وقيعا • 11 قاراشا، 2020

اناسى مەن ءۇش بالانىڭ ءولىمى كىمنەن بولدى؟

1578 رەت كورسەتىلدى

پاۆلودار وبلىستىق پوليتسيا دەپارتامەنتىنىڭ مالىمەتىنشە، 9 قاراشا كۇنى ساعات 12.00-دە پوليتسياعا ەر ادامنان وبلىس ورتالىعىنداعى ش.ايمانوۆ كوشەسى، 2 مەكەنجايى بويىنشا ورنالاسقان ۇيدەگى پاتەردەن ءتورت ادامنىڭ ءولى دەنەسى تابىلعانى تۋرالى حابار كەلىپ تۇسكەن.

وقيعا ورنىنا كەلگەن پوليتسيا­نىڭ جەدەل-تەرگەۋ توبى پاتەر يە­­سىنىڭ ىشكى جاعىنان جابىلعان ءۇيى­نىڭ ەسىگىن اشا الماعانىن انىق­تايدى. سوندىقتان ول كور­شى­لەرىنەن قۇرالدار الىپ، ەسىكتى بۇزىپ اشقان.

ايتۋىنشا، پاتەر يەسى ەر ادام جانتۇرشىگەرلىك جايعا تاپ بولعان: ۇيگە كىرگەن كەزدە بول­مە­لەردىڭ بىرىنەن زورلىق-زوم­بىلىق بەلگىلەرى بار جۇبايىنىڭ جانە ءۇش بالاسىنىڭ ءولى (2013، 2015 جانە 2017 جىلدارى تۋعان) دەنە­لەرىن كورگەنىن ايتقان. قان­دى وقيعادان قور­قىپ قالعان كورشىلەرىنىڭ ايتۋلارىنشا، وتباسى پاۆلودار­لىقتار ەمەس. بىراق، جاقسى، ۇقىپ­تى وتباسى بولىپتى.

قازىر وسى ءبىر جۇرتشىلىقتى دۇرلىكتىرگەن سۇمدىق وقيعا بارىسىنا سوت-مەديتسينالىق ساراپتاما تاعايىندالدى. وقيعانىڭ ءمان-جايلارى انىقتالۋدا.

– اتالعان فاكتىگە قاتىستى قىلمىستىق كودەكستىڭ 99-بابى، 3-بولىگى بويىنشا سوتقا دەيىنگى تەرگەۋ باستالدى، – دەيدى دەپارتامەنت مالىمەتىندە.

 

پاۆلودار وبلىسى

 

سوڭعى جاڭالىقتار

جارىس پەن تابىس

ەكونوميكا • بۇگىن، 00:00

اقىلدىڭ ازابى

تاريح • كەشە

مەيرامحانالار جانە پاندەميا

كوروناۆيرۋس • كەشە

جۇرت جاعاجاي ىزدەپ ءجۇر

ايماقتار • كەشە

ۇقساس جاڭالىقتار