ەلوردا • 18 قاراشا، 2020

ەرتەرەكتەگى ەلوردا

18 رەت كورسەتىلدى

ءبىرازدان بەرى ۇلتتىق مۋزەيىمىزدەگى قۇندى جادىگەرلەرىمىزدى كوزىقاراقتى وقىرمانعا اتالعان مۇراجايدىڭ ء«بىر تۋىندى تاريحى» جوباسى اياسىندا تانىستىرىپ كەلەمىز. بۇگىنگى تاڭداپ الىنعان تۋىندى سوناۋ كەڭەستىك كەزەڭدەگى ەلوردا كەلبەتىنەن سىر شەرتەدى. كەسكىندەمەنىڭ اۆتورى – قازاقستاندىق سۋرەتشى ۆيكتور فەدوروۆيچ حولۋەۆ.

قازىردە توبەسى كوك تىرەگەن كوپقاباتتى ۇيلەرى جوق بۇل قاي استانا دەرسىز؟ الايدا وسىناۋ كورىنىس شاھاردىڭ بايىرعى تۇرعىندارىنا حرۋششەۆتىك جىلىمىق، العاشقى تىڭ يگەرۋشىلەر كەلىپ جاتقان ەسكى تسەلينوگرادتى ەرىكسىز ەستەرىنە تۇسىرەتىنى انىق. جالپى اۆتور ۆ.حولۋەۆتىڭ ءوزى وسى قالادا ەڭبەك ەتكەنىن، ءبىراز جىل شىعارماشىلىقپەن اينا­لىسقانىن كوبىمىز بىلە بەرمەيمىز.  ي.رەپين اتىن­داعى لەنينگراد كوركەمسۋرەت، ءمۇسىن جانە ساۋلەت ينستيتۋتىنىڭ تۇلەگى 1961 جىلى تسەلينو­گرادقا كومسومولدىق جولدامامەن كەلەدى. «العاشقى قار. تسەلينوگراد» اتتى قالا پەيزاجىن ۇسىنۋىمىزدىڭ تاعى ءبىر سەبەبى، كەشەلى بەرى ارقا اتىرابىنا كەلىپ جەتكەن قىستىڭ قىزىقتارى دا وسى سۋرەتپەن ىشتەي ۇندەسىپ جاتقانداي ادامدى ەرەكشە اسەرگە بولەيدى.

جالپى سۋرەتشى كارتيناسىندا بەينەلەنگەندەي كىشكەنتاي قالاداعى تىنىشتىق پەن جايلى اتموسفەرانى سەزىنبەۋ مۇمكىن ەمەس. قازىردە قايناعان تىرشىلىك ورتاسىنا اينالعان باس قالانىڭ ءبىر كەز­دەرى وسىنداي بۇيىعى دا بىرتوعا تىنىش مەكەن بول­عانىنا ءبىرتۇرلى سەنبەيتىندەيمىز بە، قالاي؟

 

سوڭعى جاڭالىقتار

سىردىڭ سۋى تومەندەپ بارادى

ايماقتار • بۇگىن، 17:27

دوللار ارزاندادى

قارجى • بۇگىن، 16:56

الماتى ماڭىندا جەر سىلكىندى

ايماقتار • بۇگىن، 16:38

قازاقستاندا ەت قىمباتتادى

قوعام • بۇگىن، 15:10

ەلىمىزدە كيىك سانى كوبەيىپ كەلەدى

قازاقستان • بۇگىن، 14:41

ۇقساس جاڭالىقتار