قازاقستان • 16 قاڭتار، 2021

“QI-Trade Kazakhstan” قارجىلىق پيراميداسىنىڭ ەكى ديرەكتورى ۇستالدى

32 رەت كورسەتىلدى

“QI-Trade Kazakhstan” قارجىلىق پيراميداسىنىڭ ەكى ديرەكتورى ۇستالدى، – دەپ حابارلايدى Polisia.kz.

الماتى قالالىق پد تەرگەۋ باسقارماسىنىڭ حابارلاۋىنشا، “QI-Trade Kazakhstan” جشس-ءنىڭ ەكى ديرەكتورى – 1990 جىلى تۋعان س.ازامات، سونداي-اق 1994 جىلى تۋعان ب. ازامات ۇستالىپ، قر قىلمىستىق ءىس جۇرگىزۋ كودەكسىنىڭ 128-بابىنا سايكەس ۋاقىتشا ۇستاۋ يزولياتورىنا قامالدى. 

– ولاردىڭ ارەكەتتەرى قر قك-ءنىڭ 217-بابى 3-بولىگى بويىنشا كۆاليفيكاتسيالانعان. ءبىر كۇن بۇرىن سوت “قاماۋعا الۋ” تۇرىندەگى الدىن الۋ شاراسىن سانكتسيالادى. سونىمەن قاتار، جشس-ءنىڭ باس ديرەكتورى – 1994 جىلى تۋعان س.ازامات حالىقارالىق ىزدەۋگە سالىنعانىن ەسكە سالامىز. قازىرگى ۋاقىتتا ونىڭ تۇرعان جەرى مەن ۇستالۋىن انىقتاۋعا باعىتتالعان جەدەل-ىزدەستىرۋ ءىس-شارالار كەشەنى جۇرگىزىلۋدە. كومپانيانىڭ اعىمداعى شوتتارىنا شەكتەۋلەر قويىلدى. قازىرگى تاڭدا تەرگەۋ ارەكەتتەرى جابىرلەنۋشىلەر مەن وسى جشس-ءنىڭ باسقا قىزمەتكەرلەرىنىڭ قاتىسۋىمەن جۇرگىزىلۋدە. ولاردىڭ ارقايسىسىنىڭ ارەكەتتەرىنە سوتقا دەيىنگى تەرگەۋ ورگانى زاڭدى باعا بەرەدى، – دەدى الماتى قالالىق پوليتسيا دەپارتامەنتى باستىعىنىڭ ورىنباسارى رۋستەم ابدراحمانوۆ.

سوڭعى جاڭالىقتار

اراق ساتىلمايتىن اۋدان

ايماقتار • كەشە

ۇقساس جاڭالىقتار