قوعام • 22 قازان، 2020

شەكارادا كارانتيندىك شارالار كۇشەيدى

18 رەت كورسەتىلدى

الەمدە COVID-19 ينفەكتسياسىنا قاتىستى جاعداي ۋشىعىپ بارادى. ەۋروپا مەن ازيانىڭ كەيبىر ەلدەرىندە كوروناۆيرۋس ينفەكتسياسىن جۇقتىرعاندار سانى وسۋدە. بۇل تۋرالى ورتالىق كوممۋنيكاتسيالار قىزمەتىندە وتكەن بريفينگتە دەنساۋلىق ساقتاۋ ۆيتسە-ءمينيسترى اجار عينيات مالىمدەدى.

 

«الەمدە كۇن سايىن ناۋقاس سانى وسۋدە. بۇگىندە 215 ەلدە 41 022 518 كۆي جاعدايى تىركەلگەن، سىرقاتتىڭ ءوسۋى – 1،1 پايىز. 1 128 931 ادام قايتىس بولدى، ءولىم كورسەتكىشى – 2،8 %»، دەدى ا.عينيات.

وسىعان بايلانىستى 2020 جىلدىڭ 6 قازانىنان باستاپ شەكارادا سانيتارلىق-كارانتيندىك باقىلاۋ كۇشەيتىلدى. بۇگىنگە دەيىن اۆتوموبيل وتكىزۋ پۋنكتتەرى ارقىلى 73 591 قازاقستان رەسپۋبليكاسىنىڭ ازاماتى مەن شەتەلدىك، ونىڭ ىشىندە 21 591 جولاۋشى كەلدى، 5 967 ادام كارانتيندىك ستاتسيونارعا جاتقىزىلدى، ولاردىڭ ىشىندە 122 ادامدا اۋرۋ انىقتالدى. حالىقارالىق اۋە رەيستەرمەن 34 446 جولاۋشى كەلدى، ونىڭ ىشىندە 5 925 ادام تەستتەن ءوتتى، 17 ادامنان اۋرۋ انىقتالدى.

«21 قازانداعى جاعداي بويىنشا 109 766 ناۋقاس تىركەلدى، سوڭعى تاۋلىكتە 143 ادام COVID-19 جۇقتىرعان، 1 803 ادام قايتىس بولدى. COVID-19-دىڭ (پتر -) 36 200 ىقتيمال جاعدايى تىركەلدى، ونىڭ ىشىندە 28 318 ادام ساۋىعىپ شىقتى، 388 ادام قايتىس بولدى. سوڭعى تاۋلىكتە 220 جاعداي تىركەلدى»، دەدى ۆيتسە-مينيستر.

 

قازاقستان اۋە رەيستەرىنىڭ سانىن قىسقارتادى

الەمدەگى ەپيدەميالىق جاعدايدىڭ ۋشىعۋىنا بايلانىستى ۆەدومستۆوارالىق كوميسسيا شەكاراداعى باقىلاۋدى قوسىمشا كۇشەيتۋ تۋرالى ۇسىنىستى ماقۇلدادى. ال 26 قازاننان باستاپ اۋە رەيستەرىنىڭ سانى قىسقارتىلادى، دەپ حابارلادى دەنساۋلىق ساقتاۋ ۆيتسە-ءمينيسترى.

«26 قازاننان باستاپ مىنا ەلدەرگە اۋە رەيس­تەرىنىڭ سانى قىسقارتىلادى: ۋكراي­نا­مەن اپتاسىنا 6-دان 1 رەيسكە دەيىن، بىرىككەن اراب امىرلىكتەرىمەن اپتاسىنا 24-تەن 16 رەيسكە دەيىن، گەرمانيامەن اپتاسىنا 6-دان 4 رەيسكە دەيىن، بەلارۋس رەس­پۋب­ليكاسىمەن اپتاسىنا 9-دان 4 رەيسكە دەيىن، تۇركيامەن اپتاسىنا 18 رەيسكە دەيىن قىس­قارتىلدى، قاراشادان باستاپ 6 رەيس بو­لادى. قازاقستانعا كەلەتىن ازاماتتاردا مىندەتتى تۇردە تاپسىرىلعانىنا 72 ساعاتتان اسپاعان پتر-تەست ناتيجەسى بولۋى قاجەت. ەگەر انىقتاما بولماسا، قازاقستاندىقتار ەكى تاۋلىككە دەيىن كارانتيندىك ستاتسيونارعا جاتادى»، دەپ ايتىپ ءوتتى ول.

 

COVID-19 جۇقتىرعاندار سانى ءبىر اپتادا 14%-عا ارتتى

ەلدەگى ەپيدەميالىق جاعداي ءالى دە تۇراقتى. سونىمەن قاتار سوڭعى اپتادا ايماقتاردا COVID-19 شالدىققاندار قاتارى 14%-عا وسكەن.

