وقيعا • 12 قاراشا، 2020

پاۆلودار «قىزىل ايماققا» ەندى

140 رەت كورسەتىلدى

وڭىردەگى تاۋارلار مەن قىزمەتتەردىڭ ساپاسىن باقىلاۋ دەپارتامەنتىنىڭ مالىمەتىنشە، وبلىستا ىندەتتى جۇقتىرعاندار سانى 4 735-كە جەتكەن. 9 قاراشادان باستاپ ءوڭىردىڭ كىرەبەرىس جولدارىنا 12 بلوك-بەكەت قويىلدى. وسى ۋاقىتقا دەيىن بەكەتتەردەن 33 079 ادام ءوتىپ، 331 ادام كەرى قايتارىلعان. بىراق دەنە قىزۋى جوعارى جولاۋشىلار انىقتالماعان.

سۋرەتتى تۇسىرگەن ۆالەري بۋگاەۆ

 

ونلاين-ءباسپاسوز جيىنىندا وبلىس بويىنشا تاۋارلار مەن قىزمەتتەردىڭ ساپاسىن با­قى­لۋ دەپارتامەنتىنىڭ باس­شى­­سى باتىربەك اليەۆتىڭ مالىم­دە­ۋىنشە، قازىر وڭىرىمىزدە قابىل­دان­عان جاڭا كارانتيندىك شەكتەۋ­لەر 2 اپتا ىشىندە ەپيدەميالىق جاعدايعا اسەر ەتۋى مۇمكىن. ىن­دەت­كە قارسى ەمدەۋ شارالارىنا قوسىمشا 540 مەديتسينا قىزمەت­كەر­ىنە قوسا ەرىكتىلەر دە اتسالىسىپ جاتىر.

سوڭعى ۋاقىتتا كۆي جۇق­تىر­عاندار سانى ارتقانىنا بايلانىستى پاۆلودار وبلىسىنىڭ «قىزىل ايماققا» ەنگەنى بەلگى­لى بولدى. جالپى، وڭىردە 9 قارا­شا­دان باستاپ كارانتيندىك شارالار قابىلداندى.

ب.اليەۆتىڭ ايتۋىنشا، جاعداي ءتىپتى اۋىرلايتىن بولسا، وبلىسقا كىرەتىندەردەن پتر-زەرتتەۋ ناتي­جە­سى تالاپ ەتىلەدى. سونىمەن قا­تار دەپارتامەنت باسشىسى ەنگى­زىل­گەن شەكتەۋلەر جاعدايعا 30 پايىز اسەر ەتەتىنىن، 70 پايىزى ادامداردىڭ ماسكا تاعۋ، انتيسەپتيك قولدانۋ سياقتى الەۋمەتتىك جەكە جاۋاپكەرشىلىگىنە بايلانىس­تى ەكەنىن ايتتى.

– ەگەر دە سالىستىرمالى تۇردە قاراساق، 26 قازان مەن 1 قاراشا ارا­لىعىندا كۆي جۇقتىرعان 145 جاعداي راستالسا، 2-8 قاراشا ارالىعىندا 387 جاعداي تىركەلىپ، ءوسىم 8،9 پايىزدى قۇرادى، – دەدى ب.اليەۆ.

سونداي-اق 2-9 قاراشا ارا­لى­عىندا مونيتورينگ توپتار 103 رەيد جۇرگىزىپ، 162 نىساندى تەك­سەر­دى، ناتيجەسىندە 63 نىساندا ەرەجە بۇزۋشىلىق انىقتالدى. ساۋدا ورىندارىنىڭ جۇمىس ىستەۋ كەستەسىنە وزگەرىستەر ەنگىزىلدى.

ال وڭىرلىك دەنساۋلىق ساقتاۋ باسقارماسىنىڭ باسشىسى ايدار سەيتقازينوۆتىڭ مالىمدەۋىنشە، قازىر ەمدەۋ ورىندارىندا 1 400-دەن اسا مەديتسينا قىزمەتكەرى جۇمىس ىستەپ جاتىر. جاعداي اۋىرلاپ، كۇنىنە 500 ناۋقاس تۇسەتىن بولسا، قوسىمشا 4 900 ورىن دا­يىندالادى. بۇل رەتتە كار­ديو­لو­گي­يالىق ورتالىق، ونكولوگيالىق ورتالىق، №1 قالالىق اۋرۋحانادا وبلىس تۇرعىندارىنا جەدەل مەديتسينالىق كومەك كورسەتىلەدى.

