ايماقتار • 14 قاڭتار، 2021

ەسىرتكى تاراتۋمەن اينالىسقان ەكى ستۋدەنت سوتتالدى

12 رەت كورسەتىلدى

اقتوبە وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتى ەسىرتكىنىڭ زاڭسىز اينالىمىنا قاتىسى بار ەكى ستۋدەنتتى 6 جانە 11 جىلعا باس بوستاندىعىنان ايىردى، – دەپ حابارلايدى Polisia.kz.

وتكەن جىلى اقتوبە قالاسىندا ەسىرتكىنىڭ زاڭسىز اينالىمىنا قاتىسى بار 18 جاستاعى ەكى ستۋدەنت ۇستالعان بولاتىن. ستۋدەنتتەر قالا كوشەلەرىندە سينتەتيكالىق ەسىرتكى سالىنعان 22 پاكەتتى جاسىرىپ ۇلگەرگەن. اقتوبە قالاسىنداعى كوللەدجدەردىڭ بىرىندە وقيتىن ەكى ستۋدەنت مەسسەندجەردەگى  “كۋراتورلارىنىڭ” نۇسقاۋى بويىنشا قالا كوشەلەرىندەگى جاسىرىن جەرلەرگە كوك كريستالل تارىزدەس ۇنتاق سالىنعان پاكەتتەر سالىپ قويعان. ستۋدەنتتەر ۇستالعاننان كەيىن پوليتسيا قىزمەتكەرلەرى كوللەدج جاتاقحاناسىنىڭ بولمەسىندە ءتىنتۋ جۇرگىزدى، وندا بۋىپ-ءتۇيۋ ماتەريالدارى، تارازى جانە كوك ءتۇستى حيميالىق زاتتار تابىلىپ،  تاركىلەندى.

«حالىقتى تۇز، سپايس جانە تەمەكى قوسپالارىن تاراتۋ بويىنشا كۋرەرلەردى قابىلداۋ تۋرالى ينتەرنەتتەگى اقپاراتقا بارىنشا جاۋاپكەرشىلىكپەن قاراۋعا شاقىرامىز»، دەپ اتاپ ءوتتى پد قىزمەتكەرى اسحات اسقاروۆ. 

سوڭعى جاڭالىقتار

اۋليە اتا ءھام ۇلى جىراۋ

رۋحانيات • كەشە

ۇقساس جاڭالىقتار