قازاقستان • 16 قاڭتار، 2021

بىرنەشە وبلىستا بوران سوعىپ، اياز بولادى

79 رەت كورسەتىلدى

17 قاڭتار كۇنى نۇر-سۇلتان قالاسىندا جانە ەلىمىزدىڭ 11 وبلىسىندا بوران سوعاتىنى ەسكەرتىلدى، دەپ حابارلايدى Egemen.kz «قازگيدرومەت» رمك مالىمەتتەرىنە سىلتەمە جاساپ.

ەرتەڭ نۇر-سۇلتان قالاسىندا اياز بولادى. باتىس، وڭتۇستىك-باتىستان سوققان جەلدىڭ جىلدامدىعى سەكۋندىنا 15-20 مەترگە جەتەدى. سونداي-اق 17 قاڭتاردا اقمولا، قوستاناي، سولتۇستىك قازاقستان وبلىستارىندا باتىستان، وڭتۇستىك-باتىستان جەل تۇرىپ، تۇندە ونىڭ جىلدامدىعى سەكۋندىنا 15-20، كۇندىز 15-20 مەترگە، ال كەي جەردە ەكپىنى سەكۋندىنا 23-28 مەترگە جەتەدى. وقتىن-وقتىن جىلدامدىعى سەكۋندىنا 30 مەتردەن اساتىن بوران تۇرۋى ىقتيمال. اتالعان وبلىستاردىڭ كەي جەرىندە بۇرقاسىن بولادى.

اقتوبە وبلىسىنىڭ كەي جەرىن تۇمان باسادى. ءوڭىردىڭ سولتۇستىگىندە اياز كۇتىلەدى. وڭتۇستىك، وڭتۇستىك-باتىستان جەل تۇرىپ، وبلىستىڭ سولتۇستىگىندە جەلدىڭ جىلدامدىعى سەكۋندىنا 18 مەترگە جەتەدى. شىعىس قازاقستاننىڭ دا كەيبىر وڭىرىندە اياز بولادى. وڭتۇستىك، وڭتۇستىك-شىعىستان سوققان جەلدىڭ جىلدامدىعى كەي جەردە سەكۋندىنا 15-20 مەتر بولادى. ال جارما اۋدانىندا وڭتۇستىك-شىعىستان سوققان جەلدىڭ جىلدامدىعى سەكۋندىنا 30 مەتردەن استامعا جەتەدى.

باتىس قازاقستان وبلىسىنىڭ كەي جەرىندە تۇمان ءتۇسىپ، كوكتايعاق، اياق بولادى. تۇنگى ۋاقىتتا وڭتۇستىك-باتىستان سوققان جەلدىڭ ەكپىنى سەكۋندىنا 15-20 مەتردى قۇرايدى. ورال قالاسىندا كوكتايعاق بولىپ، تۇندە جانە تاڭەرتەڭ تۇمان باسادى. جامبىل وبلىسىنىڭ كەي اۋدانىندا تۇمان تۇسەدى، كوكتايعاق، سولتۇستىك-شىعىستان سەكۋندىنا 15-20 مەتر جەل سوعادى. تاراز قالاسىندا تۇمان مەن كوكتايعاق كۇتىلەدى.

قاراعاندى وبلىسىنىڭ دا كەي جەرىن تۇمان باسىپ، وڭتۇستىك-باتىستان سەكۋندىنا 15-20 مەترلىك جەل تۇرادى. 17-19 قاڭتار كۇندەرى قىزىلوردا وبلىسىنىڭ كەي ءوڭىرىن تۇمان باساتىندىعى كۇتىلەدى. ماڭعىستاۋ وبلىسىندا دا تۇمان بولادى.

17-18 قاڭتاردا تۇركىستان وبلىسىنىڭ كەي اۋماعىندا تۇمان، اياز بولادى. وڭتۇستىك، وڭتۇستىك-باتىستان سەكۋندىنا 15-20 مەترلىك جەل سوعادى.

سوڭعى جاڭالىقتار

ۇقساس جاڭالىقتار