قازاقستان • 16 قاڭتار، 2021

شەتەلدەن كەلگەن 3 قازاقستاندىقتان كوروناۆيرۋس انىقتالدى

19 رەت كورسەتىلدى

15 قاڭتار كۇنى قازاقستان اۋماعىنا قىتاي، ءباا، مىسىر، تۇركيا، گرۋزيا، بەلارۋس جانە وزبەكستان ەلدەرىنەن 12 حالىقارالىق اۋە رەيسى ۇشىپ كەلدى، دەپ حابارلايدى Egemen.kz

دەنساۋلىق ساقتاۋ مينيسترلىگى سانيتاريالىق-ەپيدەميولوگيالىق باقىلاۋ كوميتەتىنىڭ مالىمەتىنشە، ءبىر تاۋلىكتە بارلىعى 1 941 جولاۋشى ۇشىپ كەلگەن. ونىڭ 1 725-ىندە كوروناۆيرۋسقا پتر-تەستىلەۋدىڭ تەرىس ناتيجەسى بار انىقتاما بولعان. 216 ازامات پتر-انىقتاماسىز كەلگەن، بارلىعى – قر ازاماتتارى. اتاپ ايتقاندا: الماتى قالاسىنىڭ اۋەجايىنا – شەتەلدەن بارلىعى 6 رەيس قوندى، 1 169 جولاۋشى، ونىڭ ىشىندە انىقتامامەن – 1 042، انىقتاماسىز - 127; نۇر-سۇلتان قالاسىنىڭ اۋەجايىنا – 5 رەيس، 739 جولاۋشى، انىقتامامەن - 650، انىقتاماسىز - 89; اقتاۋ قالاسىنىڭ اۋەجايىنا – 1 رەيس، 33 جولاۋشى انىقتامامەن كەلگەن.

«انىقتاماسى بولماعان قازاقستان ازاماتتارى كەلگەن جەرلەرى بويىنشا COVID-19-عا پتر-تالداۋ ادىسىمەن تەستىلەندى جانە كارانتيندىك ستاتسيونارلاردا ءوز ناتيجەلەرىن كۇتۋدە»، - دەلىنگەن اقپاراتتا.

سونداي-اق ءمالىم ەتىلگەندەي، 14 قاڭتار كۇنى شەتەلدەن پتر-انىقتاماسىز ۇشىپ كەلگەن قر ازاماتتارىنىڭ تەست ناتيجەلەرى بەلگىلى بولدى. وعان سايكەس، «شارم-ەل-شەيح – نۇر-سۇلتان» رەيسىنىڭ – 1، «دۋباي – الماتى» رەيسىنىڭ 2 جولاۋشىسىنان كوروناۆيرۋس انىقتالدى.

سوڭعى جاڭالىقتار

ۇقساس جاڭالىقتار