ايماقتار • 20 قازان، 2020

ءموبيلدى توپتار ەكى جۇزدەن استام شوب سۋبەكتىسىن تەكسەردى

7 رەت كورسەتىلدى

نۇر-سۇلتان پوليتسەيلەرى كارانتين رەجيمىن ساقتاۋ بويىنشا تەكسەرىستى جالعاستىرۋدا. ءموبيلدى توپتار كاسىپكەرلىك سۋبەكتىلەرگە كۇندەلىكتى تۇنگى جانە كۇندىزگى رەيدتەر وتكىزىپ، ءتارتىپ بۇزۋشىلاردى انىقتاپ، ولاردى جاۋاپكەرشىلىككە تارتتى، - دەپ حابارلايدى Egemen.kz

سونىمەن قاتار، پوليتسەيلەر ازاماتتارعا كوروناۆيرۋس ينفەكتسياسىنىڭ تارالۋىنا جول بەرمەۋ ءۇشىن كارانتين رەجيمىن ساقتاۋدىڭ ماڭىزدىلىعىن ءتۇسىندىرۋدى جالعاستىرۋدا. كوپتەگەن قالا تۇرعىندارعا كوپشىلىك جينالاتىن ورىندارعا، ساياباقتارعا، سكۆەرلەرگە، بازارلارعا بارعان كەزدە پد قىزمەتكەرلەرى ساقتىق شارالارىن ەسكە سالدى. ازاماتتاردى قوعامدىق ورىنداردا جاۋاپتى بولۋعا، سانيتارلىق نورمالار مەن الەۋمەتتىك قاشىقتىقتى مىندەتتى تۇردە ساقتاۋعا شاقىردى.

ء"بىر تاۋلىك ىشىندە پوليتسەيلەر تاۋارلار مەن كورسەتىلگەن قىزمەتتەردىڭ ساپاسى مەن قاۋىپسىزدىگىن باقىلاۋ باسقارماسىنىڭ وكىلدەرىمەن بىرلەسىپ، 224 كاسىپكەرلىك نىسانىن تەكسەردى. 20 نىسان كارانتين تالاپتارىن بۇزعان. بارلىق ءتارتىپ بۇزۋشىلار قر اقبتك-ءنىڭ 425-بابى بويىنشا اكىمشىلىك جاۋاپكەرشىلىككە تارتىلدى"، - دەلىنگەن پد تاراتقان حابارلامادا.

نۇر-سۇلتان قالاسىنىڭ پوليتسيا دەپارتامەنتى قولدانىستاعى زاڭناماعا سايكەس زاڭ بۇزۋشىلار جاۋاپقا تارتىلاتىنىن ەسكە سالادى. تۇرعىندار مىندەتتى تۇردە ماسكا تاعۋ، قاشىقتىقتى ساقتاۋ، سانيتايزەرلەردى پايدالانۋ قاجەت.

سوڭعى جاڭالىقتار

ەلوردادا قىلمىس سانى 20%-عا ازايدى

ايماقتار • بۇگىن، 15:24

ىندەت جۇقتىرعاندار سانى كوبەيدى

كوروناۆيرۋس • بۇگىن، 13:58

ۇقساس جاڭالىقتار