ايماقتار • 14 قاڭتار، 2021

يندۋستريالدى ايماقتار ۇزدىكسىز جۇمىس ىستەۋى كەرەك

44 رەت كورسەتىلدى

قالا اكىمى م. ايتەنوۆ «وڭتۇستىك»، «تاسساي» يندۋستريالىق ايماقتارى مەن «وڭتۇستىك» ارنايى ەكونوميكالىق ايماعىن دامىتۋ بويىنشا بىرقاتار تاپسىرمالار بەردى، دەپ حابارلايدى Egemen.kz شىمكەنت قالاسى اكىمدىگىنىڭ ءباسپاسوز قىزمەتىنە سىلتەمە جاساپ. 

فوتو: بەرەكە سەيىتجاپپار

«وڭتۇستىك» يندۋستريالدى ايماعىندا 2020 جىلى 345 جاڭا جۇمىس ورنىن قۇرا وتىرىپ، 3 جوبا جۇزەگە اسىرىلدى. 2021 جىلى 6 ينۆەستيتسيالىق جوبانى (306 جاڭا جۇمىس ورنى) ىسكە قوسۋ جوسپارلانۋدا. 

 

2016 جىلى اشىلعان «تاسساي» يندۋستريالدى ايماعىنىڭ اۋماعى بۇگىندە تولىق،  100 %- عا جۇمىس ىستەپ تۇر. 2020 جىلى 6 ينۆەستيتسيالىق جوبا ىسكە استى. بيىل تاعى 3 جوبانى ىسكە قوسۋ كوزدەلۋدە. سونداي-اق، بۇگىندە «وڭتۇستىك» ارنايى ەكونوميكالىق ايماقتىڭ اۋماعىن كەڭەيتۋ جۇمىستارى جۇرگىزىلۋدە. 

 

قالا اكىمى «تاسساي» يندۋستريالىق ايماعىنىڭ ينجەنەرلىك ينفراقۇرىلىمىن جاڭعىرتۋدىڭ 2-ءشى كەزەڭى بويىنشا ءتيىستى بيۋدجەتتىك ءوتىنىم بەرۋ، يندۋستريالىق، كولىك-لوگيستيكالىق ايماقتىڭ جانە ارنايى ەكونوميكالىق ايماقتىڭ جەر ۋچاسكەلەرىنە تالداۋ جاسالىپ، ءتيىمدى يگەرىلۋىن قامتاماسىز ەتۋ قاجەتتىگىن ايتتى. سونىمەن قاتار، مەرزىمى وتكەن جەر ۋچاسكەلەرىن قايتارۋ، جەر ۋچاسكەلەرىن ىسكە اسىرىلعان جوبالارعا جەكە مەنشىككە بەرۋ بويىنشا ۇسىنىس ەنگىزۋ، ارنايى ەكونوميكالىق ايماققا 50 جاڭا جوبانى تارتۋ جانە جوبالار پۋلىن جاساقتاۋ بويىنشا ناقتى مىندەتتەر جۇكتەدى. 

 

– بارلىق يندۋستريالدى ايماقتار ۇزدىكسىز جۇمىس ىستەۋى قاجەت. بۇل – ۋاقىت تالابى. سونىمەن بىرگە، ايماقتاردى كەڭەيتۋ، ءارى قاراي دامىتۋدا ناقتى جۇمىستار اتقارىلۋى ءتيىس. يندۋستريالىق ايماقتاعى مەكەمەلەردى جان-جاقتى سۇيەمەلدەپ وتىرۋ كەرەك. ءوندىرىس ءۇشىن قولايلى شارتتار جاساۋ جەتكىلىكسىز. ءونىمنىڭ ىشكى نارىققا تارالۋى مەن ەكسپورتىنا ىقپال ەتۋدى قاراستىرۋ، ورتاق ءبىر پلاتفورمادا تۇيىسۋىنە جاعداي جاساۋىمىز قاجەت، – دەدى قالا اكىمى. 

جيىندا قالا اكىمى شيكىزاتتى شەتەلدەن تاسىماي، باسەكەگە قابىلەتتى وتاندىق ونىمدەردى قولدانۋ قاجەت ەكەنىنە دە نازار اۋداردى. 

سوڭعى جاڭالىقتار

ۇقساس جاڭالىقتار