ايماقتار • 22 قازان، 2020

ازاماتتىق قورعانىس قىزمەتىنىڭ 25 جىلدىعى اتالىپ ءوتتى

38 رەت كورسەتىلدى

وسى كۇنگە وراي وبلىس ورتالىعىندا ءورت سوندىرۋشىلەر مەن قۇتقارۋشىلارعا، توتەنشە جاعداي قىزمەتىنىڭ ارداگەرلەرىنە قۇرمەت كورسەتىلدى، دەپ حابارلايدى Egemen.kz.

توتەنشە جاعدايلار قىزمەتىنىڭ ءورت سوندىرۋشىلەرى مەن قۇتقارۋشىلارىنا ارنايى  كولىكتەردىڭ كىلتىن وبلىس اكىمى ابىلقايىر سقاقوۆ تابىستادى. ارنايى تەحنيكالاردى تابىستاۋ وبلىس ورتالىعىنداعى №4-ءشى ءورت ءسوندىرۋ ءبولىمىنىڭ جاتتىعۋ الاڭىندا ءوتتى. جەرگىلىكتى بيۋدجەت ەسەبىنەن ءورت ءسوندىرۋ جانە اۆاريالىق-قۇتقارۋ جۇمىستارى قىزمەتى، سونداي-اق قالالىق جانە اۋداندىق تج بولىمشەلەرى ءۇشىن ءبىر اۆتوتسيستەرنا، ەكى "ۋاز" ءاۆتوموبيلى جانە ءتورت "نيۆا" اۆتوكولىگى ساتىپ الىندى.

1

ال، جيىن بارىسىندا وبلىس اكىمى توتەنشە جاعداي قىزمەتىنىڭ ازاماتتىق قورعاۋ ورگاندارى ارداگەرلەرىنىڭ وڭىرلىك كەڭەسىنىڭ توراعاسى كاكيما اسقاروۆانى "وبلىس الدىندا سىڭىرگەن ەڭبەگى ءۇشىن" مەدالىمەن ماراپاتتادى.

وڭىرلىك ء"ورت ءسوندىرۋ جانە اۆاريالىق-قۇتقارۋ جۇمىستارى قىزمەتىنىڭ" باستىعى سۇلەيمەن بيماعامبەتوۆكە جانە اقسۋ ءبولىمىنىڭ باستىعى داۋلەت كۋكونەۆكە وبلىس اكىمىنىڭ قۇرمەت گراموتالارى تابىستالدى. وبلىس اكىمىنىڭ العىس حاتىمەن №3 ءورت ءسوندىرۋ ءبولىمىنىڭ باستىعى جانە اعا جۇرگىزۋشىسى قازبەك بەيسەكەەۆ پەن ەرنازار تىلەۋكەن، №4 ءورت ءسوندىرۋ ءبولىمىنىڭ كومانديرى سۇلتان جاسقايراتوۆ جانە "اپاتتار مەديتسيناسى ورتالىعىنىڭ" فەلدشەرى رۋسلان باحتياروۆ ماراپاتتالدى.

1

سونىمەن قاتار ازاماتتىق قورعاۋ قىزمەتكەرلەرى مەن ارداگەرلەرى ۆەدومستۆولىق ناگرادالارمەن ماراپاتتالدى.

"وسى جۇيەدە جۇمىس ىستەگەن 20 جىل ىشىندە مەن قاراپايىم جىگىتتەردىڭ قىزمەتتىك بورىشىن ورىنداۋ بارىسىندا جانكەشتىلىك تانىتىپ جۇرگەنىن كورىپ ءجۇرمىن. قۇتقارۋشى اندرەي لۋكيانچەنكوۆ سياقتى ءاربىر ادام مۇزدى سۋعا سەكىرىپ، باتىپ بارا جاتقان ادامدى قۇتقارا المايدى. جارىلىسقا ءبىر مينۋت قالعاندا مايقايىڭ كەنتىندەگى №29 ءورت ءسوندىرۋ ءبولىمى بولىمشەسىنىڭ بۇرىنعى كومانديرى قۋاندىق وماروۆ كىشكەنتاي قىزدى پاتەردەن الىپ شىقتى. ارتەم كولوكولنيكوۆ ورتكە ورانعان ۇيگە كىرىپ، التى گاز باللوندى شىعاردى.  بىزدە وسىنداي جىگىتتەر جۇمىس ىستەيدى. ارداگەرلەر قاۋىمى اتىنان  ارقايسىسىنا جاقسىلىق، دەنساۋلىق جانە باتىلدىق تىلەيمىن. كۇن سايىنعى قىزمەتتەن سوڭ، ۇيلەرىڭىزگە امان-ەسەن ورالىڭىزدار"، دەدى كاكيما اسقاروۆا.

14

قىزمەتتىك بورىشىن ورىنداۋ كەزىندە قازا تاپقان ءورت سوندىرۋشىلەر مەن قۇتقارۋشىلار قۇرمەتىنە ءبىر مينۋت ۇنسىزدىك جاريالاندى. ال ءورت ءسوندىرۋ ءبولىمىنىڭ پلاتسىنداعى ستەلاعا گۇل شوقتارى قويىلدى.

 

پاۆلودار وبلىسى

 

سوڭعى جاڭالىقتار

ءۇي سالعانعا – ۇلكەن كومەك

قوعام • بۇگىن، 08:05

ەكونوميكا دامۋ جولاعىنا شىقتى

ەكونوميكا • بۇگىن، 07:58

تۇركىستاننىڭ جاڭا ءداۋىرى

قوعام • بۇگىن، 07:55

ۇقساس جاڭالىقتار