ايماقتار • 18 قىركۇيەك، 2020

تارازدا تۇڭعىش رەت كۇردەلى وتا جاسالدى

18 رەت كورسەتىلدى

جامبىل وبلىستىق كوپبەيىندى اۋرۋحاناسىندا العاش رەت قولتىق استى ليمفا تۇيىندەرى ارقىلى وڭ جاق كەۋدەگە كەڭەيتىلگەن سەكتورلىق رەزەكتسيا جاسايتىن بىرىڭعاي وتا جاسالدى. اتالعان وتانى اۋرۋحانا حيرۋرگتارى جوعارى دەڭگەيدە جۇزەگە اسىردى. وسى ۋاقىتقا دەيىن مۇنداي كۇردەلى وتالار تەك الماتى قالاسىنداعى قازاق ونكولوگيا جانە راديولوگيا عىلىمي-زەرتتەۋ ينستيتۋتى مەن نۇر-سۇلتان قالاسىنداعى ۇلتتىق عىلىمي ونكولوگيالىق ورتالىعىندا عانا جاسالاتىن، دەپ حابارلايدى Egemen.kz

وبلىستىق دەنساۋلىق ساقتاۋ باسقارماسىنىڭ مالىمەتىنشە، تالاس اۋدانى، قاراتاۋ قالاسىنىڭ 46 جاستاعى تۇرعىنى ديسپانسەرلىك ەسەپتە "وڭ جاق ءسۇت بەزىنىڭ كارتسينوماسى،  2-ساتى"  كلينيكالىق دياگنوزىمەن تىركەلگەن.

ناۋقاس  اديۋۆانتتى ەمەس حيميالىق تەراپيانىڭ ءتورت كۋرسىنان ءوتىپ، ىسىكتەرىنىڭ رەگرەسسياسى 50 پايىزعا دەيىن جەتكەن. سوندىقتان وعان جەدەل تۇردە وتا جاساۋ تۋرالى شەشىم قابىلدانعان. ناتيجەسىندە بىلىكتى دە تاجىريبەلى دارىگەرلەر قايرات تولەشەۆ پەن  جاندوس سەيداحمەتوۆ ينتراوپەراتسيالىق ەكسپرەسس-تسيتولوگيالىق زەرتتەۋدى قولدانا وتىرىپ، دەرتتىڭ وشاعىن الىپ تاستادى. 

"مۇنداي وتانىڭ باستى ەرەكشەلىگى – ءسۇت بەزىن ساقتاۋعا جانە قاتەرلى ىسىكتىڭ قايتالانۋىن بولدىرماۋعا باعىتتالعان. بۇرىن ونكولوگيالىق  اۋرۋلارعا حيرۋرگيالىق ارالاسۋدىڭ باسقا ءتاسىلى قولدانىلاتىن. بۇل ءادىستىڭ تيىمدىلىگى – قوسىمشا اۋرۋدىڭ الدىن-الۋعا دا سەپتىگىن تيگىزەتىندىگىندە بولىپ وتىر. وبلىستىق كوپبەيىندى اۋرۋحانا دارىگەرلەرىنىڭ ىزدەنىسى مەن ۇيلەسىمدى ءارى تابىستى جۇمىسىندا تسيتولوگيالىق زەرتحانا قىزمەتكەرلەرى تاتيانا سيم مەن راديولوگيا ءبولىمىنىڭ مەڭگەرۋشىسى روزا بەگيمباەۆانىڭ زەرتتەۋلەرى ماڭىزدى ءرول اتقارعانىن اتاپ وتكەن ءجون"، دەيدى وبلىستىق دەنساۋلىق ساقتاۋ باسقارماسى ءباسپاسوز قىزمەتىنىڭ جەتەكشىسى تولقىن ومىرباەۆا.

جامبىل وبلىسى                               

سوڭعى جاڭالىقتار

اتىراۋدا 9 بالانى يت تالادى

ايماقتار • بۇگىن، 19:57

ۇقساس جاڭالىقتار