ايماقتار • 16 قاڭتار، 2021

2021 جىلى اۆتوبۋستاردى 80 پايىزعا جاڭارتۋ كوزدەلۋدە

46 رەت كورسەتىلدى

شىمكەنت قالاسىنىڭ اكىمى مۇرات ايتەنوۆ داستۇرگە ساي «Instagram جەلىسىندە تىكەلەي ەفيردە تۇرعىندارمەن جۇزدەستى. قالا اكىمى ەپيدەميولوگيالىق احۋالدان حاباردار ەتىپ، تۇرعىندار ساۋالدارىنا جاۋاپ بەردى.

وتكەن تاۋلىكتە قالادا COVID-19 ينفەكتسياسىن جۇقتىرعان 25 جاعداي تىركەلدى. بۇگىندە شاhاردا 1 060 توسەك - ورىن بار (جۇقپالى - 560، كارانتيندىك - 500)، 843 توسەك-ورنى بوس. جۇقپالى جانە كارانتيندىك اۋرۋحانالاردا 217 ناۋقاس ەم قابىلداۋدا.

قالا اكىمى وسى اپتادان باستاپ ءار تىكەلەي ەفيردى بەلگىلى ءبىر تاقىرىپقا ارناۋدى جوسپارلاعان بولاتىن. بۇل تۋرالى ءوزىنىڭ جەكە پاراقشاسىندا حابارلاپ، تۇرعىنداردان سۇراقتار مەن ۇسىنىستاردى پوست استىنا جازىپ قالدىرۋىن سۇراعان ەدى.

مۇرات دۇيسەنبەك ۇلى بۇگىن قالاداعى قوعامدىق كولىك ماسەلەسىن تالقىلادى. جالپى تۇرعىنداردان تاقىرىپ بويىنشا 128 پىكىر قالدىرىلعان. قالا اكىمى قوعامدىق كولىك ماسەلەلەرى بويىنشا سۇراقتارعا جاۋاپ بەرىپ، الداعى جوسپارلاردان حاباردار ەتتى.
2020 جىلى جولاۋشىلار كولىگىن دامىتۋدىڭ كەشەندى سحەماسى جانە جاڭا مارشرۋتتىق جەلىسى ازىرلەنىپ، بەكىتىلدى. 78 جاڭا باعىتتار قالاداعى بارلىق تۇرعىن الاپتار مەن شاعىناۋدانداردى بايلانىستىرادى.2021 جىلى شىمكەنتتە اۆتوبۋستاردى 80 پايىزعا دەيىن جاڭارتۋ كوزدەلۋدە.

شىمكەنت قالاسىندا ەپيدەميولوگيالىق جاعداي بۇگىندە تۇراقتى. قالا اكىمى ءالى دە ساقتىق شارالارىنا ءمان بەرۋ قاجەت ەكەنىن مالىمدەدى.

سوڭعى جاڭالىقتار

ۇقساس جاڭالىقتار