ايماقتار • 20 قازان، 2020

قازاقستاندا جانۋارلاردىڭ اسا قاۋىپتى 45 اۋرۋ ءتۇرى بويىنشا جاعداي تۇراقتى

13 رەت كورسەتىلدى

قر ۇكىمەت وتىرىسىندا اۋىل شارۋاشىلىعى ءمينيسترى قازاقستانداعى ۆەتەرينارلىق جانە فيتوسانيتارلىق قاۋىپسىزدىك تۋرالى ايتتى

ساپارحان وماروۆ 2020 جىلى قازاقستاندا تۇراقتى كارانتيندىك فيتوسانيتاريالىق احۋال ساقتالىپ وتىرعانىن اتاپ ءوتتى. ەگىستىك القاپتارىنا شەگىرتكەنىڭ زيان كەلتىرىلۋىنە جول بەرىلمەدى، رەسپۋبليكا بويىنشا تىكەنەكتى القا كارانتيندىك ءارامشوپتىڭ تارالۋ وشاعى جويىلدى، امەريكالىق اق كوبەلەكتىڭ، كاليفورنيالىق قالقانشالى سىمىردىڭ، جاتاعان ۋ كەكىرەنىڭ تارالۋ الاڭى تومەندەدى. وسىنىڭ ارقاسىندا وتاندىق وسىمدىك شارۋاشىلىعى ءونىمىنىڭ ەكسپورتى شەكتەلمەدى.

اۋىل شارۋشىلىعى ءمينيسترىنىڭ ايتۋىنشا، ەلىمىزدە ەپيزووتيالىق جاعداي دا تۇراقتى. جانۋارلاردىڭ اسا قاۋىپتى اۋرۋلارىنىڭ 45 ءتۇرى بويىنشا قازاقستان قولايلى مارتەبەگە يە. وسىنىڭ ارقاسىندا 3 مىڭعا جۋىق قازاقستاندىق اۋىل شارۋاشىلىعى وندىرۋشىلەرى الەمنىڭ 72 ەلىنە مال شارۋاشىلىعى ءونىمىنىڭ 551 ءتۇرىن كەدەرگىسىز ەكسپورتتاي الادى. رەسپۋبليكا اۋماعىندا تارالۋ قاۋپى جوعارى جانۋارلاردىڭ اسا قاۋىپتى اۋرۋلارىنىڭ باسقا 23 تۇرىنە بويىنشا دياگنوستيكا جانە ۆاكتسيناتسيا باعىتىندا ارنايى ۆەتەريناريالىق-پروفيلاكتيكالىق ءىس-شارالار جۇرگىزىلەدى.

ۆەتەريناريالىق باقىلاۋ جانە قاداعالاۋ كوميتەتى قىزمەتتەرى وسى جىلدىڭ 9 ايىندا جانۋارلار مەن قۇستاردى ۆاكتسيناتسيالاۋ بويىنشا 122،2 ملن مانيپۋلياتسيا جۇرگىزدى. سونىمەن قاتار، قۇتىرۋ اۋرۋىنىڭ وشاقتارى كوبەيگەنى بايقالادى. 2005 جىلدان بەرى رەسپۋبليكا اۋماعىندا بولماعان قۇس تۇماۋى تىركەلدى.

"7 وبلىستا قۇس ءولىمى تىركەلىپ، ونىڭ ىشىندە جوعارى پاتوگەندى قۇس تۇماۋىنا شالدىققان دەگەن كۇدىك نەمەسە راستالعان جاعدايلار دا بار. جەكە اۋلالاردا 26،5 مىڭ باس، 3 قۇس فابريكاسىندا 847،4 مىڭ قۇس قىرىلدى. وسىلايشا، جوعارعى پاتوگەندى قۇس تۇماۋىنان 873،9 مىڭ باس قاناتتىلار ولگەن. بۇل رەسپۋبليكاداعى قۇستاردىڭ جالپى سانىنىڭ 1،9%-ىن قۇرايدى"، - دەپ حابارلادى مينيستر.

ونىڭ ايتۋىنشا، ينفەكتسيانىڭ ءاربىر وشاعىندا كارانتين جاريالانىپ، قۇستار مەن قۇس شارۋاشىلىعى ونىمدەرىن الىپ كەلۋگە جانە الىپ كەتۋگە تىيىم سالىندى. بۇدان باسقا، ينفەكتسيا وشاعىن وقشاۋلاۋ جانە جويۋ بويىنشا شارالار جۇرگىزىلىپ، رەسپۋبليكالىق قوردان جابايى قۇستاردىڭ ۇشىپ ءوتۋ جولىندا ءماجبۇرلى تۇردە ۆاكتسيناتسيالاۋ ءۇشىن قۇس تۇماۋىنا قارسى ۆاكتسيناسىنىڭ قوسىمشا 4،4 ملن دوزاسى ءبولىندى.

