قازاقستان • 19 قاڭتار، 2021

قۇس تۇماۋىنان زارداپ شەككەندەرگە وتەماقى تولىق كولەمدە تولەندى – اشم

7 رەت كورسەتىلدى

قر اشم ۆەتەريناريالىق باقىلاۋ جانە قاداعالاۋ كوميتەتى جوعارعى پاتوگەندى قۇس تۇماۋىنان ولگەن قۇستار ءۇشىن وتەماقىنى تولىق تولەدى.

وتكەن جىلدىڭ تامىز جانە قىركۇيەك ايلارىنىڭ باسىندا ەلىمىزدىڭ ۆەتەريناريالىق باقىلاۋ جانە قاداعالاۋ كوميتەتى رەسەي فەدەراتسياسىنىڭ كەيبىر ايماقتارىنان قازاقستان رەسپۋبليكاسىنا ءتىرى قۇس پەن قۇس شارۋاشىلىعى ونىمدەرىن الىپ كەلۋگە جانە ولاردىڭ ترانزيتىنە ۋاقىتشا شەكتەۋلەر ەنگىزگەن. بىراق، قر اشم تاراپىنان جاسالعان جەدەل شارالارعا قاراماستان جوعارعى پاتوگەندى قۇس تۇماۋى ەلىمىزدىڭ 8 وبلىسىنىڭ اۋماعىنا جابايى قۇستاردىڭ قونىس اۋدارۋ جولدارى ارقىلى تاراعان بولاتىن.

ەپيزووتياعا قارسى ءىس-شارالاردىڭ اياقتالۋىنا جانە قۇستاردىڭ ءولىم-ءجىتىمىنىڭ جاڭا جاعدايلارىنىڭ تىركەلمەۋىنە بايلانىستى قازىرگى ۋاقىتتا وسى وڭىرلەردە كارانتين الىنىپ تاستالدى.

اۋرۋ وشاقتارىن وقشاۋلاۋ جانە جويۋ بويىنشا ءىس-شارالار بارىسىندا 1،9 ملن. قۇس جويىلدى، ولاردىڭ 97%-ى 4 قۇس فابريكاسىنا تيەسىلى.

2020 جىلدىڭ جەلتوقسانىندا قر اشم ۆەتەريناريالىق باقىلاۋ جانە قاداعالاۋ كوميتەتىنىڭ «رەسپۋبليكالىق ەپيزووتياعا قارسى وترياد» رمم-ءسى ورتاشا ايلىق نارىقتىق قۇنى بويىنشا ىندەتتىڭ كەسىرىنەن ولگەن قۇس يەلەرىنە وتەماقى تولەۋ جۇمىستارىن جۇرگىزدى.

ۆەتەريناريالىق-سانيتاريالىق قاعيدالارعا سايكەس تاركىلەنگەن جانە جويىلعان قۇستاردىڭ قۇنىن وتەۋ «جوعارعى پاتوگەندى قۇس تۇماۋى» ىندەتىنەن ولگەنىن راستايتىن قۇجاتتار نەگىزىندە اتقارىلدى. ولار بولماعان جاعدايدا تولەم جۇرگىزىلمەيدى.

بارلىق ۇسىنىلعان قۇجاتتار بويىنشا تولەم تولىق كولەمدە جۇرگىزىلدى. اتاپ ايتقاندا، جەكە قوسالقى شارۋاشىلىقتارىنا 94 470 باس ءۇشىن 295،3 ملن. تەڭگە تولەندى. «اگروينتەرپتيتسا» جشس 433 066 قۇس ءۇشىن 445،9 ملن تەڭگە تولەندى.

بۇگىنگى تاڭدا قر اشم ۆەتەريناريالىق باقىلاۋ جانە قاداعالاۋ كوميتەتىنىڭ «رەسپۋبليكالىق ەپيزووتياعا قارسى وترياد» رمم-دە تولەنبەگەن قارىزدارى جوق.

سوڭعى جاڭالىقتار

ۇقساس جاڭالىقتار