 مىڭنان استام كاسىپكەر سەرۆيستىك قىزمەت مەن كەڭەس العان ەكەن. ونىڭ ىشىندە بيزنەستى قارجىسىز قولداۋ باعىتىنداعى جۇمىس قارقىندى ءجۇرىپتى.

- ءبىز بىلتىر ءوءڭىردىڭ 16 مىڭنان استام كاسىپكەرىنە 17،5 مىڭ سەرۆيستىك جانە كونسۋلتاتسيالىق قىزمەت كورسەتتىك. كاسىپكەرلەر نەگىزىنەن جەكە كاسىپكەرلىك اشۋ، بيزنەس-جوسپاردى ازىرلەۋ، بۋحگالتەرلىك ەسەپتى تاپسىرۋ سياقتى قىزمەتتەرگە كوپ جۇگىندى. كاسىپكەرلەر پالاتاسىنىڭ ارالاسۋىمەن 1،3 مىڭ جوبا مەملەكەتتىك قولداۋ قۇرالدارى اياسىندا قارجىلاندىرىلدى. سونداي-اق، ءبىزدىڭ مەنەدجەرلەرىءمىز جالپى سوماسى 50 ملرد تەڭگەگە جۋىقتايتىن 529 بيزنەس-جوسپار ازىرلەدى. ونىڭ ىشىندە 5،2 ملرد تەڭگەنىڭ 153 جوباسى ىسكە استى، - دەيدىالماتى وبلىستىق كاسىپكەرلەر پالاتاسىنىڭ باسشىسى اسەت شاياحمەتوۆ.

سوڭعى جاڭالىقتار

«بارىس» ۇتىلىپ قالدى

سپورت • 06 ناۋرىز، 2021

ەلدوس سمەتوۆ كۇمىس الدى

سپورت • 06 ناۋرىز، 2021

«قايرات» – قولا جۇلدەگەر

ايماقتار • 06 ناۋرىز، 2021

ءار سالا ۇزدىكتەرىنە قۇرمەت تانىتتى

ايماقتار • 05 ناۋرىز، 2021

باعدات مۋسين شىمكەنتكە باردى

ايماقتار • 05 ناۋرىز، 2021

ۇقساس جاڭالىقتار