ايماقتار • 17 قاڭتار، 2021

پوليتسەيلەر ايازدا جولدا قالعان تۇركيا ازاماتىنا كومەكتەستى

92 رەت كورسەتىلدى

پاۆلودار وبلىسى پوليتسيا دەپارتامەنتىنىڭ باستىعى نۇرلان ءماسىموۆتىڭ اتىنا تۇركيا ازاماتى سامسۋن اقعاباتتان العىس حات كەلىپ ءتۇستى. وندا رەسەيدەن تۇركياعا جۇك اپارا جاتقان سامسۋن اقعابات كولىگىنىڭ سولياركاسى قاتىپ، جولدا قالعان كەزىندە ءوزىن قۇتقارعان پوليتسيا قىزمەتكەرلەرىنە العىس ايتقان، دەپ حابارلايدى رavlodarnews.kz.

پاۆلودار وبلىسى پوليتسيا دەپارتامەنتى پاترۋلدىك پوليتسيا روتاسى قىزمەتىنىڭ اعا ينسپەكتورى ارمان عيناياتوۆتىڭ ايتۋىنشا، 16 قاڭتاردا ساعات 03.20-دا سەرىكتەسى تولەۋباي قۇدابەرگەنوۆپەن بىرگە پاۆلودار - قىزىلوردا اۆتوجولىن پاترۋلدەۋ كەزىندە جول جيەگىندە تۇرعان «مەرسەدەس» جۇك كولىگىن كورگەن. جۇرگىزۋشى قازگيدرومەت ورتالىعىنىڭ ەسكەرتۋىنە قاراماستان، بىرنەشە كۇن بۇرىن رەسەي فەدەراتسياسىنان تۇركياعا جۇكپەن شىققان.

«ەر ادام جۇكتى ۋاقتىلى جەتكىزۋ كەرەك بولعان سوڭ جولعا شىققانىن ايتىپ، اقتالدى. كولىكتىڭ سولياركاسى قاتىپ قالعان ەكەن جانە قايدا حابارلاسۋ، جۇگىنۋ كەرەك ەكەنىن بىلمەگەن. ەكى ساعاتتان استام ۋاقىت تۇرىپ، توڭىپ قالعان»، - دەيدى ول.

ءتارتىپ ساقشىلارى تۇركيا ازاماتىن قىزمەتتىك كولىكتىڭ سالونىنا وتىرعىزىپ، ىستىق شاي بەرگەننەن كەيىن ەڭ جاقىن دامحاناعا اپارىپ، تاماقتاندىرعاننان سوڭ تۇنەيتىن ورىن تاۋىپ بەرگەن. وزدەرى كولىكتى جىلى بوكسقا الىپ كەتتى. پوليتسەيلەرگە ريزا بولعان ەر ادام ولارعا العىس ايتىپ، جۇمىستارىنا ساتتىلىك تىلەدى. ايتا كەتەرلىگى، بۇگىنگى تاڭدا وبلىس اۆتوجولدارىمەن پاترۋلدىك پوليتسيانىڭ 12 ەكيپاجى جۇرەدى. ولاردىڭ مىندەتى - جولداعى قۇقىق بۇزۋشىلىقتارعا جول بەرمەۋ جانە جولدا قالعان جۇرگىزۋشىلەر مەن جولاۋشىلارعا كومەك كورسەتۋ.

پاۆلودار وبلىسىنىڭ پوليتسيا دەپارتامەنتى الىس ساپارعا شىقپاۋعا جانە اۋا رايى مەن جولداردىڭ جاعدايى تۋرالى حابارلامالاردى ەسكەرۋگە كەڭەس بەرەدى. جولدا قيىن جاعدايعا تاپ بولعان جولاۋشىلار تاۋلىك بويى ىشكى ىستەر ورگاندارىنىڭ بولىمشەلەرىنەن 102 ءنومىرى بويىنشا كومەك سۇراي الادى.

سوڭعى جاڭالىقتار

قازاقستاندا جاڭا كەن ورنى تابىلدى

ەكونوميكا • بۇگىن، 16:21

ەڭ سۇلۋ ۆولەيبولشى كىم؟

سپورت • بۇگىن، 16:15

ەل قورعاعان ەردىڭ ەسىمى جاڭعىردى

رۋحانيات • بۇگىن، 14:49

كورشىنىڭ كوپ-كورىم كومەگى

قوعام • بۇگىن، 14:23

ۇقساس جاڭالىقتار