قازاقستان • 17 قاڭتار، 2021

شەتەلدەن 431 ازامات پتر انىقتاماسىز ۇشىپ كەلدى

17 رەت كورسەتىلدى

16 قاڭتار كۇنى قازاقستان اۋماعىنا گەرمانيا، ءباا، مىسىر، تۇركيا، رف، بەلارۋس جانە وزبەكستان ەلدەرىنەن بارلىعى 14 حالىقارالىق اۋە رەيسى ۇشىپ كەلدى، دەپ حابارلايدى Egemen.kz

دەنساۋلىق ساقتاۋ مينيسترلىگى سانيتاريالىق-ەپيدەميولوگيالىق باقىلاۋ كوميتەتىنىڭ مالىمەتىنشە، وتكەن تاۋلىكتە ەلىمىزگە شەتەلدەن 2 031 جولاۋشى ۇشىپ كەلگەن. ولاردىڭ 1600-ىندە كوروناۆيرۋسقا پتر-تەستىلەۋدىڭ تەرىس ناتيجەسى بار انىقتاما بولعان. انىقتاماسىز 431 ادام كەلگەن، بارلىعى دا قر ازاماتتارى.

اتاپ ايتقاندا:

- الماتى قالاسىنىڭ اۋەجايىنا – 8 حالىقارالىق رەيس قوندى، 1 123 جولاۋشى، ونىڭ ىشىندە انىقتامامەن – 923، انىقتاماسىز - 200;

- نۇر-سۇلتان قالاسىنىڭ اۋەجايىنا – 4 رەيس، 471 جولاۋشى، انىقتامامەن - 416، انىقتاماسىز - 55;

- اقتوبە قالاسىنىڭ اۋەجايىنا – 1 رەيس، 242 جولاۋشى، انىقتامامەن - 120، انىقتاماسىز - 122;

- شىمكەنت قالاسىنىڭ اۋەجايىنا – 1 رەيس، 195 جولاۋشى، انىقتامامەن - 141، انىقتاماسىز – 54. «انىقتاماسى بولماعان قازاقستان ازاماتتارى كەلگەن جەرلەرى بويىنشا COVID-19-عا پتر-تالداۋ ادىسىمەن تەستىلەندى جانە كارانتيندىك ستاتسيونارلاردا ءوز ناتيجەلەرىن كۇتۋدە»، - دەلىنگەن اقپاراتتا.

سونداي-اق مينيسترلىك اقپاراتىنا سايكەس، 15 قاڭتار كۇنى شەتەلدەن پتر-انىقتاماسىز ۇشىپ كەلگەن قازاقستاننىڭ 216 ازاماتىنىڭ تەست ناتيجەسى بەلگىلى بولدى. وعان سايكەس، بارلىق جولاۋشىدا كوروناۆيرۋسقا تەست تەرىس ناتيجە كورسەتكەن.

سوڭعى جاڭالىقتار

قازاقستاندا جاڭا كەن ورنى تابىلدى

ەكونوميكا • بۇگىن، 16:21

ەڭ سۇلۋ ۆولەيبولشى كىم؟

سپورت • بۇگىن، 16:15

ەل قورعاعان ەردىڭ ەسىمى جاڭعىردى

رۋحانيات • بۇگىن، 14:49

كورشىنىڭ كوپ-كورىم كومەگى

قوعام • بۇگىن، 14:23

ۇقساس جاڭالىقتار