قازاقستان • 20 قازان، 2020

قاراشا ايىنا ارنالعان اۋا رايى بولجامى

2829 رەت كورسەتىلدى

ايدىڭ ءبىرىنشى جارتىسىندا رەسپۋبليكانىڭ سولتۇستىك بولىگىندە، شىعىسىندا جانە ورتالىعىندا قىسقى اۋا رايى بولجانادى. قاراشا ايىندا جاۋىن-شاشىن (كوبىنەسە قار)، قارلى بوران، سونداي-اق كوكتايعاق پەن تۇمان ءجيى بولادى. ايدىڭ ءبىرىنشى جارتىسىنىڭ ەڭ سۋىق كۇندەرىندە تەرمومەتر باعاناسى تۇندە -10-23°C، كۇندىز -2-10°C دەيىن تومەندەيدى. سۋىق اۋا ماسسالارى جىلىعا اۋىسقاندا تەرمومەترلەردىڭ باعانالارى +5+12°س بەلگىسىنە جەتەدى.

ەلىمىزدىڭ وڭتۇستىك بولىگىندە جاۋىن-شاشىن (جاڭبىر، جىلبىسقى قار) ايدىڭ ەكىنشى جارتىسىندا كۇتىلەدى، تاۋلى جەرلەردە ەرتەرەك بولۋى مۇمكىن. بۇل جاعدايدا تەمپەراتۋرا فونى تۇندە -5-12°س دەيىن، كۇندىز -1+5°س دەيىن تومەندەيدى.

ءبىر اي بويى جىلى كۇندەر ايازدى كۇندەرگە اۋىسۋى كۇتىلۋدە، كوبىنەسە ەلدىڭ سولتۇستىك جارتىسىندا.

وسىلايشا، قازاقستاننىڭ باسىم بولىگىندە اۋا تەمپەراتۋراسى نورما شاماسىندا، ەلدىڭ سولتۇستىك-باتىس جارتىسىندا – نورمادان 1°س جوعارى، وڭتۇستىك، وڭتۇستىك-شىعىس جانە شىعىستىڭ تاۋلى جانە تاۋ بوكتەرلى اۋداندارىندا - نورمادان 1°س تومەن بولادى دەپ كۇتىلۋدە.

قازاقستاننىڭ باسىم بولىگىندە جاۋىن-شاشىن مولشەرى نورما شاماسىندا، ەلىمىزدىڭ سولتۇستىك-شىعىس جارتىسىندا جانە وڭتۇستىك-شىعىس ايماقتارىنىڭ تاۋلى، تاۋ بوكتەرىندەگى اۋداندارىندا نورمادان كوپ، رەسپۋبليكانىڭ وڭتۇستىك-باتىس جارتىسىندا نورمادان از بولادى دەپ بولجانادى.

قاراشا ايىندا قار جامىلعىسى پايدا بولادى جانە قالىپتاسادى. كوپجىلدىق مالىمەتتەرگە سايكەس، قار جامىلعىسى قالىپتاسۋىنىڭ ورتاشا كۇنى:

سولتۇستىك جانە شىعىس ايماقتاردا - قاراشا ايىنىڭ ورتاسىندا،

قازاقستاننىڭ ورتالىق بولىگىندە - قاراشانىڭ ەكىنشى جارتىسىندا،

ەلىمىزدىڭ باتىسى مەن وڭتۇستىك-شىعىسىندا – قاراشانىڭ سوڭىندا جانە جەلتوقساننىڭ ءبىرىنشى جارتىسىندا،

رەسپۋبليكانىڭ وڭتۇستىگىندە جانە وڭتۇستىك-باتىسىندا - جەلتوقساننىڭ ءۇشىنشى ونكۇندىگىندە.

سوڭعى جاڭالىقتار

ارىپتەستىك الەۋەتى جەمىس بەرۋدە

ايماقتار • بۇگىن، 19:21

قالامگەرگە قۇرمەت

رۋحانيات • بۇگىن، 18:13

الماتى «قىزىل» ايماققا كىردى

ايماقتار • بۇگىن، 16:50

اقتاۋدا بۋىنسىز بالا تۇرادى

ۆيدەو • بۇگىن، 16:04

iPhone 12 دەنساۋلىققا زيان دەپ تانىلدى

تەحنولوگيا • بۇگىن، 15:38

ۇقساس جاڭالىقتار