ايماقتار • 20 قىركۇيەك، 2020

جامبىل وبلىسىندا اسارلاتىپ سالىنعان العاشقى ءۇي تابىستالدى

37 رەت كورسەتىلدى

بيىل وڭىردەگى «رۋحاني جاڭعىرۋ» جوبالىق ءوفيسىنىڭ باستاماسىمەن «اسارلاتىپ ءۇي سالۋ» جوباسى قولعا الىنعان بولاتىن. اتالعان باستاماعا جامبىل وبلىسىنىڭ اكىمى بەردىبەك ساپارباەۆ قولداۋ ءبىلدىرىپ، وبلىستىڭ ءاربىر اۋدان، اۋىلدارىندا اسارلاتىپ ءۇي سالۋ جۇمىستارى باستالىپ تا كەتتى، دەپ حابارلايدى Egemen.kz.

مۇنداعى ماقسات – كوپبالالى، از قامتىلعان وتباسىلاردى باسپانامەن قامتۋ. بۇل ورايدا ءتيىستى جۇمىستار جۇرگىزىلۋدە.

جامبىل وبلىسىندا «اسارلاتىپ ءۇي سالۋ» باستاماسى اياسىندا سالىنعان العاشقى ءۇي ءوز يەسىنە تابىس ەتىلدى. بايزاق اۋدانى، ءمادىمار اۋىلىنىڭ تۇرعىنى عاليا قۇرمانوۆا اتالعان جوبا بويىنشا باسپانالى بولدى. تولىق ەمەس وتباسىنا جاتاتىن تۇرعىنعا ءۇي سالىپ بەرۋ ءۇشىن اۋىل تۇرعىندارى بىرقاتار كومەك كورسەتىپتى. ء«بىر ءۇيدىڭ بالاسىنداي، ءبىر قولدىڭ سالاسىنداي» جۇمىلعان جۇرتشىلىق از ۋاقىتتا اۋىل تۇرعىنىنا اسارلاتىپ ءۇي سالىپ بەردى. جامبىل وبلىسى اكىمىنىڭ ورىنباسارى ەرجان جىلقىباەۆ ءمادىمار اۋىلىنا ارنايى بارىپ، باسپانالى بولعان عاليا قۇرمانوۆانى قۋانىشىمەن قۇتتىقتادى.

قازىرگى كەزدە وبلىستا «اسارلاتىپ ءۇي سالۋ» جوباسى بويىنشا 106 ءۇي سالىنۋدا. سونىڭ ىشىندە العاش رەت بايزاق اۋدانىندا تۇرعىن ءۇي پايدالانۋعا بەرىلىپ وتىر. بۇل ءۇيدى سالۋ ءۇشىن اۋدان اكىمدىگى تاراپىنان 15 سوتىق جەر بولىنگەن. كوپتىڭ كومەگىمەن سالىنعان 4 بولمەلى ءۇيدىڭ ءوز الدىنا جۋىناتىن بولمەسى جانە اجەتحاناسى بار. ءۇي ءىشى اۋىل تۇرعىندارىنىڭ كومەگىمەن ءتۇرلى جيھازعا، تۇرمىستىق-تەحنيكالىق زاتتارعا تولتىرىلعان. سونداي-اق، 1 سيىر مەن 5-6 قوي بەرىلسە، اۋداندىق ءبىلىم ءبولىمى باسپانالى بولعان وتباسىنا 1 كومپيۋتەر تارتۋ ەتىپتى ەتىپتى. قونىس تويىن تويلاپ وتىرعان 4 بالانىڭ اناسى عاليا قۇرمانوۆا كوپشىلىككە العىسىن جەتكىزدى.

سوڭعى جاڭالىقتار

ەلورداعا قارجى قۇيۋعا نيەتتى

ەلوردا • بۇگىن، 16:50

29-31 قازان كۇندەرى كۇن جىلىنادى

اۋا رايى • بۇگىن، 12:40

قانداستار ماسەلەسى تالقىلاندى

ساياسات • بۇگىن، 08:12

كوشە كامەراسىنىڭ كومەگى

ايماقتار • بۇگىن، 07:57

ۇقساس جاڭالىقتار