ەلباسى • 19 قاڭتار، 2021

دميتري مەدۆەدەۆ نازارباەۆتى قۇتتىقتادى

55 رەت كورسەتىلدى

ەلباسى نۇرسۇلتان نازارباەۆ "ەدينايا روسسيا" بۇكىلرەسەيلىك ساياسي پارتياسىنىڭ توراعاسى، رەسەي فەدەراتسياسى قاۋىپسىزدىك كەڭەسى توراعاسىنىڭ ورىنباسارى دميتري مەدۆەدەۆپەن تەلەفون ارقىلى سويلەستى، - دەپ حابارلايدى Elbasy.kz.

دميتري مەدۆەدەۆ ەلباسىنى قازاقستان رەسپۋبليكاسى پارلامەنتى ءماجىلىسى دەپۋتاتتارىنىڭ كەزەكتى سايلاۋىندا «Nur Otan» پارتياسىنىڭ ايقىن جەڭىسكە جەتۋىمەن قۇتتىقتادى. سونداي-اق ول داۋىس بەرۋ ناتيجەلەرى جالپىۇلتتىق سەنىمدى جانە پارتيانىڭ ەلدى وركەندەتۋگە باعىتتالعان ستراتەگيالىق باعدارىن قولدايتىنىن كورسەتكەنىن اتاپ ءوتتى.

نۇرسۇلتان نازارباەۆ دميتري مەدۆەدەۆكە جىلى لەبىزدەرى ءۇشىن ريزاشىلىعىن ءبىلدىرىپ، قازاقستان-رەسەي ستراتەگيالىق جانە وداقتاستىق قاتىناستارىنىڭ رۋحى مەن مازمۇنىنا ساي كەلەتىن «Nur Otan» مەن «ەدينايا روسسيا» پارتيالارىنىڭ اراسىنداعى ىنتىماقتاستىق جوعارى دەڭگەيدە ەكەنىنە توقتالدى.

تاراپتار الداعى ۋاقىتتا دا ەكى ەلدىڭ باستى پارتيالارى اراسىنداعى ءوزارا ءىس-قيمىلدى ودان ءارى تەرەڭدەتۋ جانە كەڭەيتۋ جونىندە پىكىر ءبىلدىردى.

سوڭعى جاڭالىقتار

ۇقساس جاڭالىقتار