"بۇگىندە بارلىق جەتى وبلىستىڭ جەكە اۋلالارىندا قۇس ءولىمى توقتاتىلدى، ءۇش قۇس فابريكاسىندا ولگەن قۇستاردىڭ سانى ازايۋدا، اۋرۋ قۇستاردى جويۋ جانە ولاردىڭ يەلەرىنە وتەماقى تولەۋ بويىنشا جۇمىستار جۇرگىزىلۋدە"، - دەپ تولىقتىردى ساپارحان وماروۆ.

تاقىرىپتى جالعاستىرا وتىرىپ، مينيستر اعىمداعى جىلى قر پرەزيدەنتى پەن پرەمەر-ءمينيستردىڭ قولداۋىمەن رەسپۋبليكادا ۆەتەريناريالىق باقىلاۋ قىزمەتى كۇشەيتىلگەنىن جانە قازاقستان-رەسەي جانە قازاقستان-قىرعىزستان شەكاراسىندا 32 ۆەتەريناريالىق جانە فيتوسانيتاريالىق باقىلاۋ پۋنكتتەرى ۇيىمداستىرىلعانىن، بۇل قاۋىپسىز ەمەس ءونىمدى الىپ كەلۋگە باقىلاۋدى كۇشەيتۋگە ىقپال ەتكەنىن اتاپ ءوتتى.

"2020 جىلدىڭ باسىنان بەرى ۆەتەريناريا سالاسىنداعى زاڭنامانى بۇزعانى ءۇشىن 2،4 مىڭ جەكە جانە زاڭدى تۇلعاعا 86،2 ملن تەڭگە ايىپپۇل سالىندى. كارانتينگە جاتقىزىلعان ءونىمدى يمپورتتاۋ كەزىندە وسىمدىكتەر كارانتينى سالاسىندا 3 مىڭنان استام زاڭ بۇزۋشىلىق انىقتالىپ، 137 ملن تەڭگە ايىپپۇل سالىندى. بۇل 2019 جىلدىڭ سايكەس كەزەڭىمەن سالىستىرعاندا 5 ەسەگە ارتىق"، - دەدى س.وماروۆ.

اۋىل شارۋاشىلىعى ءمينيسترى رەسپۋبليكاداعى ۆەتەرينارلىق جانە فيتوسانيتارلىق قاۋىپسىزدىكتى جاقسارتۋ ءۇشىن بىرقاتار جۇيەلى ماسەلەلەردى شەشۋ قاجەتتىگىن اتاپ ءوتتى. اتاپ ايتقاندا، قۇستار مەن جانۋارلاردىڭ قاۋىپتى اۋرۋلارىنىڭ تارالۋنا جول بەرمەۋ ءۇشىن "كاسىپكەرلىك سۋبەكتىلەرىن تەكسەرۋگە" موراتوري قولدانىسىنان "پروفيلاكتيكالىق ۆەتەريناريالىق جانە فيتوسانيتاريالىق" تەكسەرۋ تۇرلەرىن شىعارۋ قاجەت.

بۇدان باسقا، ينفەكتسيانىڭ تارالۋ وشاقتارىن جەدەل وقشاۋلاۋ ءۇشىن اكىمدىكتەردىڭ كارانتيندى ەنگىزۋ تۋرالى شەشىمدەرىن كەلىسۋ جانە بەكىتۋ مەرزىمدەرىن 1 كۇنگە دەيىن قىسقارتۋ قاجەت. بۇگىنگى تاڭدا بۇل پروتسەدۋراعا 15 كۇن كەتەدى ەكەن.

سوڭعى جاڭالىقتار

دوللار قايتا ارزانداي باستادى

ەكونوميكا • بۇگىن، 11:26

قاسقىر بەينەلى قاسىق

تاريح • بۇگىن، 09:01

رۋح بەينەسى

ونەر • بۇگىن، 08:52

كيمەشەك

رۋحانيات • بۇگىن، 08:49

وزىمىزگە ءوزىمىز جاساعان قاستىق

كوروناۆيرۋس • بۇگىن، 08:47

جول بويىندا «جىلقى» تۇر

ايماقتار • بۇگىن، 08:45

الاياقتاردان اباي بولايىق

قوعام • بۇگىن، 08:41

قامقورلىق – كوڭىلگە دەمەۋ

ايماقتار • بۇگىن، 08:38

Aulafit اۋرۋدان قورعايدى

ايماقتار • بۇگىن، 08:36

اۋىلداعىنىڭ اقشاسى از

قوعام • بۇگىن، 08:25

مۇناي ءوندىرۋ ارتادى

ەكونوميكا • بۇگىن، 08:11

سەناتور – سايلانعان وڭىرىندە

ساياسات • بۇگىن، 07:51

«ساتەمىر حان» كىم؟

رۋحانيات • كەشە

«ەسىل وزەن»

ونەر • كەشە

تاسادا قالعان تۇلعا

تاريح • كەشە

ۇقساس جاڭالىقتار