ايماقتار • 20 قازان، 2020

ەلوردالىق دارىگەرلەر بوسانۋ كەزىندە انا مەن بالانىڭ ءومىرىن ساقتاپ قالدى

39 رەت كورسەتىلدى

نۇر-سۇلتاندا № 3 كوپبەيىندى اۋرۋحانادا بوسانۋ كەزىندە كۇردەلى وتا جاسالىپ، دارىگەرلەر انا مەن بالانىڭ ءومىرىن ساقتاپ قالدى. وتانىڭ ەرەكشەلىگى - قان كەتىرمەي، جاتىردى ساقتاپ، ۇرىق جولداسىن ءبولىپ الۋ.

"بىزگە ورالدان جۇكتىلىگىنە 37 اپتا بولعان ناۋقاس ايەل كەلىپ ءتۇستى. ايەلدىڭ كەسار تىلىگىمەن تۋعان ءۇش بالاسى بار. ۋدز-دا وعان بۇرىن جاسالعان كەسار تىلىگىنەن “پلاتسەنتا تىرتىققا اينالعان” دەگەن دياگنوزى قويىلدى. ۇرىق جولداسى قۋىققا دەيىن وسكەن دەگەن كۇدىك بولدى. كەشە ءبىز جاتىردىڭ گرىجاسىن ياعني پلاتسەنتانىڭ جاتىرعا، مەتروپلاستيكاعا اينالۋ ايماعىنا تومەنگى كەسىر تىلىگىن جاسادىق، وسىلايشا جاتىردى ساقتاپ قالدىق. بۇگىن ايەل بالاسىمەن، كۇيەۋىمەن بىرگە پالاتادا جاتىر. ونىڭ جاعدايى تۇراقتى. سالماعى 3135 گرامم، بويى 52 سانتيمەتر دەنى ساۋ قىز بالا دۇنيەگە كەلدى. ياعني ءبىز جاڭا تۋعان نارەستە مەن انانىڭ ءومىرىن دە، اعزاسىن دا ساقتاي الدىق"، - دەدى جوعارى ساناتتى اكۋشەر-گينەكولوگ، PHD دوكتورى، قر دەنساۋلىق ساقتاۋ ءىسىنىڭ ۇزدىگى، SunLife مو باس دارىگەرى ايگۇل دۇيسەمباەۆا.

№ 3 كوپسالالى اۋرۋحانادا مۇنداي وپەراتسيالار بەس جىلدان بەرى جاسالىپ كەلەدى. جۇكتى ايەلدەردە پلاتسەنتانىڭ ءوسۋى جاعدايلارى وتە سيرەك، بىراق كەسار تىلىگىنىڭ كەسىرىنەن سوڭعى كەزدە ءجيى كەزدەسەدى. بيىل وسىنداي بەس وپەراتسيا جاسالىپ، ولار دا ءساتتى وتكەن.

"جۇكتىلىك كەزەڭى كۇردەلى ءوتىپ، بوسانۋ پروتسەسى قيىن بولىپ، سوڭىندا وپەراتسياعا جاتۋ ايەل ءۇشىن دە، حيرۋرگتار ءۇشىن دە فيزيكالىق جانە پسيحوەموتسيونالدىق تۇرعىدان وڭاي ەمەس. ساناۋلى بولسا دا، مۇنداي ناۋقاستار كەزدەسەدى"، – دەپ اتاپ ءوتتى ايگۇل دۇيسەمباەۆا.

وپەراتسيا كەزىندە قولدانىلعان وزىق تەحنولوگيا ايەلدىڭ جاتىرىن ساقتاپ قالۋعا مۇمكىندىك بەرەدى. بۇل ناۋقاستىڭ كەيىنگى جاعدايى مەن ءومىر ساپاسىن ءۇشىن وتە ماڭىزدى. سەبەبى جاتىر تەك بالا تۋ قىزمەتىن عانا اتقارىپ قويمايدى، سونىمەن قاتار جۇرەك-تامىر مەن گورمونالدى جۇيەگە دە تىكەلەي اسەر ەتەدى، دەيدى دارىگەرلەر.

سوڭعى جاڭالىقتار

«شىڭىراۋ» شىڭعا شىقسىن

ونەر • بۇگىن، 00:18

تىڭ تاسىلدەردىڭ ءتيىمدى تۇسى كوپ

مەديتسينا • بۇگىن، 00:14

پاسپورت

رۋحانيات • كەشە

جەكە پەسا جازۋعا لايىق

رۋحانيات • كەشە

انا مەيىرىمى

قوعام • كەشە

دوللار ارزاندادى

قارجى • كەشە

ۇقساس جاڭالىقتار