15 جەلتوقسان، 2020

پاۆلوداردا وقۋشىلار «ەلباسى مەدالىمەن» ماراپاتتالدى

80 رەت كورسەتىلدى

پاۆلودار وبلىسىندا وقۋشىلار وقۋشىلار «ەلباسى مەدالىمەن» ماراپاتتالدى، دەپ حابارلايدى Egemen.kz.

وبلىستىق ءبىلىم باسقارماسىنىڭ مالىمەتىنشە، بۇل ماراپاتتار ەلباسى نۇرسۇلتان نازارباەۆتىڭ باستاماسىمەن قولعا الىنعان «ەل ءۇمىتى» باعدارلاماسى حالىقارالىق ءپان وليمپيادالارىنىڭ جۇلدەگەرلەرىنە بەرىلەتىن «El maqtanyshy» سىيلىعى، «مىڭ بالا» ۇلتتىق وليمپياداسى جانە جەتى نەگىزگى باعىت بويىنشا تالانتتى جاستاردىڭ الەۋەتىن دامىتۋ ءۇشىن «ەلباسى مەدالى» تاعايىندالعان. 

سالتاناتتى شاراعا «مىڭ بالا» ۇلتتىق وليمپياداسىنىڭ جەڭىمپازدارى: رەسپۋبليكالىق فيزيكا-ماتەماتيكا مەكتەبىنىڭ وقۋشىسى جۇبانىش امانبەك، وبلىس ورتالىعىنداعى №38 مەكتەپتىڭ وقۋشىسى مۇستافا تىلەۋبەك ۇلى، كەنجەكول ورتا مەكتەبىنىڭ 6-شى سىنىپ وقۋشىلارى نۇراسىل شاكار، التىناي قابيبوللا، ايحانا قاليەۆا قاتىستى.

مىسالى، وبلىس  ورتالىعىنداعى نازارباەۆ زياتكەرلىك مەكتەبىنىڭ وقۋشىسى حايدار قايىربەك 500 مىڭ تەڭگە سىياقى كولەمىندە «El maqtanyshy» سىيلىعىن الدى.

حايدار بيىل 52-ءشى حالىقارالىق وليمپيادادا قولا جۇلدە السا، ال ونىڭ ۇستازى ورازباي اسىلبەك تە ماراپاتقا يە بولدى.

وسى وقۋشىلار سياقتى «ەل ءۇمىتىن» جەڭىپ العان ءوڭىرىمىزدىڭ 53 جاس ورەنىنە نۇرسۇلتان نازارباەۆ قورىنان نوۋتبۋكتەر تابىس ەتىلدى. ال،  وبلىس  ورتالىعىنداعى №17 مەكتەپتىڭ وقۋشىسى ەۆەلينا رۋدكو،  №24 مەكتەبىنىڭ وقۋشىسى اللانۇر ىسقاقوۆ، ء«بىلىم-يننوۆاتسيا» ليتسەي-ينتەرناتىنىڭ وقۋشىسى ارنۇر داۋلەت سياقتى  14 وقۋشى «ەلباسى مەدالىمەن» ماراپاتتالدى.

جاس دارىنداردى قۇتتىقتاعان ءوڭىر باسشىسى ابىلقايىر سقاقوۆ ەلباسى جاس تالانتتاردى ءاردايىم قولدايتىنىن جانە ەلىمىزدە ولاردىڭ ودان ءارى دامۋى ءۇشىن جاعداي جاسالىپ جاتقانىن اتاپ ءوتتى.

وبلىس اكىمدىگىندە وتكەن ماراپاتتاۋ راسىمىنە 9 وقۋشى قاتىستى، قالعان 64 وقۋشى كەزدەسۋگە وزدەرىنىڭ تۇرعىلىقتى جەرلەرى بويىنشا ءوڭىردىڭ قالالارى مەن اۋداندارى اكىمدىكتەرىنەن ونلاين بايلانىس ارقىلى قوسىلدى

سوڭعى جاڭالىقتار

وڭىردە دامۋ ءۇردىسى بار

ايماقتار • كەشە

تاڭدايدىڭ تارلانى

تاريح • كەشە

جوعالعان سولدات

تاريح • كەشە

دومبىرانى دارىپتەدى

رۋحانيات • كەشە

ۇقساس جاڭالىقتار