«وتكەن اپتادا ايماقتاردا COVID-19 سىرقات­تانۋشىلىق 14%-عا ارتقانى باي­قال­دى. سونىمەن قاتار، اۋرۋدىڭ 66%-ى 6 وبلىستا: نۇر-سۇلتان (93)، الماتى (73)، سولتۇستىك قازاقستان (82)، شىعىس قازاقستان (80)، پاۆلودار (64) جانە اتىراۋ (54) وبلىس­تا­­رىندا كەزدەسەدى»، دەدى ا.عينيات.

وسىعان بايلانىستى ايماقتارداعى ەپي­­دە­­ميالىق احۋالدى ەسكەرە وتىرىپ، 12 وبلىستىڭ – نۇر-سۇلتان، الماتى قالا­لارىنىڭ، سولتۇستىك قازاقستان، باتىس قازاقستان، اقمولا، ماڭعىستاۋ، الماتى، پاۆلودار، قوستاناي، شىعىس قازاقستان، قارا­عاندى، جامبىل وبلىستارىنىڭ اكىم­دىك­تەرى كۇشەيتىلگەن شارالار قابىلدادى.

 

250 وقۋشى كۆي جۇقتىرعان

وقۋ جىلى باستالعالى وقۋشىلار اراسىندا كۆي-ءدىڭ 250 جاعدايى تىركەلدى. كەزەكشى سىنىپتاردا وقيتىن بالالار اراسىندا 105 جاعداي تىركەلدى، 1426 ادام بايلانىستا بولعان، ولاردىڭ 19-نان اۋرۋ انىقتالدى. قاشىقتان ءبىلىم الاتىن بالالار اراسىندا 145 جاعداي تىركەلدى، 348 ادام بايلانىستا بولعان، 22-نەن اۋرۋ انىقتالدى.

وڭىرلەردە، اسىرەسە شىعىس قازاقستاندا ناۋقاس كوپ تىركەلگەن – 69 ادام نەمەسە رەس­پۋبليكا بويىنشا جالپى جاعدايدىڭ 31%، سولتۇستىك قازاقستان – 30، قاراعاندىدا – 26، قوستاناي وبلىستارىندا – 17 جاعداي.

«كارانتين كەزىندە جۇمىس ىستەپ تۇرعان مەك­تەپتەردىڭ اراسىندا تالاپتاردى ورىن­دا­ماعان وقۋ ورىندارى بار. مەكتەپتەردە ءتۇسىندىرۋ جۇمىستارى جۇرگىزىلدى. ءبىلىم باس­قار­مالارى باسشىلارىنىڭ جانە مەكتەپ ديرەكتورلارىنىڭ قاتىسۋىمەن كەڭەستەر وتكى­زىلدى، وندا مونيتورينگ بارىسىندا انىق­تال­عان بارلىق فاكتى تالقىلاندى»، دەدى ۆيتسە-مينيستر.

 

ءۇش وڭىردە پتر-تەستىلەۋ كولەمى ارتقان

قازاقستان رەسپۋبليكاسىنىڭ ءۇش وڭىرىندە – پاۆلودار، تۇركىستان جانە الماتى وبلىس­تا­رىندا پتر-تەستىلەۋمەن قامتۋ كورسەتكىشى جاقساردى. پاۆلوداردا كورسەتكىش 79-دان 206-عا دەيىن، تۇركىستاندا 71-دەن 176-عا دەيىن جانە الماتى وبلىسىندا 70-تەن 236-عا دەيىن جاقساردى. التى وڭىردە – اتىراۋ، شىعىس قازاقستان، باتىس قازاقستان، ماڭعىستاۋ، وبلىستار، الماتى جانە نۇر-سۇلتان قالالارىندا جوسپارلى قۋاتتىلىق كورسەتكىشى رەسپۋبليكالىق كورسەتكىشتەن جوعارى. پتر-تەست تاپسىرعاندار قاتارى كوبەيۋىنە بايلانىستى COVID-19-عا جۇق­تىر­عانى انىقتالعاندار سانى دا ارتۋدا. قازىرگى ۋاقىتتا زەرتحانالار تاۋلىگىنە 58 مىڭعا جۋىق تەست جاساي الادى. پرەزيدەنتتىڭ تاپسىرماسىمەن پتر تەستىلەۋ ءتاريفىن تومەندەتۋ بويىنشا جۇمىستار جۇرگىزىلدى: مەملەكەتتىك سەكتوردا 30% (11،5-تەن 8 مىڭ تەڭگەگە دەيىن)، جەكە سەكتوردا 40% دەيىن («وليمپ» 15-تەن 9 مىڭ تەڭگەگە دەيىن).