ايتالىق، وبلىستىق كار­ديو­لوگيالىق ورتالىقتا جاب­دىق­تا­لىپ، ىسكە قوسىلۋعا دايىن 4 پتر-زەرتحاناسى بار. زەرتحانا تاۋلىگىنە 1 مىڭعا دەيىن زەرتتەۋ جۇرگىزە الادى. ونكوديسپانسەردىڭ ەسكى عيماراتىندا ناۋقاستاردى بىردەن جەتكىزەتىن ترياج-ورتالىق جاسالدى. سانيتارلىق نورمالاردى ساقتاۋ ءۇشىن بارلىق جاعداي جاسالعان. ءموبيلدى توپتاردىڭ تۇرعىندارمەن جۇمىس ىستەۋى ءۇشىن دە قاجەتتى بارلىق مەديتسينالىق قۇرال-جابدىق جەتكىلىكتى.

جاڭا ونكولوگيالىق ديس­پان­سەر­دىڭ اۋرۋحاناسى 200 توسەككە ەسەپتەلىپ، ال ەمحاناسى ءبىر اۋى­سىمدا 100 ناۋقاستى قابىلداي الادى. ونكولوگيالىق قىزمەت كومپيۋتەرلىك جانە ماگنيتتىك-رەزونانستىق توموگرافتارمەن، ەندوسكوپيالىق جابدىقتارمەن جانە ساۋلەلىك تەراپيا ءۇشىن زاماناۋي سىزىقتىق ۇدەتكىشپەن قامتا­ماسىز ەتىلگەن. ىندەت كە­زىن­دە دە ونكولوگيالىق ناۋ­قاس­­تارعا مامانداندىرىلعان مەديتسي­نالىق كومەك كورسەتۋ توق­تا­تىل­ماعانى بەلگىلى. وبلىستىق جەدەل جاردەم ستانساسىنا بارلىق قاجەتتى قۇرىلعىمەن جاب­دىق­تال­عان 22 جاڭا رەانيموبيل جەتكىزىلدى.

وبلىس ورتالىعىنا قازىر وزگە ءوڭىر تۇرعىندارى سەبەپسىز كىرە المايدى. تەك جۇمىس بابىمەن، دەنساۋلىعىنا بايلانىستى قاراۋ­دا جۇرگەن جانە رۇقساتى بار ازاماتتار عانا وتە الادى. شىعىس قازاقستان وبلى­سىمەن شەكارادا 2 بلوك-بەكەت ورناتىلدى. بۇل جا­يىندا ونلاين-ءباسپاسوز جيىنىندا وبلىس­تىق پوليتسيا دەپارتامەنتى باس­شى­سى­نىڭ ءبىرىنشى ورىنباسارى جاس­قايرات قايىروۆ ما­لىم­دەدى. سونى­مەن قاتار بلوك-بەكەت­تەردەن pvlinfo.kz رۇقسات بەرۋ سايتىنا تىر­كەلگەندەر، جۇ­مىس ورنىنان انىق­تامالارى بار ادامدار جانە مەدي­تسينالىق قىز­مەت الۋعا كەلگەندەر عانا وتكىزىلەدى.

– وڭىردە مونيتورينگ توپتا­رى­نىڭ سانى 22-دەن 40-قا دەيىن جەت­­كىزىلەدى. وتباسىلىق جانە باس­قا دا شارالار وتكىزۋگە، كاران­تين­دىك تالاپتاردى ساقتاۋعا قا­تىس­­تى قاتاڭ باقىلاۋ جاسالادى. ەرەجە بۇزۋشىلىقتار انىقتالسا، 83 مىڭنان 4 ملن تەڭگەگە دەيىن ايىپ­پۇل سالىنادى، – دەدى ج.قايىروۆ.

قازىر قالاارالىق، اۋدانا­را­لىق جولاۋشىلار تاسى­مالى توق­تادى. تەك قالا ما­ڭىن­داعى جانە قالا ىشىندەگى قو­عام­دىق كولىكتەر جۇمىس كۇن­دەرى ادەتتەگىدەي قوز­عا­لىسىن جال­عاس­تىرۋدا. ال دەمالىس كۇندەرى توق­تايدى. وزگە وڭىرلەرمەن اۋە جانە تەمىر جول قا­تىناسى قىسقارىپ، كەستە قايتا قا­رالدى جانە حالىقارالىق با­عىت­­­تا جۇك تاسىمالداۋشى جۇر­­گى­زۋ­­شىلەر وڭىرىمىزگە شەكارا ارقىلى وتكەندە مىندەتتى تۇردە پتر-تەست تاپسىرۋدا. جاڭادان ەن­گىزىل­گەن ەرەجە حالىقارالىق جۇك تاسىمالىنا كەرى اسەرىن تيگىز­­­بەيدى، شەكارادا ۇزىن-سونار كەزەك پايدا بولۋىنا سەبەپ تە جوق.

