ءبىلىم • 15 جەلتوقسان، 2020

شىمكەنتتە 1200 ورىنعا ارنالعان مەكتەپ پايدالانۋعا بەرىلدى

11 رەت كورسەتىلدى

تاۋەلسىزدىك مەرەكەسىنە وراي شىمكەنت قالاسىندا تاعى ءبىر ءبىلىم ورداسى پايدالانۋعا بەرىلدى. اسار-2 شاعىن اۋدانىندا 1200 ورىنعا ارنالعان جاڭا مەكتەپ ونلاين فورماتتا اشىلدى، دەپ حابارلايدى Egemen.kz.

جەر تەلىمىنىڭ جالپى اۋدانى – 2،88 گا. جوبانىڭ سمەتالىق قۇنى – 2 008 314،0 مىڭ تەڭگە.

باس مەردىگەر «مك تەحنوستروي سەرۆيس» جشس قۇرىلىستى وتكەن جىلى شىلدە ايىندا باستاعان ەدى. قۇرىلىس كومپانياسى نىساندى جوسپارعا ساي اياقتادى. 

قازىر قالادا 752 ءبىلىم بەرۋ مەكەمەلەرىندە 338 مىڭنان استام بالالار تاربيەلەنىپ، ءبىلىم الۋدا. سالاعا بولىنگەن قارجى كولەمى 2016 جىلى 41 ميللياردتان 2،8 ەسەگە ارتىپ، بۇگىندە 114 ميللياردقا جەتتى. پەداگوگتاردىڭ ورتاشا ايلىق جالاقىسى كەيىنگى 5 جىلدا 3 ەسە ءوستى.

تاۋەلسىزدىكتىڭ العاشقى جىلدارى قالاداعى بالاباقشالار سانى نەبارى 56-نى قۇراسا، قازىرگى تاڭدا دەموگرافيالىق جانە ميگراتسيالىق وسىمگە سايكەس بۇل كورسەتكىش 470-كە ارتقان. 

سونىمەن قاتار 29 جىلدا 98 مەكتەپ سالىندى. ۇكىمەتتىڭ «100 مەكتەپ، 100 اۋرۋحانا» باعدارلاماسى جانە ارنايى تۇزىلگەن «جول كارتاسى» اياسىندا زاماناۋي ۇلگىدەگى ءبىلىم وشاقتارى بوي كوتەرىپ، ءۇش اۋىسىمدا، اپاتتى جاعدايدا جانە ىڭعايلاستىرىلعان عيماراتتا ورنالاسقان 58 مەكتەپ تيپتىك ۇلگىدەگى عيماراتتارعا كوشىرىلدى.

وسى ۋاقىتقا دەيىن وزەكتى ماسەلە بولىپ كەلگەن 36 مەكتەپكە ىشكى اجەتحانالار ورناتۋ، ءبىلىم ۇيىمدارىنىڭ اۋلاسىن جارىقتاندىرۋ جۇمىستارى تولىعىمەن شەشىمىن تاپتى.

«تسيفرلىق قازاقستان» مەملەكەتتىك باعدارلاماسى اياسىندا ءبىلىم سالاسىندا كورسەتىلەتىن 32 مەملەكەتتىك قىزمەت 100 پايىز تسيفرلاندىرۋ جۇيەسىنە ءوتتى.

 

سوڭعى جاڭالىقتار

ددسۇ QazVac-تى قاشان مويىندايدى؟

كوروناۆيرۋس • بۇگىن، 12:35

ۇقساس جاڭالىقتار