ايماقتار • 20 قازان، 2020

ەتنوسارالىق سالا بويىنشا مونيتورينگتىك توپ تۇركىستان وبلىسىنا باردى

10 رەت كورسەتىلدى

اكىمدىكتەردىڭ ەتنوسارالىق قاتىناستاردى رەتتەۋ سالاسىنداعى پراكتيكالىق جۇمىسىمەن تانىسۋ، سونداي-اق ادىستەمەلىك كومەك كورسەتۋ ماقساتىندا اعىمداعى جىلعى 14-19 قازان ارالىعىندا ەتنوسارالىق قاتىناستاردى دامىتۋ كوميتەتى توراعاسىنىڭ ورىنباسارى ع.ن. شويكين باستاعان اقپارات جانە قوعامدىق دامۋ مينيسترلىگىنىڭ مونيتورينگتىك توبى جۇمىس ساپارىمەن تۇركىستان وبلىسىنا باردى.

ساپار بارىسىندا مينيسترلىك وكىلدەرى اكىمدىك بولىمشەلەرىنىڭ مەملەكەت باسشىسىنىڭ ەتنوسارالىق قاتىناستار سالاسىنداعى جۇمىس جۇيەسىن جاڭعىرتۋ جونىندەگى تاپسىرمالارىن ورىنداۋى بويىنشا جۇرگىزىلىپ جاتقان جۇمىسپەن تانىستى.

ساپار شەڭبەرىندە مەملەكەتتىك ورگانداردىڭ ەتنوسارالىق سالاداعى وزەكتى مىندەتتەرى تالقىلانىپ، مينيسترلىك ازىرلەگەن ادىستەمەلىك ۇسىنىمدار مەن جۇمىستى ۇيىمداستىرۋدىڭ جاڭا تاسىلدەرى ءتۇسىندىرىلدى. ەتنوسارالىق كەلىسىمدى قامتاماسىز ەتۋ بويىنشا تالداۋ، ادىستەمەلىك، اقپاراتتىق، اقپاراتتىق-ءتۇسىندىرۋ قىزمەتى، سونداي-اق ەتنوسارالىق شيەلەنىس پەن قاقتىعىستىقتىڭ الدىن الۋ ماسەلەلەرى بويىنشا ورتالىق جانە وڭىرلىك دەڭگەيلەردەگى بىرلەسكەن جۇمىستىڭ ۇيلەستىرىلۋى مەن ءوزارا ءىس-قيمىل الگوريتمدەرى كەلىسىلدى.
مونيتورينگتىك توپ اۋداندىق اكىمدىكتەردىڭ ەتنوسارالىق قاتىناستاردى دامىتۋ سالاسىندا جۇرگىزىلىپ جاتقان جۇمىسىمەن تانىستى. كەنتاۋ قالاسىنا، سايرام، سارىاعاش، كەلەس، تولەبي جانە تۇلكىباس اۋداندارىنا ساپارلار ۇيىمداستىرىلدى. جەرگىلىكتى جەرلەردە جەرگىلىكتى ەتنومادەني بىرلەستىكتەرىنىڭ باسشىلارىمەن كەزدەسۋلەر وتكىزىلدى، وندا قازاقستان حالقى اسسامبلەياسى جۇمىسىنىڭ تيىمدىلىگىن ارتتىرۋ، ونىڭ قىزمەتىن ەتنوستاردى بىرىكتىرۋگە، جاستار اراسىندا ازاماتتىق بىرەگەيلىك پەن ءپاتريوتيزمدى قالىپتاستىرۋ ماسەلەلەرى تالقىلاندى. جەرگىلىكتى مەملەكەتتىك جانە قۇقىق قورعاۋ ورگاندارىنىڭ وكىلدەرىمەن، سونداي-اق ەتنوس توپتارى شاعىن تۇراتىن اۋىلداردىڭ (شورناق، ىنتىماق، اباي، قارابۇلاق، ازاتلىق، حانارىق اۋىلدارى) جاۋاپتى قىزمەتكەرلەرىمەن جەكەلەگەن كونسۋلتاتسيالار وتكىزىلدى.

ساپار سوڭىندا كەنتاۋ قالاسى، سايرام، تولەبي، سارىاعاش، كەلەس، ماقتاارال، جەتىساي، تۇلكىباس اۋداندارى اكىمدەرىنىڭ ورىنباسارلارى، اۋداندىق ىشكى ساياسات بولىمدەرىنىڭ باسشىلارى، وبلىستىق «قوعامدىق كەلىسىم» رمم جانە ونىڭ اۋداندىق فيليالدارىنىڭ قىزمەتكەرلەرى ءۇشىن قورىتىندى سەمينار ۇيىمداستىرىلدى.
سەميناردا ەتنوسارالىق قاتىناستار سالاسىنداعى مەملەكەتتىك ساياساتتى ىسكە اسىرۋدىڭ نەگىزگى باسىمدىقتارى بەلگىلەنىپ، ءوڭىردىڭ ەرەكشەلىكتەرى ىسكەرىلىپ وسى سالاداعى جۇمىستى ۇيىمداستىرۋ بويىنشا ناقتى ۇسىنىمدار بەرىلدى.

سوڭعى جاڭالىقتار

الەم كۋبوگى وتەدى

سپورت • كەشە

ۇقساس جاڭالىقتار