ايماقتار • 13 قاڭتار، 2021

«مەكتەپ جارىلادى»: ءجاسوسپىرىمنىڭ ارەكەتى اشكەرە بولدى

173 رەت كورسەتىلدى

«مەكتەپ جارىلادى» دەپ قوڭىراۋ شالىپ، پانفيلوۆ اۋدانىنداعى ءبىر اۋىلدى دۇرلىكتىرگەن ءجاسوسپىرىمنىڭ ارەكەتى اشكەرە بولدى، – دەپ حابارلايدى Polisia.kz.

پانفيلوۆ اۋدانىنىڭ پوليتسيا بولىمىنە اققۇدىق اۋىلىنداعى مەكتەپ قىزمەتكەرلەرى قوڭىراۋ شالىپ، بەلگىسىز بىرەۋدىڭ تەلەفون ارقىلى مەكتەپتىڭ تۇندە جارىلاتىنىن حابارلاعانىن ايتقان. ءتارتىپ ساقشىلارى تالاپقا سايكەس ارەكەت ەتىپ، اۋدانداعى بارلىق ءتيىستى قىزمەت وكىلدەرى وقيعا ورنىنا جەدەل جينالعان.

– وسى دەرەك بويىنشا قر قىلمىستىق كودەكسىنىڭ 273-بابىنا سايكەس قىلمىستىق ءىس قوزعالدى. پوليتسيانىڭ جەكە قۇرامىنا دابىل بەرىلىپ، وقيعا ورنىنا جينالدى. جارىلعىش زاتتى تابۋعا وبلىستىق پد “ارلان” جاساعىنىڭ ساپەر توبى جۇمىلدىرىلدى. مەكتەپ ءىشى مەن جاقىن ماڭى تولىعىمەن تەكسەرىلىپ، قوڭىراۋ شالۋشىنىڭ جالعان اقپارات تاراتقانى دالەلدەندى. جەدەل-تەرگەۋ شارالارى بارىسىندا 14 جاستاعى ءجاسوسپىرىمنىڭ تەلەفون شالعانى انىقتالدى. وزگە اقپارات تەرگەۋ مۇددەسىنە سايكەس جاريالاۋعا جاتپايدى، دەدى پانفيلوۆ اۋدانى پب باستىعىنىڭ مىندەتىن اتقارۋشى جاندوس كاۆليەۆ.

اۋىل تۇرعىندارىن دۇربەلەڭگە سالعان قوڭىراۋدان كەيىن مەكتەپ ماڭىندا تۇراتىن وتباسىلار قاۋىپسىز جەرگە شىعارىلعان. قانداي دا ءبىر اقپارات ءبىلۋى مۇمكىن ادامداردىڭ بارلىعىنان جاۋاپ العان پوليتسەيلەر تەلەفون لاڭكەسىن كوپكە ۇزاتپاي انىقتاعان. 2006 جىلى تۋعان كامىلەتكە تولماعان بالا مەكتەپكە بومبا قويىلدى دەپ قوڭىراۋ شالعانى انىقتالدى. كارانتيندىك شارالارعا بايلانىستى وزگە بالالار جەتە الماي جۇرگەن ءبىلىم ورداسىنا بارعىسى كەلمەگەن ءجاسوسپىرىم وسىلاي قالجىڭداعان.

– قازىرگى ۋاقىتتا سوتقا دەيىنگى تەرگەۋ امالدارى جالعاسۋدا. ءتىستى ساراپتاما تاعايىندالدى. تەرگەۋ اياقتالعان سوڭ ءىس ماتەريالدارى سوتقا جولدانىپ، ناقتى پروتسەسسۋالدىق شەشىم قابىلداناتىن بولادى، دەپ تولىقتاردى جاندوس كاۆليەۆ.

سوڭعى جاڭالىقتار

«بارىس» ۇتىلىپ قالدى

سپورت • 06 ناۋرىز، 2021

ەلدوس سمەتوۆ كۇمىس الدى

سپورت • 06 ناۋرىز، 2021

«قايرات» – قولا جۇلدەگەر

ايماقتار • 06 ناۋرىز، 2021

ءار سالا ۇزدىكتەرىنە قۇرمەت تانىتتى

ايماقتار • 05 ناۋرىز، 2021

ۇقساس جاڭالىقتار