ايماقتار • 22 قازان، 2020

الماتى وبلىسىندا 6 485 مەديتسينا قىزمەتكەرى ۇستەماقى الدى

8 رەت كورسەتىلدى

الماتى وبلىسىندا بيىلعى جىلى  12،9 ملرد تەڭگەگە 17 دەنساۋلىق ساقتاۋ نىسانى سالىنۋدا، 7 نىساننىڭ كۇردەلى جوندەۋىنە 3،0 ملرد تەڭگە بولىنگەن، دەپ حابارلايدى Egemen.kz الماتى وبلىسى اكىمىنىڭ ءباسپاسوز قىزمەتىنە سىلتەمە جاساپ.

سونىڭ ىشىندە جامبىل اۋدانىنداعى پەرزەنتحانا مەن كوكسۋ اۋدانىنداعى دارىگەرلىك امبۋلاتوريا، تالدىقورعانداعى 200 توسەكتىك، بارلىق قاجەتتى زاماناۋي قۇرالدارمەن جابدىقتالعان جانە شتاتى جيناقتالعان (452 مەدپەرسونال) ءمودۋلدى جۇقپالى اۋرۋلار اۋرۋحاناسى قولدانىسقا بەرىلدى.

اماندىق باتالوۆتىڭ ايتۋىنشا، وبلىستا ەپيدەميولوگيالىق جاعداي تۇراقتى. كوروناۆيرۋسپەن اۋىرعاندار سانىنىڭ سوڭعى اپتاداعى ءوسۋ قارقىنى - 0،1%. قازىرگى كەزدە 115 ادام ەم قابىلداپ جاتىر.

مەملەكەت باسشىسىنىڭ تاپسىرماسىنا سايكەس ىندەتپەن كۇرەسكە جەرگىلىكتى بيۋدجەتتەن 13 ملرد تەڭگە ءبولىندى، سونىڭ 8،1 ملرد تەڭگەسى ەكىنشى تولقىنىنا دايىندىققا قاراستىرىلعان. 3 كومپيۋتەرلىك توموگراف، 18 رەنتگەن اپپاراتى، 150  يۆل اپپاراتى جانە باسقا دا مەديتسينالىق قۇرال-جابدىقتار ساتىپ الىندى. سونىمەن قاتار دەمەۋشىلەر كومەگىمەن 31 يۆل اپپاراتى، 510 كيسلورود كونتسەنتراتورلارى، 22 سانيتارلىق اۆتوكولىك، 208،3 مىڭ جەكە قورعانىس قۇرالدارى الىندى. 180 جەدەل جاردەم كولىگى، 12 جىلجىمالى مەديتسينالىق كەشەن ساتىپ الىندى. جەدەل جاردەم بريگاداسىنىڭ سانى 165-تەن 205-كە جەتكىزىلدى.

وبلىستا  قۋاتى تاۋلىگىنە 4،5 مىڭ زەرتتەۋ جاساۋعا جەتەتىن 8 زەرتحانا بار (4 - مم، 4 كوممەرتسيالىق). ولاردا بارلىعى 207 مىڭ پتسر-زەرتتەۋ جاسالعان.

"كادر ماسەلەسى دە شەشىلۋدە. مەديتسينا ماماندارىن س.اسفەندياروۆ اتىنداعى قازاق ۇلتتىق مەديتسينا ۋنيۆەرسيتەتىمەن بىرلەسىپ دايىنداۋ ماقساتىندا 274 دارىگەر وقىتىلدى. مەديتسينا ماماندارىنىڭ تۇرعىن ءۇي ماسەلەلەرىن شەشۋ ءۇشىن بيىلعى جىلى 756 ملن.تەڭگەگە 127 پاتەر ساتىپ الىندى، جىل سوڭىنا دەيىن تاعى 64 ماماندى باسپانامەن قامتاماسىز ەتەمىز. كەلەسى جىلى مەديتسينا قىزمەتكەرلەرى ءۇشىن تالدىقورعاندا 60 پاتەرلى تۇرعىن ءۇي سالىناتىن بولادى. سول سياقتى 5362 مامان 4،7 ملرد تەڭگە سوماسىندا ۇستەماقى الدى، 1123 قىزمەتكەرگە جەرگىلىكتى بيۋدجەتتەن جالپى سوماسى 137 ملن تەڭگە بولاتىن سىياقى بەرىلدى. ىندەتتىڭ ەكىنشى تولقىنىنا دايىندىق جۇمىستارى ەرەكشە باقىلاۋدا"، دەدى ا. باتالوۆ.

سوڭعى جاڭالىقتار

ەرتەڭىن ويلاعان ەكپە الادى

كوروناۆيرۋس • بۇگىن، 16:53

عارىشتان انىقتالعان قوقىستار

ەكولوگيا • بۇگىن، 08:24

ۆيرۋس جۇقتىرۋ توقتاماي تۇر

كوروناۆيرۋس • بۇگىن، 08:16

ءورت سوندىرگەن وجەتتەر

ايماقتار • بۇگىن، 08:12

ەرلىككە بەرگىسىز ەڭبەك

قوعام • بۇگىن، 08:09

ۇقساس جاڭالىقتار