 

قايتىس بولعان دارىگەرلەرگە عانا وتەماقى تولەۋدى ۇسىنادى

دەنساۋلىق ساقتاۋ مينيسترلىگى مەديتسينا قىزمەتكەرلەرىنە تولەمدەردى توقتاتۋ ماسەلەسىن قاراستىرۋدا، وسىعان بايلانىس­تى 2020 جىلدىڭ 20 قازانىنان باستاپ اۋرۋ جۇقتىرعان مەديتسينا قىزمەتكەرلەرىنە وتەماقى تولەۋگە جاڭا وتىنىمدەردى قابىل­داۋ­دى توقتاۋى مۇمكىن. بۇل تۋرالى دەنساۋلىق ساق­تاۋ ءمينيسترىنىڭ ءبىرىنشى ورىنباسارى مارات شورانوۆ مالىمدەدى.

«2020 جىلدىڭ 20 قازانىنان باستاپ ايماقتىق كوميسسيالار مەديتسينا قىز­مەت­كەر­لەرىنە الەۋمەتتىك تولەمدەرگە جاڭا ءوتى­نىم قابىلداۋدى توقتاتادى. ال جالپى ىندەت جۇقتىرعان 12 983 مەديتسينا قىز­مەت­­كەرىنىڭ 9 309-ى تولەم الادى»، دەدى م.شورانوۆ.

بۇگىنگى تاڭدا COVID-19-دەن قايتىس بولعان 182 مەديتسينا قىزمەتكەرىنىڭ وتباسى وتەماقى الدى، بۇل تولەمدەر الداعى ۋاقىتتا دا ساقتالادى. جۇمىستا ءجۇرىپ COVID-19 جۇقتىرعان مەديتسينا قىزمەتكەرلەرىنە كەلسەك، 2020 جىلعى 19 قازانداعى جاعداي بو­يىنشا 8 863 مامان ۇستەمەاقى الدى.

«مەديتسينا قىزمەتكەرلەرى ىندەتتى جۇ­مىس­تا جۇقتىرعان جاعدايدا، مەديتسينالىق ۇيىم مەن جەرگىلىكتى اتقارۋشى ورگاندار قول­­داۋ كورسەتۋى ءتيىس، بۇل مەديتسينا قىز­مەت­كەر­لەرىن قاجەتتى قورعانىس قۇرال­دا­رىم­ەن قام­تاماسىز ەتۋگە تۇرتكى بولادى»، دەدى ءبىرىن­شى ۆيتسە-مينيستر.

مەديتسينالىق ۇيىمداردا سانيتارلىق-ەپي­دەميالىق نورمالار ساقتالادى («تازا» جانە «لاس» ايماقتارعا ءبولۋ، ادام­دار اعى­نىن ءبولۋ جانە باسقالار). مەدي­تسي­نا قىز­مەتكەرلەرى جەكە قورعانىس جانە دە­زين­­فەكتسيا قۇرالدارىمەن جەتكىلىكتى مول­­شەردە قامتاماسىز ەتىلگەن ء(ۇش ايعا ار­نال­­عان قور): ءبىر رەت قولدانىلاتىن قور­عا­­­نىس كوستيۋمدەرىنىڭ سانى – 82 كۇنگە (3 اي); قايتا پايدالانۋعا بولاتىن قورعانىس كوس­­تيۋمدەرىنىڭ سانى – 12 كۇنگە; ءبىر رەت قول­دا­نى­لاتىن ماسكا سانى – 101 كۇنگە (3،5 اي); رەسپيراتور سانى (بارلىق تۇرلەرى) – 34 كۇن; ءبىر رەت قولدانىلاتىن قولعاپتار سانى – 37 كۇن; انتيسەپتيك سانى (ليترمەن) 76 كۇنگە جەتەدى.

سونىمەن قاتار مەملەكەت باسشىسىنىڭ تاپسىرماسىمەن COVID-19-عا قارسى كۇرەسكە تارتىلعان مەديتسينا قىزمەتكەرلەرىن ىنتالاندىرۋ جانە قولداۋ ءۇشىن ۇستەمەاقى تولەۋ جالعاسۋدا (ناۋرىزدان قىركۇيەككە دەيىن جالپى سوماسى 84،4 ملرد تەڭگەگە تولەندى، قوسىمشا: 137 ملرد تەڭگە جىل سوڭىنا دەيىن).

سوڭعى جاڭالىقتار

اراق ساتىلمايتىن اۋدان

ايماقتار • بۇگىن، 21:11

ەرلىككە تولى سۋرەتتەر

رۋحانيات • بۇگىن، 13:05

كيىكتەردىڭ تولدەۋ كەزەڭى باستالدى

فوتوگالەرەيا • بۇگىن، 12:07

ۇقساس جاڭالىقتار