– ويتكەنى جۇرگىزۋشىلەر پتر-تەستەردى شەكارا ماڭىنداعى بلوك-بەكەتتەردە تەگىن تاپسىرادى. ءارى قاراي ولاردى تاۋار­لار مەن قىزمەتتەر ساپاسى مەن قا­ۋىپسىزدىگىن باقىلاۋ كو­مي­تە­تىنىڭ «ۇلتتىق ساراپتاما ور­تا­لىعىنا» جونەلتەدى. بار­لى­عىنان 25-40 مينۋت ۋاقىتتا وتەدى، – دەيدى دەنساۋلىق ساقتاۋ باسقارماسىنىڭ مامانى ەلميرا تەمىرعاليەۆا.

ال كەيبىر جۇرگىزۋشىلەردىڭ بۇل ەرەجەگە كوڭىلى تولمايدى. ولاردىڭ ايتۋىنشا، كوميس­سيا­نىڭ بۇل شەشىمى زەرتحانالار جۇمىسىن قيىنداتىپ جىبەرەدى. ەگەر جۇرگىزۋشىلەر پتر-تەست نا­تي­جەلەرىن ەكى كۇن كۇتۋگە تۋرا كەلسە، ارينە كەزەك پايدا بولادى دا، اۋىرماعان ادامدار ۆيرۋس جۇقتىرۋى مۇمكىن. نە اجەتحانا، نە اسحانا جوق.

كوميسسيانىڭ شەشىمى بويىنشا حالىقارالىق جۇك تاسىمالىمەن اينالىساتىن جۇرگىزۋشىلەر مىندەتتى تۇردە تەرىس ناتيجەلى پتر-انىقتامالارىنا يە بولۋى ءتيىس. بولماسا، جۇرگىزۋشىلەر پتر-تەست العانشا ەكى تاۋلىكتىك كارانتينگە ورنالاستىرىلۋى مۇمكىن.

ال جەرگىلىكتى باس سانيتاردىڭ قاۋلىسىنا سايكەس قوعامدىق تاماقتانۋ ورىندارى ساعات 8.00-دەن 20.00-گە دەيىن جۇمىس جاسايدى. قاجەتتى جيىندار تەك ونلاين-فورماتتا وتۋدە، 30 ادامنان كوپ قىزمەتكەرى بار ۇيىمداردا ۇجىمنىڭ 80 پايىزدان استامى قاشىقتان جۇمىس ىستەپ جاتىر.

– كەزەكشى سىنىپتارعا كەلەتىن بولساق، قازىر مەكتەپتەردە كانيكۋل. وقۋشىلاردىڭ دەمالىسى 10 كۇنگە جالعاسادى. 10 كۇن بويى جاع­دايدى باقىلايمىز. سودان كەيىن كەزەكشى سىنىپتاردىڭ ما­سە­لەسىن قارايمىز، – دەدى ب.اليەۆ.

قازىر ماۋسىمدىق ەپيدەميانى بولدىرماس ءۇشىن تۇرعىندارعا ۆاكتسينا ەگۋ جۇمىستارى جۇرگىزىلۋدە. ماسەلەن، قىركۇيەكتەن باس­تاپ وبلىس بويىنشا 81 164 ادام تۇماۋعا قارسى ۆاكتسينا العان. وڭىردەگى مەديتسينالىق ۇيىم­دار­داعى، اۋرۋحانالارداعى، تۇراق­تان­دىرۋ قورىنداعى دارىلەر تۇر­عىن­داردى دەر كەزىندە ەمدەۋگە جەت­كىلىكتى. ياعني كوروناۆيرۋستان باسقا اۋرۋلار بويىنشا دارىمەن قام­تاماسىز ەتۋ بويىنشا ماسەلە جوق. ءبارى جوسپارداعىداي.

 

پاۆلودار وبلىسى

 

سوڭعى جاڭالىقتار

ادامزات تراگەدياسى

تانىم • بۇگىن، 08:23

مەيىرىم شۋاعى

قوعام • بۇگىن، 08:15

اۋىلدا بالا كوپ، ۇيىرمە از

قازاقستان • بۇگىن، 07:59

جارىس پەن تابىس

ەكونوميكا • بۇگىن، 00:00

اقىلدىڭ ازابى

تاريح • كەشە

مەيرامحانالار جانە پاندەميا

كوروناۆيرۋس • كەشە

جۇرت جاعاجاي ىزدەپ ءجۇر

ايماقتار • كەشە

ۇقساس جاڭالىقتار